ပိုးစုန်းကြူးလေးဖမ်းပေးပါ(Completed)

28

"သူ့ကို ဘာလုပ်လိုက်ရမလဲ"

အမြဲညင်သာနေကျဖြစ်သော မျက်လုံးတွေသည်   လက်ပြန်ကြိုးတုတ်ထားပြီး အဝတ်ဖြင့်ခေါင်းအုပ်ထားသော လူတစ်ယောက်အား အေးစက်စွာကြည့်နေခဲ့သည်။ စူးရှသော မီးအလင်း သည် ထိုလူ၏ပုံပန်းအားတိကျစွာမြင်နိုင်သည်။

ကန်ရေပြင်အလား တည်ငြိမ်သော မျက်လုံးတွင် မီးလျံအလား တောက်လောင်နေသော သတ်ဖြတ်ခြင်းများသည် သိသာမြင်သာနေခဲ့သည်။

မှန်၏။ထိုသူသည်စီမြို့တော်တွင်ကျင်လည်ကျက်စားနေသော ဦးခမ်းစက်ပိုင် ၏ Lion king အဖွဲ့အစည်း၏ အမွေဆက်ခံသူမိုင်းစက်ပိုင်ပင်ဖြစ်သည်။
အပြင်လောကတွင်မိုင်းစက်ပိုင်သည်ထိုသို့မဟုတ်ပေ။ချစ်လှစွာသောမိထွေးဖြစ်သူ ဒေါ် ဧကရီ၏
မြင်ကွင်းအောက်တွင် ဖြူစင်ရိုးသားမူ့အားအမြဲ
ချပြလေ့ရှိသည်။ အမေဖြစ်သူအား ချောင်ထိုး၍
သားအမိအမည်ခံ ထားသူ မိထွေးကို မုန်းသည်မှာ ရင်ထဲအသည်းနစ်အောင်ပင်။

" ဘယ်သူခိုင်းတာလဲဆိုတာ သိအောင်လုပ်လိုက်။
မပြောမချင်း နှိပ်စက်တာကို မရပ်လိုက်နဲ့ "

ထိုစကားကြောင့် ကြိုးတုတ်ထားသော သူသည် ကြောက်အားလန့်အား စာတင်ရုန်းကန်လာသည်။

မရဏသည်သခင်၏အမိန့်စကားအောက်တွင်
လျှပ်စစ်ခုံအား တွန်းရွေ့လာသည်။

နာကျင်၍ ခက်ခဲစေသော အချိန်ကို ထိုသူမည်သို့
တောင့်ခံနိုင်မည်နည်း။  မှောင်မိုက်သော အခန်းငယ်အတွင်းမှာ  ရှိတဲ့လူနည်းစုသည် တုတ်တုတ်မျှမလှုပ်ရဲချေ။
လျှပ်စစ်ဖြင့်ရှော့တိုက်နည်းသည် သာမန်သစ္စာဖောက်ကိုတောင်မှ ရက်စက်လွန်း၍ မလုပ်ပေ။
အတော်ကြီးပြစ်မူ့ကြီးမှ ထိုနည်းကို သုံးကာ
လျို့ဝှက်ချက်ကိုဖော်ထုတ်လေ့ရှိတာဖြစ်၏။

ထိုနည်းကို နောက်ကွယ်ကနေ သူတို့အကြောင်းစုံစမ်းရုံမျှဖြင့် ထုတ်သုံးသည်ဆိုတာကတော့.. ဒေါသဖြေစရာ ရှိသည်မှာ မှားစရာ မဟုတ်။ လက်အောက်ငယ်သားတွေအကုန်လုံးသတိအနေအထားဖြင့် ရှိနေကြစဉ် ဗို့အားမြင့် လျှပ်စစ်အားကြောင့် ငယ်သံပါအောင်အော်ဟစ်သံက ကွက်ကြားကွက်ကြားထွက်ပေါ်လာခဲ့သည်။