رسالة

الرسالة الثالثة عشر

#رسالة "13" 🖋️ إبتهال حسن
"يوم جديد"
"دا اليوم التاني المهندس ما يرد، في شنو يااربي، انا عملت حاجة من غير ما اقصد ول قلت ليهو حاجه يااربي، ب العكس كلامي معاهو لطيف شديد، كويس زاتو الليله الدكتور ح يقول لي اتحرك عادي بعد كده ح امشي ليهو المكتب واشوف مالو "
________________________________
_معليش ما تتدخل في حياتك، الاستخارة كيف ماشة؟!
=ما مرتاحة لسه
_معناه ما فيهو خير لك
=بس امي
_اتكلمي معاها ،و ممكن تكلمي معاه هو شخصياً، قول ليهو كل ال ف قلبك، اكيد يعني هو ما ح يوافق أن يعيش ما وحدة هي ما عايزهو صح
=صح
_يلا طالع عن اذنك
____________________________________
حمد لله ع السلامة حمد ع السلامة"الكل بصوت واحد"
_الله يسلمكم
-المكتب منور الليله
_والله ب نوركم انتو، تسلموا كتير، المهندس عصام في المكتب.
-طوالي كده شكلك متحمسة ل الشغل
_اي والله
-قاعد اي في المكتب
_بعد اذنكم ح امشي ليهو، انتو وصلو شغلكم.

_السلام عليكم
*وعليكم السلام، وفاء حمد لله ع السلامة
_الله يسلمك
*كان تقعدي كم يوم تاني
_انا كويسة ما عندي عوجه هسا، عايزه اعرف بس انت مالك ما بترد على تلفونك
*مشغول شويه والله، انتي عارفه الموقع خلاص في النهاية وكده
_عارفه اي بس دا ما سبب اظن، مستحيل تكون مشغول لدرجة ما قاعد تشوف التلفون
*قاعد اشوفو بس الزمن متأخر، وعشان كده ما برجع لك
_عادي يعني شنو، انا كلمتك انك تضرب في أي وقت صح
*وفاء في شنو نازلة تحقيق معاي، بعد اذنك زاتو انا طالع الموقع
_جاية معاك
*لا خليك انتي في المكتب
_ل شنو، انا بقيت كويسة قلت لك
*لا خليك، احتمال يكونوا عايزين مساعدة هنا.
_بس انا شغلي في الموقع ما هنا
*وفاء اعملي العايزة تعمليهو، امشي الموقع، انا قاعد هنا خلاص
_دا شنو انت ماعايز نكون احنا في مكان واحد، ول بتهرب مني
*وفاء خليت لك المكتب والموقع زاتو "كلامو كل كان بزعل وظاهر إن ب يتهرب مني "
_____________________________
_انت الود مروان ما جا المدرسة ليهو كم يوم حاصل ليهو شنو؟!
*عندهم عزاء اظن، هو قبل كم يوم مش شوفت عندك؟! كنت طالع مستعجل انا.
_اي، يااخ الود بقى ما طبيعي شغال يقول لي كلام ما مفهوم كده، وأن انت اتغيرت عليهو، وانا بقيت صحبك اكتر منو وحركه البنات دي..
*غريبة مروان ما عندو الحركات دي.
_الناس بتغير، يكون بقى كده هسا
*احتمال
___________________________________
_السلام عليكم
*وعليكم السلام، مالك راجع بدري الليله
_عندي مشكلة بسيطة في الشغل
*مشكلة شنو خير ي مصطفى
_بسيطة ي حبوبة، طالع غرفتي انا
"بعد طلع مصطفى"
*ربنا يحلها لك مشكلتك دي، مصطفى دا النوع الكتوم ما بيتكلم، بالساهل ح يقعد حابس نفسو كده.
=ربنا يحلها له أن شاء لله.
"بس دي فرصتك يا وسن، احاول اساعدو في مشكلتو دي وح اكسب ثقتو كده يااربي"
________________________________________
_مالك ي وفاء رجعت بدري
*تعبانه شوية ي امي، عايزه انوم
"دخلت غرفتها، يااربي مالو المهندس، هو انا عملت حاجه، اكيد ح أكون عملت حركة غبية مني، وانا الكنت فرحانه أن أخيراً لقيت الحب مع زول يخاف علي واشوف الأمان معاهو، والحنان الطول عمري ما لقيتو من ابوي ، يكون هو كمان عندو مشاعر اتجاهي عشان كده بحاول يهرب مني، ليه لاكن هو الحب خطيئة يعني، اي خطيئة ي وفاء لمن يكون أكبر منك ب كتير كده، ما أكبر مني والحب ما بيعرف سن معين، انا لازم ما اخليهو لمن يعترف لي ب حبو "
________________________________
=تصبحي على خير ي حبوبة
_وانتي بخير، مصطفى دا لسه ما طلع من الغرفة
=لسه، انتي نومي هسا وما تشيلي هم بكره لازم نمشي المركز ما تنسى.
_إن شاء الله
___________________________
" برضو ما بترد علي... كويس عايز تهرب لمتين، وراك انا ما بخليك...... لازم اخليهو هو ال يجي عشان يشوف حاصل علي شنو، أوقف مكالمات، وأوقف التدريب زاتو"
_وفاء صحيتي متين هسا جايه اشوفك
*قبل شوية، جعانه عايزه آكل انا
_حاضر، وليد زاتو جاا، امشي اشوف عايز ولا
___________________________________________
=صحيت، حبوبة هسا كانت سألت منك
_نايمة هي
=اي في سبع نومة تكون
_تمام، بكره ماتنسي عندكم مشوار المركز
=اي متذكره، هو انا ممكن اساعدك واسمع مشكلتك "كان ظاهر إن متضايق"
_شكرآ لك، ما بحب احكي ل زول مشاكلي
=وانك تقعد في الغرفة كده ما حل كمان صح
_صح، مشكلة بسيطة وح احلها، تصبحي ع خير
=وانت بخير
_________________________________"صباح يوم جديد "
=يلا يااحبوبة
_ماشين ب شنو انتو
=ب عربيتي
*ماشي معانا ي مصطفى
_لا، طالع عندي مشوار ي حبوبة
=تمام، نتحرك احنا عشان الزمن
______________________
_ي بت وفاء وفاء
*اي يا أمي
_في قروش كانت في الدرج هنا، انتي اخدت منها
*قروش شنو، ما اخدت منها
_ح تكون مشيت وين يعني
*احتمال وليد
_وليد معاهو قروش، حقت شهر، ياخد من دي ليه
*طيب، احتمال وسن
_وسن ليها اسبوع مافي، والليله يدوب جاية، وغير كده معاها قروش هي
*طيب، احتمال انتي اشتريتي بيها حاجه وانتي ما متذكره
_لا، ما اشتريت بيها اي حاجه
*غريبة ح تكون مشيت وين يعني
_انا عرفت مشيت وين