ပိုးစုန်းကြူးလေးဖမ်းပေးပါ(Completed)

22

"မကြာခင် ကျောင်းစုံညီပွဲတော် လာတော့မယ်နော်။ ဆရာ့အတန်းက ကျောင်းသားတွေအတွက် ပါဝင်မဲ့ သူတွေ ရွေးချယ်ထားသင့်ပြီ "

"ဟုတ်ကဲ့ဆရာဉာဏ် ။ အဲ့ဒါကိုပဲ ကျွန်တော်လည်းတိုင်ပင်မလို့။ ဆရာ့အတန်းက ရနံ့ကူးဆိုတဲ့ ကျောင်းသူလေးအတွက် ကျွန်တော် တာဝန်ယူထားလို့ ပါ ။ သူပါဝင်ချင်တာရှိရင် မိဘတွေအစား ကျွန်တော်ကိုပဲ ပြောပေးလို့ရမလားဗျ။ "

ဆရာဉာဏ်သည် မူလတန်းပြ ဆရာဖြစ်သည်ကြောင့် ခုမှ သူငယ်တန်းတက်နေသော ကူးကူးက မဖြစ်မနေ ဆရာဉာဏ်၏ တပည့်ဖြစ်ရတော့သည်။ ပညာရေးတက္ကသိုလ်ကျောင်းဆင်း ညချမ်းအေးသည် အလယ်တန်းပြအဖြစ် ခုနှစ်တန်း အတန်းပိုင်အဖြစ်တာဝန်ယူရသည်။ ရသည့်ဘွဲ့အရ မတူညီတာမို့
ဆရာဉာဏ်သည်နှစ်ထမ်းအရ စီနီယာဖြစ်ပေသည့်တိုင် မူပြအဖြစ်တာဝန်ယူရတာဖြစ်၏။အမှန်အတိုင်းပြောရရင် ဆရာဉာဏ်သည် ကျောင်းပညာရေး အရ မူပြကိုင်တွယ်ရပေမဲ့ တက်ကျွမ်းသော ပရမီကြောင့် ညချမ်းအေးတို့ပင် မသိတာရှိရင်မေးမြန်းရ၏။

အမှန်တော့ တကယ်တက်ကျွမ်းသူ၊ အခြေခံ ကောင်းမွန်သူတိုင်းမူပြအဖြစ်တာဝန်ထမ်းဆောင်သင့်သည်။
ကလေးတိုင်း၏ အုတ်မြစ်ကို ခိုင်ခံ့အောင် ချမှတ်နိုင်သော ဆရာဖြစ်သူသည် မတက်ကျွမ်းပဲ
တက်ယောင်ကား ဆရာ မဖြစ်သင့်ပေ။
ဆရာတစ်ယောက်၏ ဂုဏ်အင်္ဂါအဆင့်အတန်းသည်
မူလတန်းပြ၊ အလယ်တန်းပြ၊ အထက်တန်းပြဟူသော
ပကာသနဖြင့်တိုင်းတာရန်မဟုတ်ပေ။

မူကြို၊ သူငယ်တန်း အစရှိသော အတန်းငယ်များသည် အိမ်တစ်အိမ်၏ အုတ်မြစ်နှင့်တူပေသည်။
အခြေခံမကောင်းသော အိမ်တစ်အိမ်သည် အပေါ်‌ပိုင်း ဘယ်လောက်ကောင်းအောင်ဆောက်ဆောက်  ရေရှည်တည်မြဲမည်မဟုတ်။
သင်ကြားမူ့ညံ့ဖျင်းသော ဆရာများသည် အငယ်တန်းကလေးများအား လျော့ပေါ့ အထင်မြင်သေးတက်ကြသည်။ ဒါမဖြစ်သင့်ဟု ညချမ်းအေးထင်ပေသည်။ ဆရာဉာဏ်၏ မြန်မာစာ ၊ အင်္ဂလိပ်သင်ရိုးသည် အလွန်အင်မတန်ကောင်းလှသည်။
ရိုးရှင်းသော သင်ရိုးဖြစ်ပေသည့် သူ့လက်ထွက် ကလေးငယ်များသည် အခြေခံပိုင်နိုင်တာကြောင့်
အင်္ဂလိပ်စကားပြောပီသပြီး ကဗျာစာပေများကို ဖတ်ရှု့ရသည်ကို မကြောက်ရွံ့တက်ပေ။