#رسالة"14" 🖋️ إبتهال حسن
=الحمد لله الفحوصات كويسة جداً
_الحمد لله يلاا نمشي بعد دا
=اي يلااا
_____________________________________
*امي كدة استغفري هي السنين دي كلها ما سرقت ح تسرق هسا
_اي، احتمال الشيطان لعب في رأسها، انا ح امشي افتش حاجاتها
*لو هي ياا امي مستحيل تكون معاها لمن هسا
_ماشة اتكلم معاها طيب
انتي يابثينة يابثينة
-نعم نعم
_عندي قروش ما لقيتها، وقت دخلتي ترتبي الغرفة ما لقيت لك قروش.
-لا والله، لو لقيتها كان طوالي ح اكلمك
_خلاص تمام امشي شوفي الوراك..... دقيقة دقيقة يااا بثينة الهدوم دي جديدة اول مرة اشوفها والطرحة دي كمان
-أي اول مره أجي بيهم
_ومن وين ديل إن شاء لله
*امي خلاص عليك لله
_لا دقيقة عايزه اعرف انا
-كلامك دا يا خالتي قصدك انا سرقت ول شنو "البت دموعها في عيونها" انتي شاكة فيني بعد السنين دي كلها.
_ماشاكة، احتمال الشيطان قال لك اخدي من القروش ما ح يحسوا بيك لو عملتي كدة، اتكلمي وانا بسامحك واوعدك ما ح اعمل لك حاجه..
-والله دي ما أنا والله والله، لو شاكة فيني بمشي طوالي هسا
_ما انتي، ح يكون منو عيالي مثلاً، ما في زول غيرك قاعد يدخل الغرف دي، وما ح تمشي اي مكان، شكلك لسه ما عايزه تتكلمي، خلاص انا ح امشي افتح فيك بلاغ احتمال الوقت داك تتكلمي هناك.
-والله دي ما انا، عليك لله ياا وفاء اتكلمي مع امك دي ما انا
*امي خلاص البت ح تموت من البكاء كفايه عليك لله
_ما كفاية، لازم تأخد عقابها، انا فتحت ليها بيتي واديها الأمان، تعمل كده فيني.
_____________________________________
=الووو اي يااوفاء
.....
كيف يعني تسرق
.......
الجوطة العندك دي امي يعني
.....
خليها تسيب البت، انا شوية وجاية على البيت.
..
*خير ي بتي ف شنو
=مشكلة في البيت، معليش بس ح اوصلك وارجع طوالي.
*لا م مشكله، امشي اساسا الليله الخميس يومك يعني.
=اضرب ل مصطفى اقول ليها طيب، احتمال لسه في المشوار
* لا ي بتي، امشي انتي لو ما جا هو شويه وح يجي.
___________________________
*امي وسن قالت جاية قالت لك خليها، هي في الطريق.
_حتى لو وسن جات ما ح اسيبها انا الا افتح البلاغ دا.
___________________________________
=يلا ي حبوبة لو خلصت بدري بجي أو بجي بكرة
_على راحتك ي بتي
=دا ما وقتك انتي كمان
_مالك ي بتي
=العربية ماعايزه تدور
_حاولي تاني
=خلاص دورت يلا مع السلامة
__________________________________
_البركة فيكم ياا مروان ربنا يرحمها ويغفر ليها
*البركة في الجميع امين
_معليش جيتك متأخر، الايام دي شويه مضغوط زي ما انت عارف
*لا يااخ العفو تجي في أي وقت انت
_مسافر ول قاعد انت
*مسافر إن شاء لله بكره الصباح أو المساء بعدين ، ب عربية خاصة ما في حجز عشان كدة
_ربنا يكتب سلامتكم.
*امين
_شكلك تعبان، امشي انا
*اقعد يااخ، كنت عايز اتكلم معاك في موضوع انا زاتو
_خير ياا مروان
_______________________
"حبوبة دخلت البيت، ما كان في صوت، بس سمعت صوت وبقيت ماشة"
_مصطفى انت بتعمل في شنو؟!
*حبوووووووبة
"حبوبة وقعت و فقدت الوعي"
أنت تقرأ
رسالة
Romanceهنالك شيء ما حدث في طفولتك وبدون أن تعي ذلك، كل شيء سيدور حوله حتى آخر لحظة في حياتك. من الظالم ومن المظلوم ومن الضحية قصة سودانية
