رسالة

الرسالة الحادية والعشرون

#رسالة "21" 🖋️ إبتهال حسن
"يوم جديد"
=أمي صباح الخير.
_صباح شنو دا، العصر احنا يا وسن
=تعبانة كنت والله، عشان كده نائمة الزمن دا كُل.
_نوم العافية، اها الخطوبة كانت كيف.
=رهيببببة شديد ياأمي، على سيرة الخطوبة دي عايزه اتكلم معاك انا في موضوع.
_خير ان شاء الله، بس اول خليني اجهز ليكم الاكل.
=حاضر جاية معاك المطبخ اساعدك زاتو، هي وفاء جات.
_اي قبل شوية.
=في واحد جا وطلب يد وفاء مني.
_واحد منُ و لقيته وين كمان؟!
=والله لقيتُ امبارح في الخطوبة طلع جيران مروة، وشغال مع وفاء في الشركة، أظن ح تكوني بتعرفيهو زاتو، اسمُ مهند.
_اهااا سبحان لله صدفة عجيبة.
=اي، اتخيلي قال لي ليهو فترة بفتش على رقمي وما عايز يقول ل وفاء عايز يعملها ليها مفأجاة.
_يعني وفاء ما عارفة.
=ما أظن، بس شكل عندهم علاقة مع بعض هم.
_انا طبعاً لمن هسا ما متذكرةالشخصية يا وسن.
=كان جا مع ناس الشغل لمن وفاء وقعت في الموقع.
_اهااا اتذكرت، ولد مهذب والله من شكلُ ظاهر.
=اي والله، انا هسا قلت ليهو انا ما عندي مانع، اشوف امي وابوي في عيد الضحية جاي، ممكن يجي الوقت داك يتقدم رسمي.
_اي صح، انا كمان ما عندي مانع، بس اول نسأل عنه.
=اي اكيد طبعاً، يلا انا امشي ل وفاء واجي.
____________________
=هااي هااي يا هندسة
*وسن مشتاقين والله
=انا اكتر "قامت سلمت عليها ب الاحضان"
*تعالى تعالى نقعد.
=اخبارك شنو وكيف مع الشغل والجامعة
*الحمد لله نقول لاكن تعب شديد،وانتي موضوع رسالتك كيف وكيف القعدة هناك.
=الحمد لله والله ناس طيبين شديد،طيب انتي لو تعبانة كده ما تمشي التدريب تاني امشي ايام الاجازة بس.
*لا لا ما بخليه التدريب انا.
=ومالك قلتها كده، عندك شنو في التدريب ما عايزه تخليه "َب ابتسامة"
*ما عندي حاجه.
=يااخ، انا كنت فاكره في زول ولا حاجه، لأن في واحد جا و طلب يدك وقال إن شغال معاكم في الشركة، انتي عارفه معناها سوء تفاهم.
* لا دقيقة دقيقة عايزه افهم انا الكلام دا .
=هههههه وتقول لي مافي حاجه في التدريب.
*هههه وسن عليك لله دا شنو الكلام دا.
=والله في واحد لقيتُ في الخطوبة جا واتعرف عليّ وقال إن شغال معاكم في الشركة، وطلب يدك مني حتى قال ما اتكلم معاك في الموضوع عايز يعملها لك مفأجاة.
*مجنون ماقال لي اي حاجه قبل شوية كنت معاه في الموقع انا .
=المهم هسا امي قالت ما عندها مانع بس اول نسأل عنُ، وابوي في الضحية ح يجي إن شاء لله الوقت داك يجي يتقدم رسمي ممكن.
*امي ما عندها مانع!!!!
=اي مالك مستغربة كده.
*غريبة ما كنت متخيلة امي توافق.
=زول مهذب هو ومؤدب ظاهر عليه، وبعدين انتي مش مبسوطة امي ح توافق طوالي.
*هي امي متذكرة الشخصية يعني
= اي، كان جا مع ناس الشغل وقت الوقعةحقتك، وبعدين هو انتي مالك مستغربة كده!!!
*لا عشان هو "قطع كلامهم التلفون ضرب"
=دا هو المتصل.
*اي
=خلاص اتكلمي معاهو وبعدين تعالى الاكل.
*حاضر. "بعد طلعت وسن"
*الو... اي يا عصام
....
دي شنو المفأجاة الحلوة دي.
......
كيف يعني مفأجاة شنو وسن قالت لي خلاص.
.......
هههههه والله انت ممثل شاطر، يااخ خلاص وسن قالت لي انك طلبت يدي منها وح تجي رسمي لمن ابوي يجي في الضحية.
......
ما مجنونة والله، انت شكلك عايز تستهبل علي ههههه و انا معاك شكلك عادي ولا كأنُ لقيت وسن ولا طلبت يدي.
.......
عصام كفاية تمثيل يااخ.
....
كيف يعني وسن قالت لي اسمك، هي بالصراحة ما قالت لي عصام، قالت لي واحد شغال معاكم في الشغل ولقيت ُ في الخطوبة وطلب يدي منها، ح يكون انت ح يكون منُ يعني.
........
هو انت بتكلم معاي ب الأسلوب دا ل شنو، قصدك يعني انا بطريقة غير مباشرة عايزه اقول لك تعال اطلب يدي.
.......
كلامك دا ما عندُ معنى تاني.
...
خلاص خلاص ياا عصام برجع لك بعدين كدي افهم من وسن.
____________________
=اي فرحانه اكيد ياا امي
_ربنا يسعدها كمان وكمان يارب.
*وسن ياا وسن.
=بسم لله مالك يا بت هسا بقول انك مبسوطة، مالك فجأة كدة جاية متعصبة فينا.
*انتي الزول المتقدم لي دا منُ.
=اجيي مش هسا كنا بنتكلم وانتي موافقة ومبسوطة، جاية هسا تسألني من الاسم.
*اي، لأن شكلُ في سوء تفاهم.
=سوء تفاهم!!!! اسمُ مهند
*مهند!!!!!!!!! "مستغربة"
=اي مالك مستغربة كده.
_ولد ما شاء الله عليه مهذب ومؤدب، وحلاتو كمان.
*دقيقة دقيقة يا أمي، يعني انتو موافقين والكلام الكتير دا كلُ عشان العريس هو مهند، وانا اقول امي موافقة كيف.
=دا كلام شنو يا وفاء، سوء تفاهم شنو كده عايزين نفهم احنا معاك، انتي قاصدة زول تاني كان.
*اي، انا كنت متخيلة الزول ال طالب يدي المهندس عصام.
_=المهندس عصام!!!!! "بصوت واحد وسن وامها"
*اي، عشان كده انا مبسوطة وموافقة، و مستغربة إن أمي ما يكون عندها مانع.
=وانتي مبسوطة وموافقة عشان عصام، عصام دا مش المهندس الكبير دا، وهسا جاية متعصبة عشان العريس طلع ما هو.
*اي، لأن انا والمهندس عصام بنحب بعض.
_ت شنو يااوفاء ، انتي شكلك ما طبيعية، تحبي لك واحد قدر ابوك، وعندُ عيال كمان ومتزوج كمان. "متعصبة"
=أمي كده اهدي هسا انتي، وفاء تعالى غرفتك نتكلم شوية.
_اتكلمي معاها ياوسن وخليها تعرف لو بقي آخر راجل في الدنيا ما بخليك تعرسيهو يااوفاء، وعلى جثتي الكلام دا.
=أمي خلاص عليك لله،تعالي يااوفاء.
__________________________
=اقعدي يااوفاء، امسحي دموعك دي اول.
*وسن انا بحبُ، وما عايزة زول غيرُ خلي امي تفهم الحتة دي، وما بعرس زول غيرُ كمان.
=كده اهدي هسا انتي، بعدين امي كلامها دا لو هو جا أتقدم، وهو ما جا صح، وما اظن عندُ نية زاتو.
*ليه يعني ما عندُ نية.
=اول حاجه هو زول متزوج، وعندُ عيال، سبب واحد يخليه يتزوج وحدة تاني ما في.
*هو بيحبني، اساسا ام عيالُ زواجهم كان تقليدي، بت عمُ ما قاعد يحبها.
=طيب هو جاب لك سيرة الزواج دي قبل كدة.
*لا
=وانتي عايزه شنو طيب منُ هو ما جاب لك سيرة الزواج قبل كدة.
*هو ما جاب لي سيرة لأن الوقت المناسب ما جا لسه، ح يكون بيشوف انا زولة مناسبة ولا، وبعدين احنا يدوب في بداية العلاقة ياوسن.
=كلامك صح، اول الزول مفروض يعرف هل الزولة دي مناسبة ولا، بس الكلام دا في حالة هو ما متزوج، عشان ح تكون ام عيالُ، بس هو متزوج وما شاء الله عندُ عيال كمان،انتي بالنسبة ليهو وحدة صغيرة وحلوة وبتحبُ، الحب ال ما عاشُ وقت كان في سنك انتي، انتي ب الطريقة دي ح تكوني مجرد عشيقة ما اكتر، و معليش على اللفظ دا.
*هو إنسان محترم وما طلب مني حاجه غلط قبل كدة.
=وفاء انا ما قصدى أن هو زول ما محترم لا محترم شديد كمان، بس هو قاعد يعوض الحب المفروض يعيشُ زمان هسا فيك انتي المسكينة دي،دي أنانية منُ بس ما أكتر، لأن انتي مفروض تعيش حياتك وتعيش الحب دا مع زول في سنك انتي.
*ما أناني، انا عايزه اكون معاه ياوسن، بكون مبسوطةمعاه وبحس بالأمان معاه وبحس ب الاهتمام والخوف الأنا محرومة من"ب صوت كلُ حزن"
=طيب، دا ما حب انتي لقيت فيه دور الأب بس، فكري ياوفاء شوية في كلامي دا، واتكلمي مع مهند شكلُ بيحبك، يلا امسحي دموعك دي،يلاا حضن كبير.