رسالة

الرسالة العشرون

#رسالة "20" 🖋️ إبتهال حسن
"يوم الخميس"
*ياااوسن والله ما ممكن يعني انتي عايزه تمشي تسلم على صحبتك وتجي بس ول شنو.
=جااية خلااص نازلة والله دقيقة بس
*من قبل دقيقة دقيقة دي ساعة عديل.
=اها طلعت "فستاني لونُ كحلي فيه ب الأبيض من فوق، قابض من فوق، عملت تسريحة ظريفة والطرحة في كتفي، ودي كان أول مره مصطفى يشوف شعري، كان بعاين عليّ"
=هيييي سرحان وين يلااا نمشي
*سرحان في البت النازلة دي... مالها حلوة كده الليلة
=هههه عشان المكياج
*هي ب المكياج ومن غير المكياج قمر.
=هيييي خلاص خجلت نمشي بعد دا.
*نمشي اي بس دقيقة.
=في شنو
*الطرحة دي ح تكون في كتفك كده يعني؟!!
=اي، ما حلوة
*لا حلوة، بس لمن تكون في رأسك بتكون احلاا كتير.
=طيب،دقيقة اعملها حجاب واجي.
*طيب، منتظر في العربية انا.
___________________________
_وفاء وفاء
*اي يا أمي
_ضربت ل اختك قلت ليها ما ح نقدر نجي الخطوبة.
*اي، قالت بكره بتجي البيت هي، لأن عربيتها في الميكانيكي، وما ظريفة مصطفى يرجعها في وقت متأخر هنا.
_هو مصطفى ماشي معاها.
*اي
___________________________________
=مروووة الف مبروووك حبيبتي، ماشاء لله تبارك لله طالعة قمر، بختُ مرتضى.
_الله يبارك فيك يا وسن عقبالك انتي كمان، ما عارفه متوتره شديد.
=التوتر حاجه طبيعي في لحظة زي دي، يلا انزلي بعد انتي، مرتضى ح يكون بقى مخلل زاتو ههههههه
_حاضر نازلة، مؤمن ح يجي هنا عشان ننزل سوا.
=طيب، امشي اقول ليهو يجي.
"مصطفى ومؤمن كان واقفين مع بعض"
=مؤمن يلااا امشي مروة منتظرة فوق.
-خلاص جاهزة، دي المرة كم انا اطلع وهي تكون لسه.
=ههههه لا، المرة دي بالجد جاهزة.
-امشي خلاص بعد اذنكم.
*اتفضل.
=انت ومؤمن بقيتوا أصحاب ول شنو؟!
*لا ما أصحاب، بس ما بعرف زول غيرُ هنا، وبعدين هو زول ظريف شديد.
=اي والله وو"قطع كلامنا شاب جا سلم علينا"
_شكلي ما متذكر الشخصية دي صح؟!
=معليش والله هو شكلك ما غريب علي بس منُ ما متذكرة
*وسن ماشي اسلم على العرسان، نزلوا.
=طيب مصطفى.
اهاا منُ؟!
_انا مهند شغال مع وفاء في الشركة.
=ايوااااا اتذكرتك اي، كان جيت مع ناس الشغل صح في البيت وقت وفاء عيانة.
_اي بس
=اخبارك شنو وكيف مع الشغل
_الحمد لله نقول، عارفة ربنا بيحبني والله عشان لقيتك هنا، لي فترة قاعد افتش رقمك؟!
=خير ان شاء الله، كان تشيلو من وفاء
_لا، ما هو انا عايز اتكلم معاك ب خصوص وفاء
=خير ان شاء الله، ما تكون عاملة مشكلة في الشغل.
_لا، خير، انا طالب يد وفاء منك، حتى ما كلمت وفاء عايز اعملها ليها مفأجاة.
=انا ما عندي مانع، اشوف امي رأيها شنو وابوي في عيد الضحية جاي،ممكن الوقت داك تجي تتقدم رسمي.
_خلاص ح انتظر منك تلفون،اديني رقمك.
=حاضر.
*وسن مروة بتسأل منك من قبيل.
=حاضر جااية يا مصطفى ، بعد اذنك ياا مهند.
______________________
"بعد رجعنا من الخطوبة، الجو كان حلو لقيت مصطفى قاعد في الجنينة"
=هاااي هااي انت هنا!!
*اي الجوو حلوو قلت اقعد شوية وبعدين انوم.
=هو حلوو والله، تصدق سريع سريع غيرت هدومي وجيت ههههه
*اي كده رجعت وسن حقتنا هههه
=مستهبل شكلي متغير كتير بالمكياج.
*ما كتير عشان انتي اساسا حلووة
=شايفة الليلة في غزل حاصل كتير ههههههه، قاعد تسمع شنو خليني اسمع معاك ارفع الصوت شوية.
*دي اغنية حقت معتز صباحي رفعت لك الصوت "كوني نغمي
الفي غناي، وابقي راحتي ومشتهاي، كوني انفاسي في رئاي، وابقي نبضي الدافي فيني 🎶عشان بريدك زي عيوني كوني زي ما عايزة تكوني 🎶......."
=الله حلووة شديدة.
*اي
=كان تفتحها هناك في الخطوبة.
*بيني وبينك صحبتك مروة فرحانة ومرتضي كمان، ما محتاجين اغاني كانوا زاتو ههههههع
=اي ي يحيليلهم والله، ربنا يسعدهم كمان وكمان، متخيل أن ليهم ستة سنة في العلاقة، هو يحيليلو عشان ابوهو متوفي وكده هو المسؤؤل من ناس بيتهم، بقى شغال اتنين دوام عشان يقدر يوفر قروش ل ناس بيتهم، وقروش ل عرسُ هو و مروة، بعد التخريج بقى شغال ب الشهادة ودوام تاني أعمال حرة،يعني بالجد هم صبروا وتعبوا عشان يكونوا مع بعض، ربنا يسعدهم ياارب ويتم ليهم على خير.
*ظاهر الحب في نظراتهم ل بعض، حتى ضحكتهم مع بعض حلوة شديد، انا هسا ما عارف القصة دي كان بس الحب ال بينهم ظاهر جدا.
=الحب دا هو الحاجه الوحيدة ال ما ممكن الزول يخيبها..
*صح كلامك والله، ب سيرة الحب دي، كدي احكي لي تجاربك.
=هههه تجارب، ما ح تصدق لو قلت لك ما عندي تجربة زاتو.
*معقولة وحده في عمرك دا وجميلة ما ارتبطت قبل كده، الا يكون الرجال ال ف حياتك ديل ما عندهم عيون هههههه
=شوف انا قلت لك ما ح تصدق، بعدين الجمال ما مقياس يعني عشان زول يحبني أو انا احب زول صح، ما فكرت اساسا احب، انا فتحت عيوني على الدنيا لقيت ابوي مسافر دائماً وامي هنا قائمة ب دور الأب والأم، وانا الكبيرة المفروض اشيل معاها الأدوار دي، لقيت نفسي فجأة بقيت افكر في حاجات أكبر من سني وبمشي مشاوير مفروض امي أو ابوي هم ال يقوموا بيها، لقيت نفسي بحضر الاجتماعات حقت المدرسة حقت اخواني المفروض امي أو ابوي يحضرهم، وغير كدة كنت عارفه في النهاية ح اتزوج زواج تقليدي وهو حسام ود خالتي ف بس عشان كده ما فكرت أو ما اتقبلت الموضوع.
*ليه هو الحب ما ح يخليك تعملي الحاجات دي يعني؟!
=أكيد لا، بس ما كنت قاعده افكر فيه قلت لك همي كان في حاجات تانية ، وما اكضب عليك في كم زول جا وقال إن معجب بي وفي عريس كمان، بس انا رفضت عشان انا ما عايزه.
*ما عارف بس، بيقولوا الحب بيسهل عليك مصاعب الحياة، ف احتمال كان لو لقيت زول يحبك صح، كان ح يقف معاك ويسهل عليك الحاجات دي حتى لو ب كلمة أن شاء لله.
=احتمال، اهااا وانت؟!
*ما فكرت فيه والله هههههه.
=هههههه ليه الاسباب شنو
*اقول لك لمن يجي الوقت المناسب.
=ايووااا يعني لسه انت ما واثق فيني ول شنو
*لا الفكرة ما كده، لمن يجي الوقت المناسب ح اقول لك اي حاجه.
=يعني في حاجات انا ما بعرفها صح.
*اي.
=خلاص طيب،منتظرة الوقت المناسب دا،يلا تصبح ع خير.
*وانتي بخير.
"بعد وسن مشيت"
*عشان بريدك زي عيوني كوني زي ماعايزة تكوني يااوسن
بريدك شديد.