رسالة

الرسالة السادسة

#رسالة "6" 🖋️إبتهال حسن
"المغرب"
=صحيت؟! كنت جاية اصحاك
_اي طالع كمان، عامل منبه وعندي صاحبي ضرب لي كمان.
=اها، ب مناسبة اصحابك ديل ما حصل قبل كده شوفتهم
_ما جات مناسبة بس، بعدين هم ما كتار طوالي بكون قاعد مع احمد دا.
=أحمد دا ساكن وين
_ُمأجر شقة مفروشة هو كل فتره بمشي مكان، اهلو ما هنا عشان كده.
=اهلو وين وين وهو صغير زي دا
_اهلو في البلد، بعدين هو ما صغير، هو جا هنا من كان في الثانوي كان قاعد مع عمو، تاني اشتغل براهو وبقي قاعد براهو.
=شغال شنو؟!
_وسن الليله مالك شغاله أسئلة فيني كده في شنو
=لا، مافي حاجه بس عايزه اعرف اصحابك القاعد تكون بايت معاهم دايماً ديل، غلطانه انا هسا
_أبدا ما غلطانه، انا امشي عشان احصل المجموعه، مع السلامة.
____________________
=اي ي مروة اتكلمت معاهو عادي، حتى لمن قلت ليهو موضوع الشاحن كان عادي ما اتوتر أن انا ممكن اكون شوفت الشريط لو حقو كان ح يكون متذكر أن الشاحن قاعده جمبو الحبوب، بس شكلي ظلمت وليد.
اي لا ح تكون عيوني عليه اساسا.
____________________
*اتفضل دي الملفات اعمل مراجعه ل الحسابات
=مش عملت ليها انتي مراجعه خلاص انا على ثقة فيك، انا شغال في حسابات المشروع الجديد، ومشغول مع حبوبة زي ما انتي عارفه، كمان ح اديك الحسابات حقت المشروع الجديد تعمل ليها مراجعه بعدين
*كويس طيب، ب المناسبة لقيت لك ممرضة وحده كده معرفة من بعيدة، بس شنو هي قارئة كورس تمريض ما اشتغلت في مستشفيات كتيرة حتى.
=أن بالمواصفات العايزها انا
*ما تقول لي مواصفات وما مواصفات بكره بعد الدوام ح اجيبها لك، يلا امشي انا وصل السلام ل حبوبة
=أن شاء لله، ولله ما عارف اشكرك كيف ي سماح، قاعده تشتغلي شغلي وشغلك وزياد عليك التعب عارف، كلمة شكرا قليلة عليك
*لا شكرا ولا حاجه من متين بيننا كلام زي، خلي بالك انت من حبوبة بس والشغل هين يلاا بااي.
______
الو وسن معاي
اي انا سماح
الحمد لله بخير انتي كيف، الحمد لله، يلا بكره ح تجي عشان تمشي تستلمي الشغل حقي
اي سريع سريع ههههه
انا بخلص لمن تلاتة كده، انتي عندك حاجه تقدري تجي الشركة ونتحرك مع بعض
معاك عربية يعني، خلاص الساعه ٣ ب الضبط ح أكون في انتظارك انا
الله يسلمك.
_______________________
"يوم جديد"
=اي ي مروة ضربت لي، وقالت لي الساعه تلاتة نتحرك نمشي عليه
أن شاء لله، اها انت عملت شنو

كويس طيب، متين ح تمشي

تخافي من شنو زيارتك ال ف السجن أكيد ح يمشي معاك مؤمن، والمصحة انا بمشي معاك

وقت تبقى على اليوم اديني خبر
_______________
*يلااا همتكم، عشان نخلص قبل الموعد
_فيها زياده ي باشمهندسة
*اكيد زي كل مره
_الباشمهندس جا منتظراك تحت
*تمام جاية
_جاية قالت
=يلا زي ما قلت ليكم ح نقفل الحتة دي كلها و
*ي هندسة "نازلة من السلم" اهاااااا. " رجلها اتلوحت ووقعت من السلم" الكل مهجم واقف وشايفين وفاء بتقع من السلم لمن فقدت الوعي.
=وفاااء وفاء اصحى زول يجيب موية سريع وفاء وفاء
_ي هندسة جسمها قاعد يجيب دم عندها جروح لازم تمشي المستشفى.
=زول يجيب العربية قريب سريع سريع" بصوت كل خوف"