#رسالة "11" 🖋️إبتهال حسن
__________
_كنت متوقع حاجه زي دي، هو لو حقي ب المنطق كده ح اخليهو ظاهر كده.
=حق منو
_مروان صاحبي كان شال الشنطة حقتي، ولمن جيت راجع البيت لقيت الشريط، عشان ما انساهو خليتو في الدرج، الصباح لو جيتي الغرفه كان ح تلقيهو مافي.
=وانت بتعرف ناس بتأخد الحاجات دي ليه
_ما كنت عارف انا لمن عرفت قطعت علاقتي بيهو.
=الحمد لله طيب، كويس زاتو لأن انت عارف النوع دا بكون عايز كل الناس تمشي في الطريق دا.
_اي
=خلاص طيب، بكره الصباح قبل امشي ح اخليها لك في الدرج.
_تسلمي لي يا اختي العزيزة.
=العفو يلا لمن الصباح.
________________________________________
=الوو اي ماشة عليهم
.......
اساسا م مفروض ارجع الليله، بس عشان اقدر اقعد معاهو وقت أطول، عسى ولعل اعرف حاجه
.....
اي قربت يلا مع السلامه.
...
=صباح الخير ي حبوبة
_وسن! خير ي بتي مش مفروض ترجعي المساء أو بكره الصباح.
=اي، بس ما لقيت حاجه اعملها وزهجت من قعده البيت واشتقت لك، ف أحسن حاجه ارجع شغلي.
_كان كده الحمد لله
=لو عندكم مشكلة ممكن ارجع عادي
_لا، كويس زاتو جيتي متعودين نطلع بعد الصلاة انا ومصطفى مشوار سوا، الليلة تكوني معانا
=مصطفى ح يوافق
_اكيد ول شنو يقول لا، يلاا تعالى معاي نعمل الفطور
=حاضر
______________
*ي هندسة الأحد نازلة ما في ناقش تاني عليك لله.
.....
والله كويسة انا، زهجانه من القعده دي انا
........
اسبوعين شنو عليك لله والله نهايه الأسبوع دا ح أكون عندكم.
.....
سمعت كلامك وما نازلة الأحد، ح انزل نهايه الأسبوع
.......
اتقفنا معناها يلاا مع السلامة
_______________
_تسلم يدك ي حبوبة العصيدة ظابطة.
*الله يسلمك لو ظابطة العصيدة دي انا عملتها، الباقي كل عملتو وسن.
_تسلم يدك ي وسن، بعد اذنكم ، اجهزوا عشان نتحرك بعد الصلاة..
'قبل ارد عليه طلع'
____________
_وفاء ي بت وفاء
*اي ي امي
_انتي وسن ما قالت ل حسام ب موضوع شغلها دا والرسالة.
*ما عارفه والله ي امي بس ما اظن
_عليك لله شوف البت خليها تصبر بس
*والله يا أمي ماعارفه ود اختك دا ما عندو دم وما قاعد يحس اظن زوله ما بتكلم معاهو لو اتكلمت الكلام كلو اختصار، وما قاعده تاخد رأيو في حاجه، معناها الزوله دي ما دايرهو هو ماعندو عقل يااخ.
_اسكتي انتي كمان، ما دايرهو شنو، حسام ما فيهو عيب، تكون مشغوله بس عشان كده بتعمل كده.
*والله ياا امي حتى لو مشغولة لو هي دايرهو ح تخلق ليهو وقت من مافي.
_اسكتي مني ي بت وخلي كلامك دا.
*احسن اسكت اساسا في بيتكم دا.
_____________________
=اي، اقول لك ل شنو ما فاهمه دا شغلي، يعني لمن تكون انت في الشغل بتقول لي انا في الشغل.
...
حسام عليك لله ما دايرة كلام كتير انا ما ح اسيب الشغل دا
ياا لله حسااام مع السلامة انا طالعه.
........
اي طالعه معاهم.
.........
اي الطلعه دي زاتو مع الشغل.
.........
اللهم طولك ي روح مع السلامه برجع لك بعدين.
_دا حبيبك؟!
=بسم لله، قلبي وقف ي مصطفى
لا، دا ود خالتي.
_طيب لو جاهزة يلاا..
"الطلعة كانت حلوة، اكتشفت حاجات كتيرة عن مصطفى هو زول حنين شديد، وحبوبة دي بالنسبة ليهو الدنيا كلها، كمية الحنان في تعاملو مع حبوبة تخلي الزول يفكر الف مره في أن ممكن يكون مريض نفسي، هو شخصية كتومه شديد، طول الوقت بكون ساكت، ما اجتماعي نهائي، بس مع حبوبة بتكلم بس ما كتير زاتو "
*يلاا ياعيال تصبحوا على خير
=طالعه معاك اديك الحبة يا حبوبة
=اتفضلي ي حبوبة، بالشفاء
*امين
=يلا تصبحي ع خير.
_وانتي بخير.
" طلعت من غرفة حبوبة، جمبها طوالي غرفة مصطفى النور كان فاتح، عرفت ان هو صاحي، تلفوني ضرب "
=الو اي رجعت قبل شوية
........
والله ما مكان معين، مشينا مطعم أكلنا وتاني حديقة وتاني المول والسينما.
.....
معقولة امي ما قالت لك
.....
حبوبة وحفيدها
......
كبير اي
.....
ما عندو شغلة بي هو اساسا.
.........
حكمت هسا نفتح موضوع العرس دا.
....
انا بقول لك ما في عرس الا انتهى من الرسالة.
....
و قاعده معاهم ل شنو، عشان موضوع الرسالة دا.
_رسالة شنو
=مصطفى!!!!!
أنت تقرأ
رسالة
Lãng mạnهنالك شيء ما حدث في طفولتك وبدون أن تعي ذلك، كل شيء سيدور حوله حتى آخر لحظة في حياتك. من الظالم ومن المظلوم ومن الضحية قصة سودانية
