#آية_في_الجنون
الفصل السادس♡حب من أول نظرة♡
#الكاتبة_ندى_محسن
#اذكروا_الله. ♡
بعض الأشخاص يمروا بحياتنا، أما البعض الآخر فهم يمروا بقلوبنا، تستطيع الحياة أن تتجاوزهم بمهارة كأن لم يكونوا أبدًا، بينما في القلب يتركون ندبة صعبة.. بل مستحيلة الزوال.
وقفت "أية " وهي تتحدث بانفعال واضح:
-أنت جاي هنا تعمل أيه وليك عين؟ علشان كدة يا ست أيات جيبتينا هنا؟!
وقفت "أيات" على الفور وهي تحرك رأسها بنفي، هي لم تكن تعرف أنه هنا حقًا، شعرت بالكثير من الإحراج ولم تتخيل أن تراه مرة أخرى بعد هذا اليوم:
-معرفش أنه هنا والله.
ابتسم الآخر وهو يمد يده إلى "أية" وقد لمعت عينيه باعجاب:
-ملحقناش نتعرف بس أنا محمد، بالمناسبة أنا جيت هنا صدفة علشان بس متلطشيهاش بالألم تاني.
وضعت "أيات" يدها على وجنتها بغيظ من "أية" هي بالفعل لم تكن تتذكر أن شقيقتها قامت بضربها أمام هذا الرجل.
لاحظ "محمد" سكون "أية" علم أنها لا تنوي مصافحته ليومأ وهو يسحب يده:
-طيب على فكرًا اللي حصل أمبارح ده سوء فهم، أنا مخلتهاش تشرب وبس ساعدتها تيجي بيتها علشان محدش يضايقها، إنما غير كدة مليش أي علاقة.
انفعلت "أية" وهي تنظر له وترفع سبابتها في وجهه محذرة:
-أنا لو كان حصلها أي حاجة مكنتش هرحم حد فيكو وتاني مرة ملكش دعوة بيها وأظن أننا مش قريبين للدرجة اللي تخليك تيجي تسلم لو شوفتنا في مكان.
أومأ "محمد" باقتناع مصطنع ومازالت تتحدث، قاطعهم صوت "أيات" التي بدت كما لو كانت في عالم آخر:
-ممكن نقعد ونتكلم بهدوء أو نشرب حاجة بدل وقفتنا دي؟
نظرت "أية" لها بغضب شديد، ضحك الآخر وهو يشير عليها:
-تفتكري أختك دي من النوع اللي تشرب حاجة؟ خليها في عصير الرومان بتاعها.
جلست "أية" وهي تشعر بالغيظ الشديد من أفعال شقيقتها، بدأت في شرب عصير الرومان المفضل لها وكأنه غير موجود، لا تعلم "أيات" هل تجلس معها أم تظل واقفة مع "محمد" لكن على كل حال هو لم يعطيها الفرصة وهم بالجلوس واضعًا قدم فوق الأخرى مناديًا بصوته عاليًا:
-يا جاسر متيجي يا بابا تشوف زباينك.
جلست "أيات" وعينيها تنتقل بين أختها وهذا الشاب الذي يثير استفزازها ولا تعلم السبب، تحدث "محمد" معها:
-انتِ لسة مصدعة؟
حركت "أيات" رأسها بنفي ليبتسم لها فتجيبه بتردد من وجود أختها:
-انا كويسة دلوقتي.
حرك "محمد" رأسه باستنكار شديد:
-كان ثقتك فيهم أكبر غلط، على فكرًا الصحاب الصح مبيساعدوش على الغلط بالعكس، هي اقنعتك تجربي عصير جديد وبعديها سابتك ومشيت.
أنت تقرأ
آية في الجنون.. للكاتبة ندى محسن|White Rose
Mystery / Thriller-مين المجنونة اللي توافق تتجوز واحد أيده مبتورة ومتجوز وتيجي تعيش في أرياف بدل مكانت عايشة في المدينة؟! مستحيل هتوافق بيا يا جماعة! رواية مختلفة، مميزة، مشوقة. ✨❤ #آية_في_الجنون #الكاتبة_ندى_محسن
