رسالة

الرسالة الثامنة

#رسالة "8" 🖋️إبتهال حسن
*امي امي وفاء وين؟!
-في الغرفة التحت.
*وفاء سلامتك مالك ي زوله؟!
_الله يسلمك، والله شوفت بس كنت نازلة من السلم ما انتبهت ل درجه السلم، بس وقعت وبقيت شغاله اتدردق كده ف السلم لمن ما حسيت بنفسي الا ف المستشفى.
*ي زولة سلامة كبيرة، إصابة عمل وكده هههههه
_اي بس ههههه
-امسك اشربي الشوربة دي
_يديك العافية ي امي
-ما عارفه اقول ل ابوك ول لا، هسا اقول ليهو يقلق سااي، احسن نسكت بس.
_حتى لو قلنا ليهو ح يقلق بس ما ح يجي من هناك عشاني اكيد، ح نتكلم فيديو والموضوع خلاص على كده.
-وفاء اتكلمي ب اسلوب دا ابوك.
_ما ح اتكلم زاتو.
_______________
"ف جانب تانى "
*هو انا ليه كنت خايفة على وفاء كده، كنت خائفة افقد وجودها في حياتي، اللحظة الان شوفتها فقدت وعيها بقيت ما حاسي ب نفسي الا وانا بصرخ في العمال عشان يجيبوا العربية، في المستشفى التوتر حقي كان ظاهر علي، في شنو كفايه تفكير في الموضوع ياا عصام،عادي خايف عليها عشان هي زي بتي وشغالة معاي وخلاص.
______________________
-وفاء عبدالناصر جا يسلم عليك.
اتفضل ي عبد الناصر 'عامل شغال معاها في الموقع وفي نفس الوقت ساكن جمبهم'
_سلامتك ي باشمهندسة، أجر وعافية أن شاء لله
*أن شاء لله ياارب، بعدين مش قلت لك تقول وفاء طوالي
_هههه حاضر
-اتفضل ي ناصر، وفاء عملت ليكم جوطة ف المكان طبعا، انا وسن وقت كلمتني قالت لي ف المستشفى معانا مديرها قلت بس تكون معاهم انت كمان،عشان كده ضربت لك ووسن تلفونها بقى مقفول.
_والله كنا معاها، بس بعد الدكتور قال لينا بقيت كويسة شويه وح تصحا المهندس قال لينا نمشي الموقع وهو ح يضرب ليكم.
-اهاا، موقع شنو عليكم كمان
*امي المهندس أهم شي عندو الشغل.
-اهم من روح البنى آدم لاكن.
*لا، ما كده بس يعني وهم قاعدين ما ح يحصل حاجه، قعدتهم ح تكون سااي، واساسا الدكتور طمنينهم علي ّ.
_صح كلام وفاء قعدتنا كانت ح تكون سااي، وبعدين المهندس زاتو والله كان خايف عليها خوف ما طبيعي، شالها ب يدو لمن العربية، وتاني لمن وصلنا شغال يكورك وهو شالها أن زول يجي يشوف وفاء، والله العظيم من داخلنا كده الدكتور زاتو بقى مهجم في شنو، ما قعد زاتو بقى ماشي وجاي لمن الدكتور طلع لينا والله.
-ليهو حق يخاف دا كل ما بسبب شغلهم دا، هي نازلة تدريب عادي، بس هو بتعامل معاها كأنها مهندسة ب شهادتها.
*ودي حاجه كويسة بالمناسبه ي امي، هو عندو ثقة كبيره فيني.
_والله وفاء ما شاء لله عليها كأنها مهندسه ب شهاده على قولك والله، ربنا يتم شفاءك نرجع نشوفك تاني في الموقع.
*أن شاء لله ياارب
_يلااا امشي انا بعد دا أدينوا خاطركم.
*اقعد مالك ي ناصر.
-اقعد مالك هسا انا قلت نجهز العشا ونأكل زي زمان سوا.
_وين ياخالتي والله عندي قومه الصباح بدري، ووفاء عارفه براها.
*اي صح والله، ما قصرت ي ناصر.
-تسلم والله، وصل سلامي ل ناس امك
_الله يسلمك يصل.
______________________
"صباح يوم جديد"
=معليش امبارح طلعت مستعجله.
_ما مشكله اختك كيف هسا؟
=الحمد لله احسن.
_تمام طيب زي ما قلت لك ح تكوني بس مع حبوبه، وزي ما عارفة ح تكوني معانا قاعده ح تمشي الخميس لمن انا ارجع من الدوام وتجي الجمعه المساء أو السبت الصباح بدري
=بس انا م عامله حسابي هسا
_سماح ما قالت لك
=لا عارفه، بس ينفع من بكره لان اختي عيانه وكده نسيت ما كلمت امي.
_تمام طيب ما مشكله، طيب بكره الصباح تجي بدري عشان وقت الدوام حقي، والمرتب مناسب معاك ول أزيد لك
=لا،مناسب
_تمام، البيت بيتك طبعآ اكل شرب اي حاجه عايزه تعملهااخدي راحتك وانا اساسا ما بجي الا اخلص الدوام.
=تمام
_تعالى معاي طيب اعرفك على حبوبه.
___________________________
*ي دكتور براحة عليها
_شكلها جبانه شديد، خلصت البكاء كلو، دي يدوب اول جلسة
=خلاص كده "مسحت دموعها"
_اي الليله خلاص بجي عليك بكره ان شاء الله، يلا استأذن انا
-اتفضل ي دكتور '' طلع الدكتور وأم وفاء معاه ''
*بعتذر لك دا كل ب سبب الشغل حقنا
=ليه ي هندسة، دا واجبي وشغلي اساسا مافي داعي ل الاعتذار، وبعدين لو كنت عارفة ان لمن يحصل لي كده ح اشوف خوفك دا علي كنت وقعت من زمان
*ما تقول كده انتي غاليه علينا كلنا.
=كلكم، انا قصدي عليك انت بس، ناصر قال لي قدر شنو كنت خايف عليّ.
*لازم انتي غالية عندنا
=عندك انت قصدك
"قطعت كلامهم ام وفاء جات"
-هسا كيف ي وفاء؟
=احسن الحمد لله
*بعد اذنكم انا امشي كمان
=ليه اقعد ي هندسة
*لازم امشي عندي شغل في الموقع، يلاا مع السلامة
=مع السلامة.
___________________________
=اتفضلي ي حبوبة الدواء.
*يديك العافية ي بتي
=بالشفاء أن شاء لله
*ممكن اسالك سؤال، عارفه مصطفى ح يكون سألك الف سؤال
=اتفضلي ي حبوبة طوالي
*انتي ل شنو شغاله ممرضة يعني ماشاء لله شايفة عندك عربية وظاهر من شكلك وهدومك وضعك كويس
=هو الزول البيكون شغال دا بس بيكون مسكين ووضعو كعب يعني، لا بالعكس في ناس بتكون بتشغل عشان بتحب شغلها دا، وفي ناس بتكون مجبوره شغاله عشان تحسن وضعها، وما اكذب عليك وضعنا كويس الحمدلله، وانا شغاله عشان بحب شغلي دا، اتخيلي كمية الأجر العندي لمن اساعد زول أو اكون سبب في شفاء زول، عموما كل مجالات الطب بقدر التعب البيكون في الزول بقدر الأجر الربنا بديهو ل الزول.
*صح كلامك والله ي بتي، هسا مصطفى يحب شغلو دا زي عيونو، ابوهو كم مره قال ليهو تعال اشتغل معاي بيقول لا، عايز اقعد هنا.
________________
"ما كان في داعي اقول الكلام دا ل مهندس عصام، اكيد هو خايفة علي ّعشان لو حصلت لي حاجه ح تكون مسؤولية ليهو،
بس هو بقول انا غالية عندو، اكيد يعني غالية عندو انا أقرب زول ليهو في المكتب والشغل واليوم كل مع بعض يعني، وفاء انتي بتفكري في شنو، اكيد ما ح يكون عندو لي حاجه، دا راجل متزوج وعندو عيال في سنك، خلاص دي شنو التصرفات حقتو دي، طيب هو انا بفكر فيهو كده ليها، ي لله كفاية تفكير احسن حاجه انوم زاتو. "قطع تفكيرها التلفون بضرب"
=الو مرام ازيك
الحمد لله والله احسن
طوالي تشرفوا في أي وقت
تمام في انتظراكم
الله يسلمك
امي ي امي
_اي ي وفاء
=ناس الشغل ح يجوا بعد الدوام يشوفوني وكده
_يشرفوا
_________________________
=قلت لك النوع دا خطير ي زول
*ي الله ياااا أحمد
=بس اعمل حسابك دا سعرو غالي، يعني ضعف حق الشريط أو اكتر زاتو
*ما مهم ح اجيب لك القروش