رسالة

الرسالة العاشرة

#رسالة "10" 🖋️إبتهال حسن
=اااا كنت بفتش على النتائج حقت حبوبة
_نتائج شنو
=آخر فحص ليها، ما لقيتها في الغرفة حقتها، ساره قالت لي احتمال هنا
_ايووا، اي هنا دقيقة اجيبها لك
=انت رجعت بدري ول ما مشيت الشغل
_مشيت بس نسيت لي ملف عشان كده
__________________
_يلاا انا كمان اقول ليكم اذنكم، بس السجائر معليش ي ام وفاء
-حاضر
*ليه ماشي اقعد شوية
_لازم امشي الموقع زي ما انتي عارفه
'ام وفاء جابت السجائر' شكرا
-العفو
'' وفاء بتحاول تقوم يجي عليها المهندس عصام تمسك في يدو وتقوم "
انتي هسا ماشة وين 'بصوت واحد عصام وامها'
*انتو ما سامعين الدكتور قال لي اتحرك واحاول اطلع السلم كمان.
- في زول جا امشي اشوف منو واجي
*شكراً لك
_العفو على شنو
*عشان خليتني احس احساس حلو، احساس الخوف عليّ، احساس السند، والثقة الكبيره لي" هو واقف وماسك يدها وهي بتكلم معاه بقيت تتحرك حبة حبة " عارف خوفك دا في أقرب الناس لي ما شوفتو
_ليه بتقولي كده، امك واختك روحهم فيك، ما شوفتي خوفهم عليك كيف ول حاجه من خوفي عليك
*ما امي و وسن قصدي ابوي
_اكيد ح يكون خايف عليك بس عشان هو بعيد انتي ماحاسة ب خوفو دا.
*امبارح خوفك على بتك دا، اتمنيت يكون خوف ابوي عليّ
_ما في أهل ما بيخوفوا على عيالهم بس الطريقة مختلفة من زول ل زول عشان كده.
"قطعت كلامهم أم وفاء"
-ماشاء الله دي ام ناصر عايزه تقول لي عرس كوثر بتها بعد شهر تقربيا
_ماشاء لله اي ناصر قال لي والله
يلااا تعالى امسكي وفاء انا امشي
-معليش شايلين من زمنك دائما
_لاا يااخ مافي داعي ل الاعتذار
______________________
=اتفضلي ي حبوبة
بالشفاء أن شاء لله
_امين يارب
=حبوبة ممكن سؤال؟!
_طوالي
=انتي حبوبة مصطفى أم أمه ول ام ابوه؟!
_الاتنين في وقت واحد
=كيف؟!
_انا ام ابوه، يلا امه وابوه اساسا اولاد خالات يعني ام مصطفى بت اختي، اختي دي متوفية من بدري، انا ربت ام مصطفى وكانت قاعده معانا في البيت، عرست ليها ولدي، جبت مصطفى، لمن مصطفى عمرو سته سنه هي حصلت امها كمان، ابوه كان شغال هنا، بعدين جات فرصة شغل في قطر سافر، وبقيت انا ومصطفى قاعدين هنا.
____________________"تجري الأحداث، الأحداث خلال أسبوع كامل "
*ما ينفع انزل ليه يااخ والله بقيت اتحرك كتير في البيت، وطلعت السلم
...........
خائف عليّ ول خائف تدخل في مسؤؤلية
........
الاتنين طيب ح أصدق.
........
وانت من اهلو
.......
اكيد صاحية اضرب في أي وقت ي هندسة
.....
انت ما ملاحظ انك كل مكالمه بتقول لي قلت اشوفك بقيت كيف وبتقول كل مره سبب ل المكالمه، من غير أسباب ممكن تضرب.
___________
=اتفضلي ي حبوبة
بالشفاء ان شاء لله
-السلام عليكم
وعليكم السلام 'بصوت واحد'
_كيف يومك ي مصطفى
-الحمد للله ي حبوبة ح امشي انوم طوالي انا تعبان.
___________________
*امسك دي قروش الشهر دا حقت المعهد
-امسك انت كمان، دقيقة اعمل لك قهوه واجي، عشان تعمل لك دماغ مع البوردة.
______________
أصبحت كويسه الحمد لله
.....
انت وصلت الشغل
....
العمال هادئين كده مالهم
.......
مشيت اول المكتب يعني
....
كويس.
_______________
*صباح الخير
_صباح النور 'بصوت واحد'
*يلا ي حبوبة انا طالع
_ماعايز تشرب الشاي
*بشرب في المكتب
___________________
*شوفت انا ممكن ما امشي المعهد ول المجموعات بس المدرسه دي لازم امشي
_امشي بس ما كل يوم انت ما بتزهج يااخ
*والله لو ما مشيت النسب دي ولا احلم بيها زاااتو.
_على كيفك خلاص.
_______________________
"يوم الخميس"
=ما في اي جديد ي مروة والله، ما قاعده اشوفو كتير زاتو خلي لمن اقعد اتكلم معاهو زاتو
البرنامج أن يطلع الصباح بدري ولو طلع متأخر يجي يشرب الشاي ويطلع، يجي المساء، يسلم علينا ويطلع غرفتو تاني ما يطلع منها إلا الصباح، نادر جداً يطلع، ونفس البرنامج دا كل يوم.
......
انا خلاص لمن صدقت بالجد أن انا ممرضة، والله حبوبة تستاهل وأي حاجة بس انا عندي هدف تاني.
......
اشوف الأسبوع دا يحصل شنو لو مافي جديد طوالي ح اسيب الشغل والموضوع دا..
........
تمام طيب وانتي من اهلو، مع السلامة.
"طق طق صوت الباب"
=ادخل
_وسن عايزه انوم انا الاكل في التلاجه لمن يجي وليد احتمال يكون جعان سخني ليهو.
=هو ما جا لمن هسا
_لا
=تمام طيب تصبحي ع خير
_وانتي بخير
=وسن صاحية
_اي شكلها صاحية النور فاتح حق الغرفة.
=دقيقة انزل معاك ليها اشوفها ب المره.
___________________
=صاحية ي هندسة
_وسسسسن اي صاحية "وفاء بتكلم بالتلفون"
لحظة بس برجع لك
=دا شنو خالطة
_لا ما خالطة دا المهندس عصام مديري
=مالو ضرب لك هسا
_عايز يشوف بقيت كيف
=طيب خليهو يضرب الصباح
_وسن الساعه عشره ماجات، ضرب لي متأخر عشان الليله الخميس طلع متأخر وكده
=اها كويس، ومهند
_مهند منو
=الشغال معاكم
_ما فهمت مالو
=كنت شايفة نظرات حلوه لك منو.
_مهند!!!!!
=اي
_علاقتي معاه في حدود شديد انا مستغربة حتى هو جا ل شنو معاهم.
=بس نظراتو كانت بتقول عكس كده.
_والله تكون صدفة سااي
=احتمال، المهم ي زولة انتي كيف هسا، امي قالت لي ماشاء الله بقيت تطلعي السلم كمان.
_اي الحمد لله، الأسبوع دا ح انزل الشغل
=كويس والله، دقيقة في صوت في الباب يكون وليد
_اي يكون
=يلا امشي انا اشوف وليد، تصبحي ع خير.
______________________________
=وليد
_وسن كيف جيتي متين
=جيت قبيل، كنت وين انت؟!
_ في المجموعه الأستاذ جا متأخر عشان كده طلعنا متأخرين
=اها كويس تعال اسخن لك الاكل طيب
_حاضر
"في المطبخ"
_وسن كنت عايز لي قروش
=قروش ل شنو
_عايز ادخل مجموعه جديدة، وما عايز اقول لي ابوي لأن بدفع حق المعهد وباقي المجموعات
=لو بالجد عايز مجموعه ما عندي مشكلة بكره القروش تكون عندك، بس لو عايزها ل حاجه تاني لا.
_حاجه تاني شنو مثلاً
=زي الشريط الكان في الدرج.