"ညချမ်းအေး ..ဝက်သားတွေဘာတွေဝယ်လို့ပါပဲ"
ရွာဈေးက မနက်ဆို တစ်ခဏသာ။ နေမြင့်လျှင် ဈေးသည်တွေက သူ့တို့ ဆိုင်ကို သိမ်းဆည်းသွားတက်တာကြောင့် ဈေးဝယ်မယ်ဆို စောစောလာရ၏ ။
ဈေးခြင်းတောင်းကိုင်ကာ ဝက်သားဝယ်နေတုန်း နှုတ်ဆက်လာတဲ့အရီးကြောင့် ပြုံးပြရင်း
" ဟုတ်တယ်အရီး၊ နှစ်ရက်သုံးရက်ရှိပြီ၊ ဖြစ်သလို စားနေတာမို့ ဈေးလာလိုက်တာ ။အရီးကော ဘာဝယ်ပြီးပြီလဲဗျ။ ဈေးခြင်းကလည်းပြည့် နေပြီ ။ မမနှင်းရီ ကော မပါဘူးလားဗျ။ "
" နှင်းရီလား ၊ ပါပါ့ ။ ဟိုဖက်မှာ ငါးသွားဝယ်နေတယ်လေ။ နေပါအုံးဟယ် ငါမေးပါရစေအုံး။ ကူးကူးတို့
အိမ်မှာ မိန်းကလေးတစ်ယောက်ရောက်နေတယ်ဆို။ "
" အရီး ဘယ်ကကြားလာတာလဲ"
ညချမ်းအေး စိတ်ရှုပ်သွားတာကြောင့် မျက်ခုံးကွေးကွေးနှစ်ဖက်က တွန့်ကုတ်သွား၏ ။
" အမလေးဟယ် တစ်ရွာလုံး မကြားချင်မှအဆုံးပဲ။
စပ်စလူးစိန်လိုက်တာမှလွန်ရော ၊အနေအထိုင်က မတက်သေး၊ ရိုင်းက ရိုင်းသေးတယ်ဆို ။ မဖြစ်သေးပါဘူးဟယ် ၊ နောက်ရက် ကိုယ်တိုင်ကိုယ်ကျ လာကြည့်အုံးမယ်။ စုံသာမြိုင်ကလည်းရွေးစရာတွေဒီလောက်ပေါနေတာကို ဘယ်က တေလေဂျပိုးမကိုခေါ်လာမှန်းမသိဘူး"
အရီးက ပြောလိုက်ရင်တဆုံးမို့ နားထောင်နေရတဲ့ ညချမ်းအေးပင် မမြင်ရတဲ့ စံပယ်ဖြူကို အားနာသွားရတဲ့အထိပင်။
" တော်ပါတော့အရီးရယ် သူများကြားလို့လည်းမကောင်းပါဘူး ။ ဟိုမှာ မမနှင်းရီ ပြန်လာပြီ။ ကျွန်တော်လည်းပြန်တော့မယ် "
ဆွဲခြင်းထဲဝက်သားထုတ်ပစ်ထည့်ကာ ပြန်ဖို့ပြင်လိုက်ပေမဲ့ အရီး က လက်ကိုဆွဲကာ အပြန်မခံ။
" နေပါအုံး ။ ခုမှ တွေ့တာကို ပြန်တော့မလိုလား"
"ချက်ရပြုတ်ရနဲ့ ကျောင်းကိုလည်းမှီအောင်သွားရအုံးမယ် အရီးရယ် "
" အေးပါ။ ခဏပါပဲ။ မေးစရာလေးလည်းရှိလို့၊
သတိ ပေးစရာလည်းရှိလို့ဆိုပါတော့ စကားမစပ် ...မင်းအဒေါ် ခင်စိန်ပြောနေတာ နှင်းရီကြားခဲ့တာတဲ့။ မင်းက မိန်းမတွေကို စိတ်မဝင်စားတဲ့ သူတဲ့ ။ ယူချင်းယူ ယောကျာ်းပဲယူမှာဆို ဟုတ်လား"
VOCÊ ESTÁ LENDO
ပိုးစုန်းကြူးလေးဖမ်းပေးပါ(Completed)
Romancerebirth ဇာတ်လမ်းအမျိုးအစားအား မှီငြမ်းရေးသားထားခြင်းဖြစ်သည်။
