ပိုးစုန်းကြူးလေးဖမ်းပေးပါ(Completed)

1

1991ခုနှစ် ...

ကျဉ်းမြောင်းသော လမ်းကြားငယ် ၊ မညီညာသော
မြေနီရောင်လမ်းနှင့် ချိုင့်ခွက်ငယ်များ...
သည်နေရာသည် သဖန်းတော‌ရွာကြီး၏ အမှတ်၃ ရက်ကွက်ငယ်လေး တစ်ခုမှာဖြစ်၏။
ပျဉ်ထောင်အိမ်ငယ်တစ်လုံး၏ အထဲတွင် ဆယ့်လေးနှစ်အရွယ်ကောင်ငယ်လေးတစ်ယောက် လှဲလျောင်းအိပ်စက်နေခဲ့သည်။ သူ့နာမည်က စုံသာမြိုင် ။
မိမဲ့၊ဖမဲ့မို့ လူတိုင်း ၏ ခိုင်းဖက် ဖြစ်၍ အမြဲ ချောင်ကပ်ကာ စိတ်အားငယ်နေတက်တဲ့ကလေးတစ်ဦးဖညစ်ခဲ့သည်။
ခုလည်း အရှေ့ရွာရှိ သူ့ဘကြီး တစ်ဦး၏ နွားခြံ၌ နွားနို့ညှစ်ကူးစဉ် နွားကန်ခံရပြီး အိပ်ယာပေါ်လှဲနေတာ တစ်ပတ်ကျော်ခန့်ရှိလေပြီ။ မကြာခဏ ဆွေမျိုးများက
ဆေးတိုက် အစာကျွေးလာတက်ပေမဲ့ ပစ်ထားသည်က များသည်မို့ ငစုံခမျာ အိပ်ယာထဲမှာ ပက်လက်။
မနေ့က တစ်နေ့လုံး သူ့မှာနိုးတစ်ဝက်အိပ်တစ်ဝက်ဖြင့် အိပ်မက်ရှည်ကြီး တစ်ခု မက်ဖြစ်ခဲ့သည်။
အိပ်မက်ထဲတွင် ညချမ်းအေးဆိုတဲ့ကလေးငယ်သည်
သူ့၏စိတ်အာရုံတွင်အထင်ဟပ်ဆုံးပင်။

ထိုကလေးငယ်ကို ပေါက်စီတစ်လုံးကျွေးခဲ့ရာမှ အစပြုသိခဲ့ရပြီး သူ၏သက်တမ်းထက်ဝက်ကျော်အတွင်း တစ်လတောင်မမေ့လျော့ခဲ့ပဲ သူ့နောက်လိုက်ခဲ့သော သစ္စာအရှိဆုံးသူဖြစ်ခဲ့၏။
နောက်ဆုံး သူသေဆုံးလမတိုင်ခင် အလိုချင်ဆုံးနောက်ဆုံး စာတစ်စောင်ကို လာအပို့မှာ မိုးရွာထဲကားတိုက်သေဆုံးခဲ့ခြင်းကြောင့် ညချမ်းအေးသည်
ပို့ဆောင်သူမပါပဲ တိတ်တဆိတ် အထီးကျန်ဖွယ်
သေးဆုံးခဲ့ရခြင်းသည် သူ့အားနာကျင်စေခဲ့သည်။

သူအိပ်မက်မှ နိုးထအပြီးမှ သူ့ဘဝ သည် တဖန် ပြန်လည်မွေးဖွားခြင်းဖြစ်သည်ကို သတိထားမိလိုက်သည်။ ထို့နောက်.....

_______

သဖန်းတောရွာ။ ထိုရွာတွင် ပေါင်းကူး ဝါးတန်းငယ်ဖြင့် လမ်းဖြတ်၍ ရအောင်ပြုလုပ်ထားသော ဝါးတံတားငယ်ရှိလေသည်။ အရှေ့ရွာ ၊အနောက်ရွာ
နှစ်ရွာပေါင်းမှ သဖန်းတောအမည်တွင် ရွာဖြစ်ရ၏။
နောင်တွင် ထိုချောင်းငယ်အပေါ်တွင် ခိုင်ခံ့သော ချောင်းကူး
တံတားအသေးတစ်ခု ဖြစ်ပေါ်လာမည်ဖြစ်သော်ငြား
အခုတွင်တော့ ခနှော်လီ ခနှော်နဲ့ ဝါးတံတားအပေါ်တွင် ငစုံတစ်ယောက်ပြေးလွှားနေခဲ့၏။