آية في الجنون.. للكاتبة ندى محسن|White Rose

الفصل الواحد والثلاثون ☆يتنازل من أجلها ☆

#آية_في_الجنون
الفصل الواحد والثلاثون ☆يتنازل من أجلها ☆
#الكاتبة_ندى_محسن

#اذكروا_الله
☆ربما لا نلتقي اليوم أو حتى غدًا، ربما لا نلتقي أبدًا ولكن اعلمي أن هناك شخص لم يراكِ كحبيبة، لم يراكِ كبشر بل كعالم لا يوجد به سوى الخير، لا يوجد به سوى الراحة ومن الطبيعي رحيلكِ.. فالجنة بعيدة كل البعد عن أرضي.☆
#الكاتبة_ندى_محسن

الساعة الثامنة صباحًا وهناك طرقات على باب منزل العميري، استيقظ "أمير" وخرج من غرفته ليرى "فيروز" تحمل زجاجات الحليب وتعطي المال لسيدة ابتسمت ما إن رأته وهي ترحب به بحفاوة:

-ازيك يا حج أمير عامل أيه؟ حمدلله على سلامتك يا رب وأزاي إحنا منعرفش بوجودك هنا؟ نورت مارسانا كلها.

ابتسم "أمير" وهو يومئ لها باحترام:

-ربنا يخليكِ يا أم أمير وأزي أمير أيه أخباره وبقى في سنة كام دلوقتي من قبل مسافر بكتير مشوفتكوش؟

ابتسمت السيدة وهي تخبره بفخر شديد:

-ده بقى في تالتة أعدادي وبقى ياخد جوايز في الكاراتيه، ده كان لسة بيسألني عنك مينساش اللي عملته معاه من بعد أبوه.

حرك "أمير" رأسه بنفي وهو يجيبها بحنان:

-ربنا يرحمه كان راجل أصيل ويستحق كل الخير كفاية أنه سمى أول فرحته على اسمي.

تحدثت "فيروز" وهي ترى السيدة على وشك أن تتحدث من جديد:

-شكرًا يا أم أمير، لو احتجت لبن زيادة هقولك.

اومأت لها السيدة ومن ثم استأذنت لتذهب، نظرت "فيروز" تجاه "أمير" ولا تعلم ماذا عليها أن تقول:

-أعملك فطار؟

نظر لها بتعجب وقد التقت عينيه بعينيها لأول مرة من بعد مجيئه:

-هو النظام اتغير وكل واحد بقى ياكل لوحده ولا أيه؟

حركت رأسها بنفي وهي تجيبه بسرعة:

-لا لا أنا بس كنت بشوفك لو حابب تاكل قبل مالكل يتجمع.

سمعوا طرقات على الباب وفتح "أمير" ليدخل "نوح" وقد بدى أكثر اشراقًا:
-صباح الفل ده البيت كله منور يا حج أمير والله.

ضيق "أمير" عينيه وهو يشك في مجيئه إلى هنا بينما ابتسمت "فيروز" ساخرة لتأكد شكوكه:

-مش من عوايدك يعني تيجي من صباحية ربنا كدة؟

غمز "نوح" لها ومن ثم سلط عينيه على جده ليتحدث ببراءة مصطنعة:

-والله أنا جاي علشان جدو هنا، أنا نايم قايم مش مصدق نفسي وقولت لازم أشوفه وأفطر معاه قبل مروح المدرسة، علشان كمان عايز أعمل أجازة الجواز.