رسالة

الرسالة السابعة عشر

#رسالة"17" 🖋️ إبتهال حسن
=أمي هسا انا جاية من عندها البت ظاهره فيها أنها برئية
_طيب برئية، القروش دي وين مشيت
=ما عارفه ياا امي هسا المهم، انا قلت ليها تاني ما تجي، وخلاص نشوف لك وحده تانية.
_اجيب وحده تانيه من وين هسا
=اقول ل بثينة تجي خلاص
_لا ما تجي، بشوف وحده تانيه، المهم هسا ماشة العرس حق اخت ناصر، هو الليله، اي عاملين زي حنة كده حقت بنات وبكرة العزومة غداء والزفاف.
=تعبانة والله هسا، لاكن لازم امشي الحنة لأن بكره راجعه بدري هناك
_ماشة بدري ليه مش مفروض ترجعي المساء
=اي، بس طالعين مشوار
_ما ح اقول حاجه طبعاً بس الحمد لله، قومي خلاص اجهزي عشان تمشي الحنة.
___________________________________
_الهروب عُمرو ما كان حل يا باشمهندس، عارف ليه لأن المشكلة هنا في قلبك، حتى لو بقيت ما معاك في الشغل تفكيرك كل ح يكون معاي.
*عندك ثقة كبيرة وكلام عجيب ي وفاء ههههه
_بدل الهروب عايز تعمل الموضوع هظار صح، بس كمان كل دا ما ينكر حبك لي زي ما انا بحبك انت بتحبني، انا اعترفت بس انت عايز تهرب، الحب ما عيب.
*ومنو القال انا بحبك.
_كنت متوقعة منك كده، من غير ما تقول عيونك بتحكي كلام تاني، عيونك بتفضحك خوفك على فى المستشفى والتوتر حقك وخوفك انك تفقد وجودي في حياتك كان ظاهر في عيونك، وناصر حكا لي تصرفاتك من لحظة ما فقدت الوعي لمن قلت ليهم يمشوا، ولمن تجي الموقع عيونك بتكون معاي بس انا، وكنت بتشوف اي سبب عشان نطلع، دا كل انا ما كنت مركزه فيه الا بعد الحادث انا كمان حسيت ب حبي لك، وهسا زعلك لمن عرفت ان انا ح اسيب التدريب معاكم، دا كل ما حب.
*شكل الوقعة مؤثرة في رأسك يا وفاء.
_عايز تهرب وتخلي الموضوع هظار صح، خلاص بعد اذنك.
"كنت قائمة وعايزة امشي بس وقفت بعد سمعت الجملة دي"
*بحبك.
________________________________
=انا خلصت ي امي
_طيب دقيقة اشوف وفاء وين الليلة اتاخرت هي كمان، ووليد ما ح يجي هسا.
=خليها ي امي، الليلة الخميس قاعده تجي متأخرة، انا اساسا ما ح اقعد كتير شوية وح اجي انا كمان.
_______________________________
*اهاا وبعدين يااوفاء
_ما عارفة بعدين ح يكون في شنو ولا ح يحصل شنو، المهم هسا انا مبسوطة وحاسة نفسي اسعد وحدة في الدنيا كمان.
*بس لازم نعرف بعدين ح يحصل شنو، ما تنسى فرق السن بيننا قدر شنو، وانا راجل متزوج كمان.
_عارفه كل دا انا، ودا كل ما مهم ب النسبة لي، عايزه اكون معاك بس. "ومسكت يدو"
*وانا كمان عايز كده، الزمن اتأخر يلااا عشان ترجعي البيت
_خائف عليّ
*اكيد، يلا نمشي.
___________________________
="قعدت زي ساعة كدة ورجعت البيت، شوية وفاء جات"
_وسن وسن مشتاقة لك شديد شديد شديد "وكانت فرحانة"
=فرحانة كده عشان مشتاقة لي يعني، ول في حاجه تاني
_عشان الاتنين
=طيب الحاجه التانيه شنو؟!
_امممم تقدري تقولي كده حاجه كنت بفتش عليها السنين دي كلها ولقيتها
=شنو الحاجه دي، شهادة الجامعه ول شنو ههههههه
_هههههه لا ما الشهادة، لمن يجي الوقت المناسب ح تعرفي.
=خلاص منتظرة الوقت المناسب انا.
__________________________________
"يوم جديد"
_اهااا من التعب
=تعب شديد بس كان يوم حلو
_اي والله،حبوبة نمت؟!
=اي، شايفة رجعت تتكلم معاك انبسطت شديد، مشيت اعتذرت منها؟!
_اي، سمعت كلامك، مش كل ما مدة الزعل ح تزيد السماح ح يكون صعب بعدين، صح مش دا كلامك.
=ههه اي كلامي.
تشرب قهوة
_اي.
=دقيقة طيب اعمل لك واعمل لي.
_طيب منتظر في الحديقة بعدين انا.

=اتفضل القهوة.
_شكراً.
=عفواً.... اها ما قلت لي سألتني من سماح ليه؟!
_لأن سماح هي السبب في المشكلة الحاصلة لي في الشغل
=كيف؟!
_مشكلة في الحسابات، كمية سرقة ما طبيعية حاصلة، وانا المسؤول عند الإدارة لأن دا شغلي،وهسا انا تحت التحقيق.
=ما فهمت سماح علاقتها شنو
_سماح هي القاعده تسرق وتلعب في الحسابات، ما في غيرها اساسا، عرفت كيف تستغل ثقتي فيها، وخليتني أمضى على ملفات كل الحسابات فيها غلط، عشان كده انا ما بثق في زول.
=قاعده تثق فيها.
_كنت اي، هي الوحيدة في الشغل القاعده أثق فيها واديها الأمان، ما اكضب عليك اول كنت بشوف وراءها كل الحسابات لمن لقيتها ما بتعمل حاجه غلط وكل الحسابات صح، بقيت أمضى بس، وهي أستاذة ما شاء الله، لعبتها صح فترة كنت قاعد مع حبوبة كل الشغل كان عليها، بتجيب لي الملفات كتيره وانا بكسل منها كلها بقول احسن اقعد مع حبوبة ، وعشان بثق فيها طوالي بس أمضى.
=سبحان لله ما يظهر فيها، والله اخوهو ود مهذب شديد.
طيب انت قول الكلام دا ل الإدارة
_انا المسؤول هم ما عندهم علاقة ب منو السارق.
=خلاص خلي سماح تعترف
_وسن اشربي القهوة دي عشان تعرفي انتي بتقولي في شنو، كيف يعني زول يقول انا سرقت.
=اي صح والله، طيب خلاص اعمل زي ما قاعدين يعملوا في الأفلام قول ليها انك عارف هي المسؤولة من السرقة الحاصلة دي، واكيد ح تنكر بس انت اثبت ليها كلامك دا لمن تعترف لك، والوقت داك تكون انت قاعد تسجل ليها..
_فكرة حلووة والله بس، التسجيل عايز إذن.
=شيلي لك إذن، وامشي ليها طوالي.
_فكرة حلووة، شكراً لك يا صديقتي الصدوقة
"قال الجملة دي وهو ماسك يدي زي الزول البيسلم عليك، والفرحة كانت ظاهرة في عيونو، يااربي ح يعمل شنو لمن يعرف ان ثقةُ فيني كمان غلط، ح يصدق ان انا عايزة اساعدُ، يااربي اكون الصديقة الصدوقة حتى بعد يعرف الحقيقة"