آية في الجنون.. للكاتبة ندى محسن|White Rose

الفصل الثامن والعشرون ☆ليست مجرد صدمة☆

#آية_في_الجنون
الفصل الثامن والعشرون ☆ليست مجرد صدمة☆
#الكاتبة_ندى_محسن

#اذكروا_الله.
☆الخوف والأفتقاد.. أشياء متشابهة للغاية، تؤثر علينا كما لو كنّا أطفال نختبرها للمرة الأولى، لقد كانت الكارثة دائمًا في اجتماعهم سويًا مثلي أنا.. وأنت!☆
#الكاتبة_ندى_محسن

كانت تبكي وقد بدأت في بغض نفسها بسبب تلك المشاعر التي تفشل كل الفشل في السيطرة عليها، اقتربت "أيات" وهو تمسك بيدها بقلب مرتجف:

-حصل أيه؟ قال حاجة زعلتك تاني؟ حصل أيه ليه بتعيطي كدة؟

اتاها رده القاسي وهو يقف أمام باب الغرفة عاقدًا زراعه أمام صدره وهو يتذكر حديث "موسى" وتحديه أنها سوف تكون ملكه رغمًا عنه وعن الجميع:

-سيبيها يا أيات، سيبيها يمكن تفوق من القرف اللي هي فيه ده.

نظرت "أيات" له بعدم رضا وهي تلومه بعينيها، قاطعهم صوت "أية" وهي تقترب لتقف أمام "نوح" وتقوم بدفعه بانهيار شديد:

-أنت عايز أيه؟ وأنت مالك أصلًا بينا؟ مين أدالك الحق تدخل في اللي يخصنا، أفهم بقى يا أخي مش عايزاك هنا، مش طايقاك.

قام بمسك يديها وقد صرخ بها لينتفض جسدها:

-فوقي أنا مش هسمحلك تتمادي أكتر من كدة، خلاص يا أية أنتِ مبقتيش فاهمة أنتِ بتعملي أيه، أنا بقيت مشفق عليكِ بجد! أزاي قادرة تكوني بالضعف ده، أنا كنت دايمًا فاكر إنك شخصية قوية بس كنت غلطان، أنتِ بجد أضعف إنسانة أنا شوفتها في حياتي كلها.

كانت في حالة من الإنهيار وهو سحق أسنانه وهو يراها قد سقطت ليجلس على ركبتيه أمامها ومازال ممسك بيدها ولا يصدق أن وحده "موسى" قادر على التأثير فيها بتلك الطريقة:

-أية كفاية فوقي لنفسك، أنا مش عارف أنا عملتلك أيه! كل اللي بحاول أعمله إني بحافظ عليكوا من ساعة مسيبتوا بيت خالتكو أنا مش عارف فين الغلط؟!

سحبت يدها من بين يده بألم وهي تصرخ به:

-محدش ليه دعوة بينا محدش بيفكر غير في نفسه، أنا مش عايزة حد معانا ولا حد ليه دعوة بينا خلاص.

اقتربت "أيات" وقد كانت تشعر بالصدمة من حالة شقيقتها، قامت بضمها وتحدثت "أية" بألم:

-أنت اللي ضعيف مش أنا.. وأنت اللي همجي مش أنا اللي رخيصة.

أجل هي تتذكر حديثه وقت غضبه سابقًا، تتذكر كيف جرحها، أما عنه حرك رأسه بعدم استيعاب وهو يشير عليها:

-تفتكري في حد بيحب حد هيوصله للمرحلة دي؟ البنت اللي كانت واقفة تاخد عزا باباها بقلب جامد هي دي يا أية؟ شوفتي وصلك لأيه؟ شوفتي حبه ضعفك أزاي؟ شوفتي أزاي بقيتي غبية؟