رسالة

الرسالة السابعة والعشرون

#رسالة "27" 🖋️ إبتهال حسن
"في القسم"
=كيف يعني انتحر يامؤمن كيف؟!! "بصوت عالي"
_وسن اهدي شوية صوتك وصل آخر القسم
*خليها يامروة
=عرفتوا كيف بالحادثة انتو؟!
*من البت الشغالة، قالت بعد صلاة الصبح مشيت على الجنينة، لقيت باب الغرفة مفتوح، اول بقيت تنادي على مصطفى، وبعدين دخلت لقيت مصطفى معلق ب حبل في المروحة، طوالي اتصلت على القسم.
=مستحيل يكون انتحر، مصطفى ما ضعيف لدرجه دي، حتى لو عرف الحقيقة وانا دكتورة مستحيل يعمل كده، هو عارف حبوبة ما عندها غيرُ..... حبوبة وين يامؤمن؟! "وسن ما مصدقة"
*في المستشفى، لمن وصلنا هي كانت يدوب عرفت الخبر، فقدت الوعي، طلبت منهم ينقلها على المستشفى ويهتموا ب حالتها.
=لازم امشي اشوفها "طلعت وسن طوالي"
*امشي معاها يا مروة، وسن شكلها ما طبيعي، لمن هسا ما نزلت ولا دمعة.
_ حاضر، بنمشي ونجي تاني.
وسن ياوسن
=مروة انا لازم امشي اشوف حبوبة
_طيب دقيقة، تعالى اقعدي كده، وسن ابكي انتي من ما عرفتي الخبر، وانتي شكلك ما طبيعي ابكي عشان ترتاحي شوية.
=مروة انا ما مصدقة مصطفى خلاص مافي يعني، ولا دي تمثيلية عشان زعلان مني، مش قلت لي ح يضرب لي انا منتظرة مكالمة ولا رسالة، هو زعلان مني شديد، مصطفى مصطفى مصطفى "وقعت وسن في مروة"
_وسن وسن
"بعد يوم"
=حصل شنو يامروة
_وقعتي في القسم وجبتك البيت هنا، لك يوم، واتصلت على خالتو كلمتها.
"طق طق"
_دا مؤمن
=خليهو يدخل
_ادخل يا مؤمن
*حمد على السلامة
=الله يسلمك، اها ما في خبر، وحبوبة بقيت كيف؟!
*حبوبة احسن هسا، وفي خبر جديد، طلع صح كلامك مصطفى ما ضعيف عشان ينتحر، عملنا تشريح ل الجثة طلع في ضربة في رأسُ من ورا، و الاحتمال العندنافي زول ضرب مصطفى من ورا وبعدين طلع وربط الحبل في المروحة عشان تظهر عملية انتحار.
_ومنُ يعمل كده في مصطفى
*ما معروف، التحقيقات شغالة وهسا جيت من القسم انا قالوا لي في دفتر جبت اقراهو، وشوية ح اطلع القسم تاني.
=ممكن تقول لي الأخبار اول بأول يامؤمن.
*حاضر، بعد اذنكم يلا.
_______________________"صباح يوم جديد "
_صباح الخير، وسن ما تبكي من الصباح كده ما كويس
=كان عندي كلام كتير عايزه اقول ليهو
_ربنا يرحمو ويغفر ليهو، ادعي ليهو
=كان هو الوحيد بقيف معاي في مشاكلي، عرفت معنى سند معاهو، زعلانه من نفسي شديد، اخر مرة قال لي ان انا اثبت ليهو مافي ثقة، عارفه كان نفسي بس يقول لي سامحتك يا وسن. "تمسح دموعها"
حاسة نفسي ضعيفة وما قادرة اعمل حاجه من دون مصطفى يا مروة.
_ح تقدري، ادعي ليهو بالرحمة هسا،قومي صلي ركعتين،وادعي ليهو.
=حاضر.
_قبل انسى امبارح، خالتو، عمو، وفاء كان هنا جايين شوفوك، بس كنتي نايمة،خالتو جبت لك هدوم وجبت تلفونك قالت لي افتحه عشان تتكلم معاك.
=طيب، هو مؤمن جا؟
_جا، قاعد يفطر يدوب.
________"المساء "
=مساء الخير
*مساء النور اتفضلي اقعدي ياوسن
_اعمل لك شاي معانا
=لا، ما عايزة يامروة، عايزه أسألك مافي جديد يامؤمن ما لقيتوا حاجه في الدفتر.
*والله الدفتر عباره عن مذكرات، وفي زي خواطر كده، المذكرات ممكن تنفعك لأن كاتب عن الاعتداء الكان بيحصل ليهو وهو كيف بقى مريض، أظن ح تنفعك في موضوع الرسالة..
=انسا لي موضوع الرسالة هسا، تاني ما كاتب حاجه
*لا، تاني حاجات عادي، حتى آخر يوم كان كاتب فيهو دا قبل الحادثة ب تلاتة يوم أو يومين اظن، أما الخواطر فكانت عنك.
=دا آخر يوم شوفت انا قبل امشي ليهو البيت، كاتب شنو.
*خلاصة الكلام أن عرف الحقيقة، وأن ما متخيل الكسرة ال هو فيها هسا.
=ماقال عرف الحقيقة كيف؟!
*قال صديق قديم
=صديق قديم!!!
ودا من الصديق القديم
*لسه التحقيقات شغالة، انا كمان شوية وطالع القسم.
=بعد اذنكم انا طالعة الغرفة
*اتفضلي.
"طلعت الغرفة وفي رأسي مئة سؤال، دا من الصديق القديم، ودا من الممكن زاتو يقتل مصطفى، هو ما عند عدواة مع زول، في نص تفكيري دا قلت اتصل على ناس البيت واتصل كمان اشوف حبوبة بقيت كيف، فتحت التلفون، لقيت مكالمات من مصطفى ورسالة وفي نفس اليوم الأنا مشيت ليهو البيت، فتحت الرسالة "
=مكتوب فيها" يا ملاكي الصغير، انا اسف ل طريقتي معاك، وما عارف اشكرك كيف لأنك كنت السبب في أن انا ابقى كويس، وانا ما ح أكون مرتاح لو طلعتي من حياتي انتي، و اوعدك انا ما أذى اي طفل تاني عشانك انتي وعشان حبوبة وعشان حسام العايز يفرق بيننا، بكرة ح أكون منتظر دكتورة وسن تجي عشان نبدأ انا وهي في موضوع رسالتها.
"غمضت عيونها وبقيت تبكي" اههههههه مصطفى مصطفى
_بسم لله وسن مالك
=مصطفى طلع مرسل لي رسالة
_كدة اشوف
ربنا يرحمو يارب، غريبة دا منُ حسام دا
=حسام، اي كاتب العايز يفرق بيننا "مسحت دموعها"
_يكون ود خالتك؟!
=دقيقة ود خالتي "بقيت افكر"
_ بس انتي بتلبس عبايتك ماشة وين
=ماشة اشوف حسام علاقةُ شنو ب مصطفى
___________________
_بت خالتي العزيزة
كيفك
=الحمد لله، ممكن نتكلم شوية
_جداً، امي اعملي ل وسن عصير
تعالى نقعد هنا.
=ح اخش لك في الموضوع طوالي، بتعرف مصطفى من وين؟!
_مصطفى!!!
=حسام ما تعمل نفسك مستغرب، انا اكتر وحده بعرفك لمن تكضب، انت قلت ل مصطفى بموضوع رسالتي صح
_اي، اناما قدرت اسمع الناس يقولوا عنُ خطيبك
هو انت بتحبه يا وسن؟!
=ما ح تفرق بعد دا، مصطفى مات
_يعني خلاص ينفع نرجع ومافي رسالة صح
=هو انت ليه كده كل همك نرجع، انا رسالتي ما مهمة بالنسبة لك طيب في روح بني آدم مات ماعايز تعرف مات كيف.
_وانا مالي مات كيف "ب توتر"
=كنت عارف انت بالحادثة حق مصطفى دا؟!
_شوفت كان موضوع في الجريدة بس
-اتفضلي ياوسن العصير، والبركة فيكم كمان في مصطفى، حسام قال لي في زول قتلُ اها لسه ما عرفُ القاتل منُ؟!
=غريبة، لسه والله ياخالتي.
-شكل زول ما هين، حسام قال اول ضرب في رأس وبعدين ربط في المروحة عشان تظهر انتحار.
_امي خلاص ممكن تطلعي "بصوت عالي"
=انت عرفت المعلومات دي كلها من وين يا مصطفى
_من الجريدة
=غريبة مؤمن قال في الجريدة قالوا إنها عمليه انتحار، يدوب الليلة عرف انها جريمة قتل، يعني لو كلامك دا صح ح يكون في جريدة بكرة.
_وسن انتي شغالة تحقيق معاي مالك "بصوت عالي"
=ما تحقيق، بس انا جاية ومتأكدة انك انت عندك علاقة ب موت مصطفى في الرسالة قال انك عايز تفرق بيننا ممكن افهم المقصود شنو
_ما بعرف ما بعرف "ب توتر"
=طيب، مع السلامة
"طلعت لقيت خالتو في البرنده"
*مالك ماشة اقعدي شوية، حسام فرحان قال لي خلاص ح ترجعوا ل بعض
=خالتو قبل يومين كده تتذكري حسام جا متين البيت
*ليه
= مجرد سؤال عشان اليوم دا كنت ضربت ليهو انا رجع لي متأخر اظن قال التلفون في البيت عايزه اتأكد
*والله ما متذكرة اليوم بس في الأسبوع دا مرة جا راجع الساعة ٣ اظن
=طيب، بعد اذنك ياخالتو، ماشة ل حسام
حسام ي حسام
_مالك رجعتي
=رجعت عشان عايزه اعرف انت قتل مصطفى أو كنت سبب في موت مصطفى
_دا كلام شنو يا وسن والله أنتي شكلك خلاص بقيتي مجنونة
=مجنونة، طيب ممكن تقول لي قبل يومين جيت البيت الساعة ٣ صباحا ليه
_اجي وقت ماعايز اجي انتي شغالة معاي تحقيق ول شنو
=ما تحقيق، بس انا بسأل فيك لأن انا شوية وح امشي القسم وأقدم ليهم الرسالة ال فيها اسمك وهم يعرفوا ب طريقتهم علاقتك ب مصطفى شنو... "كنت طالعة"
_علاقتي مع مصطفى قديمة شديد، كنا انا وهو في المدرسة سوا، كنا شبه أصحاب انا أقرب واحد ليهو في المدرسة كنت، لمن حصل ليهو الاعتداء دا كان اسبوعين ما جا المدرسة، لمن سألتُ ماحكي حاجه قال إن كان عيان، بعد يومين جا حكى لي اي حاجه ب التفاصيل،شوية شوية بقيت قاعد اعمل معاهو انا.
=انت مريض كمان!!!!
_والله مرتين ولا تلاتة بس، بعدها السنه خلصت وسافرنا، لمن جيت الثانوي لقيت في المدرسة، كان كويس هو، بس قال لي مرات بتجيهو حالة بتخليهو يأذى الأطفال، انا قلت ليهو يتعالج انا كمان كنت كده بس هو رفض، وبعدها هو حول مدرسة تاني، وتاني ما شوفت الا في العزاء حق وليد ما كنت عارف ان هو دا الإنتي شغالة معاهو
=ولمن عرفت، طوالي قلت ليهو الحقيقة
_كنت غيران عليك يا وسن، كل الناس في العزاء شايفين مصطفى خطيبك، وانا دور الخطيب القديم المسكين اقيف اعاين عليكم والناس تمدح فيهو، كان لازم اخرب لك رسالتك عشان علاقتك بيهو تقطع نهائي
=ما متخيلة انك كده ي حسام، ح أسألك سؤال واحد انت عندك علاقة بموت مصطفى.
_لا
"طق طقطق"
*ايوا حاضر جاية
بسم لله خير
-دا بيت حسام خالد
*اي، خير
-مطلوب القبض عليه
*ليه ولدي عمل شنو
_خير انا حسام خالد
-اتفضل معانا طيب
_ ليه ممكن اعرف
-اتفضل معانا وهناك ح تعرف
_طيب
*حسام ما تمشي في شنو يا ولدي
_امي ادخلي انا بجي.
*وسن امشي معاهو طيب
=ماشة اي معاه خليك في البيت انتي
______________"في القسم "
=خير يامؤمن، حسام ود خالتي علاقةُ شنو بقضية مصطفى
*حسام هو القاتل
=شنوو!!!! كيف يعني عايزه افهم؟!
*التحقيقات كانت شغالة مع جيران مصطفى، قلنا احتمال في زول سمع صوت أو شاف حاجه، في واحد جار مصطفى البيت التاني طوالي قال عامل كاميرات مراقبة في بوابة البيت حقتُ، الكاميرا بتقدر تصور مسافة بيت من جهة الشمال وبيت من جهة اليمين، ول حسن الحظ بيت مصطفى كان مصور، يعني نقدر نشوف الداخل والخارج، في التسجيلات ظهر حسام في نفس التوقيت حق الجريمة.
=وهو يعمل كده ليه؟!
*ما عارف بس اكيد ح نعرف من التحقيقات.
=طيب ممكن طلب يا مؤمن
*اتفضلي
=ممكن احضر التحقيق
*هو ما ممكن، بس بشوف طريقة
=شكرآ لك
___________"صباح يوم جديد "
*وسن انتي ح تدخلي التحقيق بس صوتك ما يطلع
=حاضر يا مؤمن
*طيب خلاص اتفضلي
" حسام اتفأجا لمن شاف وسن "
-بسم لله، سجل بيانات المهتم
خلاص
-حسام ممكن تديني سبب زيارتك ل مصطفى وماهي علاقتك به.
_مصطفى كان زميل دراسة قديم، كانت زيارة عادية.
-زيارة عادية بعد الساعة ١٢
_كنت عايز ادردش معاهو شوية
-يعني ما ينفع الصباح الدردشة دي
_لا" ب توتر"
-ممكن نعرف الموضوع المستعجل دا
_اااااا
-حسام انت المهتم الوحيد في القضية اعترف عشان احنا نقدر نساعدك،قتل مصطفى ل شنو؟!
_ما كان قصدي اقتلُ انا، بس هو خليني اعمل كده
-ممكن تحكى بالتفاصيل حصل شنو
_مشيت بيت خالتي، قبل انزل من العربية شوفت وسن طالعة من البيت وشكلها زعلانة، بقيت ماشي وارءها لمن وصلت بيت ما كنت عارف دا بيت مصطفى، لقيت لوحة مكتوب فيها منزل مصطفى محمود، بقيت قاعد منتظر في العربية، بعد ساعة او ساعة ونص طلعت وسن وقاعدة تبكي بقيت ماشة وراءها، لمن وصلت بيت صحبتها، بعدها رجعت البيت وبقيت افكر حصل شنو يخلي وسن تبكي في بيت مصطفى، ما شوفت الزمن حتى طلعت ومشيت بيت مصطفى، لقيت غرفة في الجنينة بابها مفتوح دخلت لقيت مصطفى قاعد، استغرب من زيارتي بس بعدها قلت ليهو انا شوفت وسن طالعة بتبكي من عندُ، قال لي
*العايزُ انت مش انت عايز علاقتي مع وسن تنتهي ودا الحصل
_انت قلت ليها أن انا كلمتك ب موضوع رسالتها
*هو دا المهم بالنسبة لك يعني، ما تخاف ما كلمتها.
_ما مسألة خوف، بس ماعايز صورتي تخرب في نظر زوجتي
*زوجتك!!!
_اي، هو انا ما قلت لك انا عملت كده عشان رسالتها تخرب ويبقى ما عندها عذر تاني وبكدة ينفع نتزوج
*حتى لو الرسالة بقيت مافي يا حسام، وسن هي ما عايزك
_حتى لو كانت رافضة زمان ممكن بعد وفاة اخوها دا، اتكلم مع خالتي تاني، وخالتي تتكلم مع وسن واكيد وسن ح توافق، اصلك انت ما بتعرف وسن، وسن ممكن تجي على نفسها بس عشان غيرها يكون مبسوط وب الذات لو أهلها.
*يعني انت عملت دا كل عشانك، بس انا مستغرب انت كيف ح تتزوج وحده ما بتحب واحد غيرك
_وسن بتحب منُ؟!
*وسن بتحبني انا، قبل تمشي قالت لي انا بالنسبة ليها أكبر من صاحب.
_انت كضاب
*ما كضاب، واطلع من هنا.
بعد طلعت من الغرفة، كان الغضب غاشي بصيرتي، طوالي جات فكرة ان انا لازم اقتل مصطفى، عشان وسن ما يكون عندها زول غيري، انا عارف وسن وعارف مصطفى قلبهم ابيض، اول واحد فيهم ح يعتذر ل التاني الخلاف ال بينهم ح ينتهي طوالي، ورسالة وسن ح تنجح وكده ح يتزوجُ، كان لازم اقتل مصطفى
، دخلت طوالي لقيتُ ماسك تلفونُ ضربت في رأسُ ب ورا فقد الوعي وطوالي جبت حبل وربطتُ في المروحة عشان تظهر عملية انتحار.
=حرام عليك حرام عليك
-لو سمحتي اسكتي أو اطلعي
*بعتذر منك، تعالى معاي يا وسن
مش قلت لك صوتك ما يطلع
=غصب عني طلع صوتي يا مؤمن
*خلاص اهدي امسحي دموعك امشي اجيب لك موية.
_________________"بعد شهرين "
" في بيت أهل وسن"
_وسن ح تقعدي كده ل متين، المهتم خلاص اتحكم عليه ب الإعدام، بعد كده تشوفي موضوع رسالتك.
=رسالة رسالة شنو يا مروة.
_الرسالة حقتك، عندي ليك مفأجاة، هناء الكان مشينا ليها في بيتها، جات عندي البيت وقالت عايزة تساعدك في موضوع رسالتك ومنتظرة اي تلفون عشان تجي تشوفك، والحارس حق الروضة مؤمن قدر يعرف ساكن وين، مشيت اتكلمت معاهو، هو ما عندُ مانع، وهو كمان منتظر يجي يشوفك.
=أخبار كويسة "بإبتسامة باهتة"
_وسن لو في الأول كنت بتعمل الرسالة دي عشانك وعشان مستقبلك، هسا عندك سبب تالت عشان مصطفى.
___
#باك "الان" بداية العام الجديد
"وسن في المقابر، قدام مقبرة مصطفى بتكلم معاهو"
=عندي لك خبر حلو وفاء عرسها في العيد، وابوي ما ح يسافر تاني، وحبوبة ح تجي تعيش معانا،يلا ح امشي اناقش الرسالة، واجي اديك الأخبار الحلوة
__________
"القاعة مُكتظة بالناس، والجميع في انتظار وسن ل تقدم رسالتها، جاءت وصعدت إلى المنصة ومعاها ملفاتها"
=السلام عليكم ورحمة الله وبركاته
"بصوت واحد "وعليكم السلام
=بسم الله الرحمن الرحيم
أقدم ليكم رسالة تحمل عنوان الاعتداء الجنسي على الأطفال
ح اتكلم فيها عن حاجات ب خصوص العنوان دا واكتر
اول نعرف العنوان والفرق بين الاعتداء الجنسي الأطفال والانجذاب الجنسي إليهم
يعرف الاعتداء الجنسي على الأطفال Child Sexual Offending اختصاراً ب (CSO)، وهو الاتصال الجنسي بين بالغ وقاصر وهو أمر مرفوض مجتمعياً وأخلاقياً، حيث أنه يعتبر محاولة لتحريض الأطفال جنسياً قبل سن البلوغ وهذه الأمور تعد جرائم تعاقب عليها قوانين جميع الدول، ولكن ما نريد توضيحه هنا هو أنه لا يجب الخلط بين المعتدي على الأطفال وبين من يميل جنسياً لهم، ومن حيث الواقع والحالات المسجلة فقد بينت دراسة بين عدة أقسام طبية في عدة جامعات ألمانية عام 2017 أن 50% من المعتدين على الأطفال تم تشخيصهم بالبيدوفيليا، وبالمقابل فإن 50% ممن تمت عليهم الدراسة ومصابون بالبيدوفيليا قاموا باعتداءات على الأطفال، إذًا هذه الأرقام تشرح ببساطة أن الاعتداء الجنسي جريمة بينما البيدوفيليا فهو اضطراب
بالتالي علينا أن نميز فعلاً بين المصابين بالبيدوفيليا المسيئين للأطفال إما من خلال محاولة لمس الأعضاء الجنسية للأطفال أو محاولة إرغامهم وتحريضهم على أي سلوك جنسي وبين المصابين غير المسيئين الذين يكتفون بالنظر إلى الصور والفيديوهات على الإنترنت.
طيب يبقى لازم نعرف تفكير وشعور المصابين بالبيدوفيليا شنو
"لا يجد مصابو البيدوفيليا الرضا في العلاقة الجنسية مع البالغين وقد يكون لديهم تقدير منخفض لذاتهم لأن الانجذاب الجنسي تجاه الأطفال يهيمن على حياتهم بطريقة أو بأخرى "، هذا ما قاله الدكتور جيمس كانتور (James Cantor) الأستاذ المشارك في قسم الطب النفسي بجامعة تورنتو الكندية، وبالتالي غالباً ما يتسبب التقدير المنخفض للذات بأن يعيش الفرد في خوف من الانخراط مع المجتمع. ولكي ندرك الحالة علينا أن نأخذ بعين الاعتبار عدة أمور منها:
أن كثير من الأشخاص المصابين بالبيدوفيليا يكرهون رغباتهم الجنسية ويحاولون كبتها دوماً.
لا يتصرفون كما يحلو لهم تبعاً لأسباب أخلاقية (ولذلك يجب أن يتم الإشادة بهم بدلاً من تشويه سمعتهم أو وصمهم) وهذا إن كان هدفنا مساعدة كل فرد من أفراد المجتمع فبالنهاية هم لم يختاروا البيدوفيليا بإرادتهم.
في كثير من الأحيان لا يطلبون المساعدة أو العلاج خوفاً من نظرة المجتمع والوصمة والتمييز إضافة لأن معظم الناس لا يفرقون بين البيدوفيليا و(CSO).
وهم عرضة بشكل كبير للقلق والاكتئاب وتقلبات المزاج.
طيب الكلام دا عن المعتدي، نشوف المعتدي عليه الطفل دا؛ لان هو عرضة أن احتمال لمن يكبر يصاب ب البيدوفيليا
نشوف أعراض الاعتداء عليهم شنو
اعراض الاعتداء الجنسي ومؤشراته:
هذه بعض المؤشرات التي قد تنم عن احتمال تعرض الطفل للاعتداء الجنسي. من المهم التنبه انه قد لا تكون هذه الاعراض بالضروره ناتجه عن اعتداء جنسي ولكن وجود عامل او اكثر ينم اما عن اعتداء جنسي او عن مشكلة بحاجة الى انتباه ومعالجه.
المؤشرات النفسية والسلوكي
قلما يفصح الأطفال للكبار بالكلمات عن تعرضهم للاعتداء الجنسي أو مقاومتهم لمثل هذا الاعتداء ولذلك فإنهم عادة يبقون في حيرة واضطراب إزاء ما ينبغي عليهم فعله في هذه المواقف. ولتردد الأطفال أو خوفهم من إخبار الكبار بما جرى معهم أسباب كثيرة تشمل علاقتهم بالمعتدي والخوف من النتائج إذا تحدثوا عن الأمر والخوف من انتقام المعتدي والقلق من ألا يصدقهم الكبار.
وإذا لوحظ أي من المؤشرات التالية لدى الطفل فإنها تشير بوضوح إما إلى تعرضه لاعتداء جنسي أو إلى مشكلة أخرى ينبغي الالتفات لها ومعالجتها أيّا تكن.
إبداء الانزعاج أو التخوف أو رفض الذهاب إلى مكان معين أو البقاء مع شخص معين
إظهار العواطف بشكل مبالغ فيه أو غير طبيعي
التصرفات الجنسية أو التولع الجنسي المبكر
الاستخدام المفاجئ لكلمات جنسية أو لاسماء جديدة لأعضاء الجسم الخاصة
الشعور بعدم الارتياح أو رفض العواطف الأبوية التقليدية
مشاكل النوم على اختلافها: القلق، الكوابيس، رفض النوم وحيدا أو الإصرار المفاجئ على إبقاء النور مضاءا
التصرفات : مثلا مص الاصبع، التبول الليلي، التصرفات الطفولية وغيرها من مؤشرات التبعية
التعلق الشديد أو غيرها من مؤشرات الخوف والقلق
تغير مفاجئ في شخصية الطفل
المشاكل الدراسية المفاجئة والسرحان
الهروب من المنزل
الاهتمام المفاجئ أو غير الطبيعي بالمسائل الجنسية سواء من ناحية الكلام أو التصرفات
إبلاغ الطفل بتعرضه لاعتداء جنسي من أحد الأشخاص
العجز عن الثقة في الآخرين أو محبتهم
السلوك العدواني أو المنحرف أو حتى غير الشرعي أحيانا
ثورات الغضب والانفعال الغير مبرره
سلوكيات تدمير الذات
تعمد جرح النفس
الأفكار الانتحارية
السلوك السلبي أو الانسحابي
مشاعر الحزن والاحباط أوغيرها من أعراض الاكتئاب
تعاطي المخدرات او الكحول
المؤشرات الجسدية
مثلا صعوبة الجلوس أو المشي .
صعوبة المشي أو القعود
ملابس ممزقة
ملابس داخلية مبقعة أو ملطخة بالدم
الإحساس بالألم أو الرغبة في هرش الأعضاء التناسلية
الأمراض التناسلية ، خصوصا قبل سن المراهقة.
اعراض الاعتداء الجسدي ومؤشراته:
إن للاعتداء الجسدي على الطفل آثاراً وخيمة جسديا وعاطفيا واجتماعيا. وأسرعها وأوضحها ظهورا هي التأثيرات الجسدية.
التأثيرات الجسدية:
يشمل الاعتداء الجسدي على الأطفال واحدا أو أكثر من الممارسات التالية: الضرب، الخض (الهز بعنف)، العض، الرفس، اللكم، الحرق، التسميم.
"وصلت وسن رسالتها وبدأ الأساتذة في الأسئلة، وكان لكل سؤال إجابة من وسن"
= شكراً ليكم، من بعد اذنكم بس نجاح الرسالة وأنها تطلع ب الشكل دا كان بعد فضل ربنا، بفضل صديقة مروة، واخوهو ضابط الشرطة مؤمن، الشكر قليل عليهم والله، وعايزه اهدا الرسالة ل روح شخص عزيز عليّ جدا، كان السند بالنسبة لي هو كان مفروض يكون موضوعها، بس ربنا كان ليهو حكمة في عدم وجود معانا الليله، بهديها ل مصطفى محمود درويش. # النهاية..... شكراً للمتابعه 🌸