رسالة

الرسالة الثالثة

#رسالة "3" 🖋️إبتهال حسن
=أمي ي أمي أنا جيت...
_حمد ع السلامة اختك زاتو شوية وح تجي، امشي اجهز الفطور ول الغداء دا زاتو.
=وليد جا؟!
_لا، لسه
=ي امي دا كلام شنو اتكلمي معاه ولدك دا
_ضربت ليهو انا قال لي في الشارع جا على البيت،قال امبارح طلع من الحفله والوقت متأخر، والعربية ما كان فيها بنزين زاتو يوصل لمن البيت عشان كده كان بايت مع صاحبو.
= نشوف الكلام دا لمن يجي.
"في جانب آخر "
ي ابوي انا ماعندي طريقة اقعد معاها الوقت كل، اي عارف انها في مقام امي واي حاجه، بس انا كمان عندي شغل، ما قاعد امشي والله متابع ب التلفون بس،،،، خلاص طيب تمام، انا سألت كم زول عن بت تقعد معاها تكون مكان ثقة زاتو وعندها خبرة في موضوع التمريض دا، إن شاء لله غايتو نلقى بت تكون مناسبه.
________________
"بيت ناس وسن"
يلا يابنات الغداء.... حاضر جايين ياأمي....
قاعدين في الصفرة جاء وليد شاب في نهاية العقد الأول، عمره لا يتجاوز السابعه عشر، لاكن حجمه وطوله يدل على أنه في عقد العشرين، يمتلك بنية جيدة نوعاً ما.
=السلام عليكم
*وعليكم السلام 'بصوت واحد'
*تعال الغداء
=حاضر اغسل يدي واجي.... كل سنة وانتو طيبين كمان وعام سعيد عليكم
'بصوت واحد وانت طيب'
_امي قالت لي كنت بايت مع صاحبك،وقريب الساعتين انت بتقول جا في الشارع.
=وسن الكلام دا ما وقتو هسا خلي اخوك يأكل والمناقشة بعدين.
*لا خليها ياأمي هسا تبدأ المحاضرة حقتها ابوي معتمد عليك وسيب راجل في البيت وووو... اها خلاص
_لا ما خلاص ي وليد.
=وسن بعدين.
_حاضر ي أمي 'الصمت يُعم المكان فقط صوت الملاعق والمروحة يملأ المكان'
"في المساء" في غرفة وليد
=وليد ممكن اتكلم معاك؟!
_اتفضلي ي وسن، اول بعتذر على طريقة كلامي معاك قبيل.
=وانا قبلت الاعتذار، بس عايزك تعرف إن أنا بتكلم كده عشان مصلحتك انت، وبعدين انت الراجل حقنا هنا، ابوي مافي، يعني لو وحده فينا تعبت ب ليل انت الحتمشي معانا الدكتور، لو جا حرامي لو حصلت اي حاجه انت الراجل، ف ما صح انت تكون مافي في البيت واحنا كل يومين بايتين برانا صح.
_صح خلاص، اوعدك ما يحصل كده تاني.
=تمام ي اصلي هههه، يلا تحت لأن أمي ووفاء من قبيل قاعدين عشان القعده والمكالمة مع ابوي.
"كل مناسبة عندهم قعده زي دي يتكلموا مكالمة فيديو مع ابوهم عشان يعيش معاهم اللحظة، ويرسلوا ليهو الصور بعدين"
'صباح يوم جديد'
=يلا ي امي انا طلعت... الو اي مروة صباح النور... اها ح تمشي معاي ول كيف... تمام طيب انا في الشارع جاية عليك.
=يلااا الزمن ي بت.
_جيت ياوسن.
=عايزة اكسب الزمن عشان كده، إن شاء لله الليله أكون مررت على أهل الضحايا كلهم.
_ان شاء لله، قريت القضايا كلها انتِ؟!
=اي امبارح لمن الساعه ٣صباحا انا قاعده فيها، القعده خلصت بجي انا طوالي طلعت اقرا فيهم.
_لسه عندكم موضوع القعدة دا.
=اي لازم والصور عشان تمشي ل ابوي،والله بيني وبينك ابوي لو جا يكون احسن ونقل شغلُ هنا، لأن وليد محتاج ليهو واحنا كمان.
_المهم إن موجود ي وسن، اخير من ما تقول ربنا يرحمو بعد اسمو ، تقول ربنا يرد غربةُ.
'ام وأب مروة موتوا في حادث'
=ربنا يرحمهم ي مروة...
_آمين.
=هييي يلااا جيب الملفات واساليني عشان تعرفي صحبتك قرأت و لا 'وسن عايزه ما تخلي مروة تفكر في أهلها'
_طيب بسم لله اول ملف عندك بت عمرها سبعه سنة، تقربيا هسا ح يكون عمرها عشرين، اسمها هناء.
=يلا، هي وحيدة امها في المحضر مكتوب انها كانت راجعة من المدرسة، ود عمها ل امها كان جيرانهم وهو المتهم، والطفلة قالت هو العامل كدة فيها بس بعد يوم واحد جاءت وقالوا اقفلوا القضية، والكلام حق الطفلة دا مجرد كلام لأنها كانت زعلانه ، طبعا حاجه ما طبيعية طفلة تكون زعلانه من زول تقول عمل ليها كده صح، والأم تجي وتفتح البلاغ طوالي، خلاصة الموضوع طلع الود دا ابوه قال ما عايز فضايح،واحنا أهل في النهاية.
_إن شاءالله، هسا يتكلموا معاك.
= إن شاء الله، يلا وصلنا.
=السلام عليكم
_وعليكم السلام، اتفضلوا اخدمكم ب شنو.؟!
=انا وسن دكتورة أمراض نفسية، بعمل رسالة بتكلم فيها عن الاعتداء الجنسي ل الأطفال.
_اتشرفت بيك،ما عرفت اخدمك كيف؟!
=طيب، انا عارفة ان بتك حصل ليها اعتداء قبل ١٣ سنة تقريباً، فتحتو البلاغ وبعدها اتقفل، وعارفة السبب عشان قريبك، هو أبو المتهم كان زول مسؤؤل كبير، هسا ماعايزة اتناقش معاك في الفات بس ممكن اتكلم مع هناء.
_اول حاجه هناء ما هنا، وبعدين الزول ال اديك الملف حق القضية دا حسابو عسير ح يكون.
=انا ماعايزه اسبب ليكم اي احراج ومافي زول ح يعرف اساسا بس عايزه اتكلم مع هناء واشوف حالتها النفسية كيف.
_هناء بتي كويسة وما عندها عوجه، ومتزوجه ومبسوطة في حياتها كمان، ومعليش يعني انا طالعه ممكن تفضلوا.... سعاد ي سعاد مع الضيوف لمن الباب عليك لله.
*'يعني فوق ما هي غلطانه كمان ماعايزه نساعد بتها'
=معليش بس ممكن عنوان بيت هناء نسيت ما قلت ل خالتو...
_ساكنة.... =شكرآ لك
*عايزة ب العنوان شنو؟!
=ح اقول لك يلااا يلاا.
=المتهم اسمو حسين صح ي مروة؟
*اي. ما تقول لي قصدك أن هو المتزوج هناء.
=اي... يلاا انزلي وصلنا.
السلام عليكم هناء موجودة
اي موجودة،،، زوجها حسين في؟!
لا مافي. اتفضلوا
=الشك طلع في محلُ هو زوجها. 'قطعت حديثهم بت ذات وجهه طفولي ملامح الطفولة لسه موجودة في وجهها، وكأن عيون المها اخذت مكانها في وجهها'
=السلام عليكم
_وعليكم السلام، اتفضلوا اقدر اساعدكم كيف.
=انا وسن بعمل رسالتي عن الاعتداء الجنسي ل الأطفال، وعلى حسب معلوماتي كانت حصلت معاك حادثة زي دي لمن كان عمرك سبعة سنة والمهتم هسا زوجك، ماعايزه اتكلم في الفات بس عايزه اساعدك هسا واسمع منك، واسمك ماح يجي في حاجه ما تخافي.
'ظهرت علامات التوتر على وجهها'