#رسالة"2" 🖋️إبتهال حسن
=عليك لله شوف الود دا ابوي مسافر ومعتمد عليه أن في رجل قاعد معانا وهو كل يوم بايت مع صاحبو
_ربنا يهديه
=آمين يلاا انا امشي عشان اجي بدري مع السلامه
"في بيت مروه صديقة وسن" كل البيت هادئ ذا طبع هادئ الاثاثات ذات ألوان متناسقة، وهذا يدل على أن سكان البيت ذو طبع هادئ جدا، الا انهم عكس ذلك.
مروة ذات الملامح الهادئة تمتلك عيون جميلة صاحبة عدسات عسلية، وذات قامة عالية، وهي الأخت الصغرى ل ضابط الشرطة مؤمن، كان يشبه اخته فى كل شي في الشكل الا انه كان ذو قامة أعلى منها."
=صحبتي وسن جاية عشان موضوع الرسالة حقتها يامؤمن..
_اي متذكر وجبت ليها الملفات حقت القضايا، بالرغم إن ممنوع بس في سبيل العلم م مشكلة *جرس الباب يضرب *
=شكلها جات ح امشي افتح ليها....... حبيبتي مشتاقة ليك وسنة سعيدة عليك
*وعليك يارب
=ادخلي مؤمن جهز لك الحاجات
*السلام عليكم
_وعليكم السلام.. اتفضلي ي وسن
=طبعا ما محتاجة اقول لك اتفضلي والكلام دا البيت زي بيتك امشي اجيب لكم حاجه تشربوا، وانتو اتكلموا في موضوعكم.
_طيب مروة قالت لي إن الرسالة حقتك بتكلم عن الاعتداء الجنسي ل الأطفال وعايزه القضايا تشوفها
*اي بعد اذنك طبعآ
_ماليك بتكلمي ب طريقة جادة كده، انا زي اخوك وليد هو انا اكبر يعني بس نقول اخوك المهم ههههه، اتكلمي براحتك وبعدين انا ما من نوع ناس الشرطة العصابين.
*هههه اوكي طيب
_طيب نرجع ل موضوعنا قلت عايزه القضايا، طيب عموماً كده القضايا الزي النوع دا كلها أو ممكن نقول أغلبها بتكون من الأهل في بعضهم والبعض التاني بتكون من بتاع الترحيل أو بتاع الدكان أو ولد الجيران أو....، بعدين ح تلقى أن معظمهم اتقفلت من غير ما الشخص يأخد جزاءه، كم قضية بس اتحكم فيها.
*طيب ل شنو القضايا دي بتقفل يعني
_ زي م قلت انها بتكون من الأهل ف هم بشوفوا عشان الفضايح وكده انها تقفل، ويجي الزول الفتح البلاغ يقول عايز يقفلها أو يتنزل أو أن كان غلطان وكلام زي دا....
*كيف يعني عشان خائفين من الفضايح اقوم اسكت واسيب حق ولدي؟!
_اي، اضرب لك مثل جات أم وقالت عايزه تفتح بلاغ ف فلان الفلاني أن اعتدى على ولدها لمن سألتها صلة القرابة شنو قالت ود عم ابوه يعني في مقام عمه، المهم انا خليت عسكري يمشي وراءها ويشوف ساكنه ووين وعشان نتأكد من الكلام دا، العسكري جا ومعلومات السكن حقتها كلها صح، بس ف البلاغ ما قلت راجلها منو أو شغال وين، طلع زول عندو كلمة في المجتمع وأهلو كمان، المهم بعد يومين جات من الكلام دا جات الأم عايزه تقفل البلاغ وقالت إن ولدها قال ما عمو العامل كده فيهو، وقالت ماقاعد يرد عليهم عشان يعرفوا العامل كده منو، المهم قفلت القضية واعتذرت وراجلها سهل الموضوع عشان القضية نقفلها.
*لا، انا ما مصدقة إن في أهل كده.
_في والله، يااخ كمية القضايا البتجي عن الموضوع دا، قدر شنو مهما قلت لك م ح تصدقي، غايتو ربنا يوفقك ورسالتك تنجح، والناس تخلي خوفها من الفضايح وتجيب حقها وحق عيالها.
*آمين وشكرا كتير لك.
=اتفضلوا العصير.... اها ح تمشي متين ل أهل الأطفال؟!
*ماعارفة والله يامروة بس لازم أول اقرا القضايا وبعد كدة اعمل زيارة ل أهلهم.
"بعد ساعة من الاستفسارات الونسة والضحك 'مؤمن ومروة عندهم روح خفيفة'"
*امشي انا بعد دا
=اقعدي ياااخ نتفطر سوا.
*امي قاعدة ب هناك منتظرة كمان، هي الليله زاتو ما كانت عايزه زول يطلع
=ي يحيليلها خالتو سلمي عليها عليك لله...
*أن شاء لله يصل، يلا مع السلامة.
" في جانب آخر.. أشياء مبعثرة في الغرفة، ليس الغرفة فقط بلا كامل المنزل، يدل هذا على أن الذين يقطنوا هذا المنزل لا يعرفوا شي عن النظام والترتيب"
=اهههههههه الصداع ح يفجر رأسي.. أحمد ي أحمد قوم اديني الحبوب العندك انا لازم امشي.... ي أحمد يااخ قوم انا لازم امشي اتاخرت زاتو...
_افتح الدولاب في الرف التاني تحت الهدوم في شريط اقسم النص وخلي لي النص، النص ساامع ي وليد.
أنت تقرأ
رسالة
Romanceهنالك شيء ما حدث في طفولتك وبدون أن تعي ذلك، كل شيء سيدور حوله حتى آخر لحظة في حياتك. من الظالم ومن المظلوم ومن الضحية قصة سودانية
