"သူ့နာမည် မိုးမှောင် "
ငစုံ အသံကြားတော့ ဦးသက်ခိုင် ရွှေကျင်ရာမှာသုံးတဲ့ ကောဇောချပ်တွေ စီနေရာမှ လှည့်လာ၏။
ထို့နောက် တအံ့တဩဖြစ်သွားသည့်ဟန်ဖြင့် ငစုံလက်ကိုဆွဲကာ တော်တော်ဝေးဝေးခေါ်သွားပြီး တီးတိုးအသံဖြင့်
" ဒီကောင်နဲ့ဘယ်လိုသိလာတာလဲ "
" ဘာဖြစ်လို့လဲ "
" ဘာဖြစ်ရမှာလဲ ။ တောင်မှော်အင်းမှာ ဘမှောင်ဆိုရင် မသိသူမှမရှိတာ။ ဒီကောင်နာမည်ပြောင်က မရဏမိုးမှောင်ကွ"
" သူ့ဘာသာ မရဏ မကလို့ ဘာနေနေ ။
လောလောဆယ် ကျုပ်ခိုင်းဖို့ ခေါ်လာတဲ့ ကျုပ်အလုပ်သမားပဲ"
ထီမထင်လုပ်နေတဲ့ ငစုံဆိုတဲ့ကလေးကြောင့်
ဦးသက်ခိုင် အံတကြိတ်ကြိတ်နှင့် မချိတင်ကဲ။
တကယ်ဆို ဘမှောင်က မကြာခဏလူသတ်ဖူးသည်။
သို့သော် သက်သေမရှိဘူးဆိုတဲ့အကြောင်းပြချက်ဖြင့်မကြာခဏလွတ်မြောက်တက်သူ။
လူသတ်သမားတွေအများကြီးထဲမှာ ဘမှောင်လောက်
လက်စလက်န ဖျောက်တော်သူ၊ ဉာဏ်အကောင်းဆုံးသူကရှိအံ့မထင်။
ငစုံကတော့ ဉီးသက်ခိုင်ဘာတွေးနေတာလဲဆိုတာ မသိ။ တလွှားလွှား ဘမှောင်ရှေ့ အပြေးပြန်သွားကာ
" ကျုပ်က ကျန်တာ ဘာမှမပြောချင်ပေမဲ့
ခင်ဗျားကို တစ်ခုပဲ သတိပေးမယ် ကိုဘမှောင်။
ငစုံဆိုတဲ့ နာမည်ကို ခေါင်းထဲမှတ်ထား ကျုပ်ကို သစ္စာမဖောက်သ၍ ကောင်းကောင်းနေရမယ်
အေး... ဖောက်ခဲ့တဲ့ တစ်နေ့ မရဏ မကလို့ ဘာနေနေ စုံသာမြိုင်ဆိုတဲ့ကောင်ရဲ့လက်ထဲ ခင်ဗျားသေရမယ်ဆိုတာ မမေ့နဲ့။ "
သွားကြားလေထွက်ရုံမျှ ငစုံအသံသည် မျက်နှာချင်းဆိုင်ရှိ ဘမှောင် နှလုံးသားထဲ စီးဝင်သွားသည်နှယ် အကြောက်တရားပါးပါးကို ခံစားသိရှိလိုက်ရ၏။
ထို့ကြောင့် ဘမှောင်သဘောတကျရယ်၍
ငစုံ၏ ပခုံးကို အားနှင့်ပုတ်လိုက်ပြီးနောက်
" ဟိုးထား... ကိုယ့်လူ ။ ဘမှောင်ဆိုတဲ့ကောင်က သစ္စာတရားကို ရင်ဝယ်သိတဲ့ကောင်ပါကွ။ လူမိုက်တွေမှာလည်း နှလုံးသားရှိပါတယ် ၊ မင်းငါ့အပေါ်မှာ
တာဝန်ကျေသ၍ ငါဖက်ကလည်း တန်ပြန် တာဝန်ကျေမှာပါ ။"
ŞİMDİ OKUDUĞUN
ပိုးစုန်းကြူးလေးဖမ်းပေးပါ(Completed)
Romantizmrebirth ဇာတ်လမ်းအမျိုးအစားအား မှီငြမ်းရေးသားထားခြင်းဖြစ်သည်။
