رسالة

الرسالة الخامسة

#رسالة "5" 🖋️إبتهال حسن
_ يعني كان ضحية وبقي متهم.
*اي
=ممكن نسخة من القضايا دي
*تمام هسا يكونوا عندك.
_شكرآ كتير لك ي مؤمن، ما عارف ارد لك تعبك دا كيف زاتو
*ي بت مش قلت لك ما تقول كلام زي دا انتي زيك زي مروة، مافي داعي ل الشكر،ربنا يوفقك، بس نصيحة حاول شوفي طريقة تانية غير انك تمشي وتقول ليهو انا دكتوره وووو، لأن غالبا الناس ديل ما بيعترفواعن غلطهم ب الساهل.
=فكرت اي اغير طريقتي، وشك..آسفه آسفه خلاص مع السلامة.
"المساء"
والله ي مروة عندي فكره بس ما عارفة الطريقة صح ولا؟!
.......
والله امشي ب مبدأ الغاية تبرر الوسيلة، ح ادخل ليهو على أساس انا شنو ماعارفه بس ح اخليهو يثق فيني ويحكي لي ويتعالج بطريقة غير مباشرة، وبعدين بقول ليهو انا
.......
بس ما عارفة ح ادخل ليهو انا كيف..
...
اخليها عليك متأكده، ههه خلاص تمام.
"بعد يومين"
*مفاجأة
=الله يجازيك ي مروة ف زول يصحا زول كده
*وانتي نايمة لمن وقت زي دا مالك، خالتو قالت لي لك يومين بتأكلي في الغرفة وقاعده مقفوله كده في شنو
=موضوع الرسالة دا ما شايفة فيهو جديد
*لا فيه جديد
=شنو الجديد
*امشي غسل وشك كده وتعالى

=اها غسلت وشي الجديد فيها شنو
*لقيت لك الطريقة ال ح تدخلي بيها على مصطفى وكمان تكوني في بيتو
=كيف
*سماح اخت مرتضى طلعت شغالة مع مصطفى في الشركة وقالت لي أن هو عايز ممرضة ل حبوبتو، وكلمتها بس م قلت ليها عن موضوعك فهمتها انك ممرضة ما دكتوره، عشان صورتو قدام الناس وكده.
=اخيرا ح نستفاد من مرتضى حقك دا ههههه
بس م فهمت قاصدة أن انا ح أكون قاعده معاهم في البيت طوالي،كيف؟!
*والله ي وسن ما متأكده من موضوع اقامتك دي دايما ول لا، بس انا جبت لك رقم سماح وحددت لك معاهو موعد في أقرب وقت.
=تمام بس شكلو حكايتك حكاية ي مصطفى محمود درويش
*لقيت لك معلومات تاني بس ما عارفه مهمه ول لا
=قول ي زوله
*طبعآ اسمو معروف مصطفى عايش مع حبوبتو عيانه وعايزه ليها ممرضة وشغال في الشركة مدير حسابات، ابوه مسافر وأمه متوفيه، يلا انا من إسم الشركة عرفت انه شغال مع سماح ضربت بتكلم معاها وجبت ليها موضوع ان عندي صحبتي ممرضة وما لقيت شغل في مستشفى كويسه، طوالي قالت لي أن مديرها عايزه ممرضة ل حبوبتو بس عندها مواصفات معينه.
=مواصفات معينه شنو يعني مش ممرضة
*انها تكون م متزوجه وماعندها أطفال وحتى لو ما متزوجه وما يكون عندها أطفال بغض النظر عن أن عيالها ول اخوانها ما يجوا معاها الشغل.
=ما صعبه يعني الحاجات دي.
'طق طق' _اتفضلي ي مروه القهوه، امسكي اكلي انتي عملت لك سندويتش طعمية ظابط.
*تسلمي ي خالتو
=الله يديك العافية ي امي
وليد جا من المعهد؟!
_لسه بس شوية وح يجي،يلا انا طالعه ماشة السوق.
مع السلامة.
=الله يسلمك امي.
______________
=الشغل ماشي كويس والله ي هندسة،ان شاء لله ح نسلم قبل الموعد زي المره الفات
*أن شاء لله انا واثقة انك قدر المسؤوليه دي
=شكرا على ثقتك ي هندسة.
*يلا انا امشي المكتب وبرجع لك كمان شوية.
=تمام في امان الله.
_________
=عايزه احكي لك حاجه ي مروه
*اها احكي مالك في شنو
=وليد اخوي
*مالو
=شاكة أن بيعاطي حاجه.
*كيف لقيتو معاهو يعني
=والله قبل يومين كده جا متأخر شوية انا كنت نايمه صحيت عايزة اشرب موية سمعت صوت ضحك لقيتو دا هو قلت ح يكون بتكلم ب التلفون، المهم امبارح المسا كده مشيت عايزه الشاحن دخلت افتش فيه، لقيت شريط ترامادول، قاعده منتظرة لمن نومت، وهو ما جا، الصباح طلع المدرسة ومن المدرسة بيمشي المعهد اساسا.
*لو بالجد الكلام دا تبقى مصيبه ي وسن.
=عارفه انها مصيبة عشان كده ما عارفه اتصرف كيف زاتو.
*انا اقول لك تعمل ليهو شنو اسمعيني.
__________________
=يلا مع السلامة لمن بكره.
*وفاء وفاء
=نعم عايز حاجه ي مهند
*انا طالع ممكن اسوقك معاي في طريقي
=تسلم كتير، بس طلبت ترحال وح يكون جاا زاتو.
_____________________
*يلا انا ح امشي بعد دا واعملي زي ما قلت لك.
=تمام يلا احتمال يكون جا زاتو.
"في الباب كان جا وليد"
_السلام عليكم، مروة كيفك
*وعليكم السلام، الحمد لله بخير، وليد كيفك
_الحمد لله تمام
*يلا ي وسن مع السلامة.
=الله يسلمك
"مروة طلعت"
_الاكل شنو انا جعان
=دقيقة اسخن لك.

_الحمد لله امشي انوم انا بعد دا لأن بعد المغرب ماشي المجموعه حقت الفيزيا.
=ماشي كيف في القراية انت؟!
_كويس دعواتك بس معانا.
=دعواتي معاك دايماً، لو عايز شرح وكده انا موجودة
_أن شاء لله يلا اطلع انوم انا
=بالمناسبه امبارح جيت شيلت الشاحن لحظة اجيب لك من الغرفة.
اتفضل يلااا ح اصحاك المغرب تمام.