رسالة

الرسالة التاسعة

#رسالة "9" 🖋️إبتهال حسن
_سلامتك ي وفاء
أجر وعافية أن شاء لله
*الله يسلمكم اتفضلوا.
اها الليلة المكتب واليوم كيف من غيري
_والله المكتب من غيرك ما ليهو طعم.
*عارفه انا السكر حق المكتب هههههه
-اتفضل ي مهندس عصام الشباب كلهم هنا
=السلام عليكم
الجميع ب صوت واحد وعليكم السلام
=اها ي وسن احسن من قبل
*الحمد لله احسن
"ام وفاء جات داخلة ب العصير"
مافي داعي ل التعب ي خالتو
-مافي تعب ولا حاجه
*امي ما عرفتك بيهم، دي مرام، ودي توسل ودي ترتيل ودا مهند
-اتشرفت بيكم و الله
الشرف لينا احنا والله
-بعد اذنكم
________________
=حبوبة متأكده امشي انا
_اي ي بتي مصطفى هسا بجي، الليله اتأخر كمان
=احسن انتظر لمن يجي
_لا امشي احسن، اختك عيانه وامك واقفة فيها تكون من قبل براها، اساسا الحبوب اخدتهم.
=انتي شايفة كده
_اي
=خلاص مع السلامة
______________________
_ما نزلت لمن هسا
دقيقة طيب انا جااي
*خير ي باشمهندس
_بتي الصغيره عندها حمه من قبل، لازم امشي بيها المستشفى
بعد اذنكم "طلع مستعجل حتى قبل يردوا عليه"
=السلام عليكم ي مهندس
وعليكم السلام معليش بس مستعجل
=اتفضل ما مشكلة

=أمي أمي
-أي وسن جيتي؟!
=اي، في شنو لقيت المهندس طالع مستعجل
-بتو عيانه اظن
=اها انا قلت في شنو، دا شنو في ناس تاني عندنا
-أي زملاء وفاء
=طيب امشي اسلم عليهم واجي عليك
______________________
_كيف يعني تمشي قبل انا اجي
-ي مصطفى انا قلت ليها تمشي بعدين هي طلعت قبل نص ساعه او اقل زاتو.
_طيب والحبوب أن شاء لله تكون اديك ليها
-أي ماشاء الله عليها ممتازه هي حافظة المواعيد.
_جاية متين هي قالت لك
-بكره الصباح بتكون هنا
_تمام اغير هدومي واجي
______________________________
=ي أمي عليك لله، انا ما مصدقة أن لقيت امل بسيط ل موضوع رسالتي.
-أمل بسيط ي وسن تقومي تقعدي مع الناس في بيتهم انا ما بعرف ليهم حاجه، بالي كلو ح يكون معاك
=أمي هم الحبوبة ودي ظريفه وطيبة شديد قاعده تعاملني احسن معاملة زي كأن انا حفيدتها، ومصطفي دا النهار كل فى الشغل، والبت الشغالة بس
-ابوك عارف طيب
=اي، قال لي خلي بالك من نفسك بس
-خلاص طيب ربنا يوفقك وخلي بالك من نفسك
=اميين ياارب شكرآ لك ياا احسن ام في الدنيا "طبعت بوسه على خدها"
_بس الليله ح تكوني بايته هنا
=اي اكيد، يلاا امشي اجهز هدومي واجي
____________
_انا امشي ي أحمد كده اديني الشنط اشوف فيها قروش
-امسك
_امسك دي قروش مجموعه الفيزيا
-زي ما قلت لك النوع الجديد دا عايز قروش زياده
_طيب، اديني لمن يوم الخميس كده، اقول ليهم عايز مجموعه تانى.
-طيب، والله انا مستغرب اهلك ديل، يعني هم ما عارفين انك شاطر كده وما محتاج مجموعات ومعهد
-عارفين بس عشان الفصل التالت وكده بكون محتاج دروس زياده.
-وهسا يكون فاكرين النسب حقت الامتحانات الشهرية دي، ب فضل الكورسات ههههه
_اي هههههه، يلااا امشي انا مع السلامه.
_______________
-وفاء لقيت السجائر دا يكون حق المهندس ول الود الجاي مع البنات كان.
_ما اظن مهند دا بيشرب سجائر، أظن حق المهندس دقيقة نضرب ليهو نشوف بتو بقيت كيف، وأسأل من السجائر دا
الوو ي هندسة
الحمد لله، بتك بقيت كيف
.......
الحمد لله، الملاريا اي بتعمل حمه.
..........
ربنا يتم شفاءها على خير ياارب
.......
طلعت مستعجل نسيت السجائر حقك
.......
اي انا زاتو قلت يكون حقك انت
........
بكره الدكتور جاي اي
....
تشرف في أي وقت
__________________________
"صباح يوم جديد"
=صباح الخير حبوبة
_صباح النور جيتي متين؟!
=قبل نص كده
_كويس بدري بدري تعالى اشربي معاي الشاي طيب
=الحمد لله انا شاربة وجاية، امشي الغرفة فوق واجي
"طلعت فوق دخلت اشحن التلفون لمن طلعت بقيت متردده ادخل غرفة مصطفى ول لا، عايزه اشوف احتمال القى مذكراتك ول اي حاجة، سارة اساسا قالت لي طلع من بدري هو، اتوكلت ودخلت"
_____________
_كويس قاعده تمشي كويس
*يعني ممكن انزل الشغل ي دكتور
_لا اكيد ما لدرجه دي، بس اتحركي كتير في البيت وكده وحاول اطلعي السلم وكده
-هو زاتو ما ح نخليها تنزل حتى لو وافقت له انت.
*ليه يا هندسة، انا لازم انزل قبل نسلم الموقع
_هي هسا احسن يعني لمن الخميس كده الأحد بتكون بقيت تمشي عادي.
-أن شاء لله
_يلاا عن اذنكم
________________________
"في غرفة مصطفى"
مستحيل يكون ما في حاجه عن شخصيتو ول مذكرات ول اي حاجه ممكن استفيد منها ما معقولة، كده اشوف الدرج دا ''
_وسن بتعملي شنو في غرفتي؟!