#رسالة"23" 🖋️ إبتهال حسن
*اهلين وسن
=اهلا بك يامهند.
*اتفضلي ادخلي.
=لا شكراً، بس عايزة اتكلم معاك شوية.
*جداً اتفضلي.
=هو انت ما عندك علاقة ب وفاء طيب جاي وطالب يدها ل شنو، صراحة لمن طلبت يدها كنت فاكره عندكم علاقة، بس قالت انك مجرد زميل في الشغل.
*اي انا بالنسبة ليها مجرد زميل، لأنها ما عارفه انا قدر شنو بحبها، ما في زول عارف زاتو، بحبها من لمن كانت برلومة، مفروض كان اتكلم معاها، بس مشكلتي خجول شوية.
=مش بتحبها كده ما تخليها ل غيرك خليك معاها الفترة دي بالذات، لو قالت لك امشي، ما تمشي وانا ابصم لك بالعشرة هي ما بتخليك العمر كله.
*وانا عايزها العمر كلُ واكيد ما ح اسيبها، هي اتصلت عليّ وقالت اجي الجامعه عايزة تقعد تكلم معاي شوية.
=حلو طيب، اعمل زي ما قلت لك،بعد اذنك يلا.
"بعد طلعت وسن تلفونها يضرب"
=الو اي يا مصطفى
......
خلاص ماشة على البيت
......
لمن تجي بحكي لك
.....
طيب برجع لك، امي داخلة على مكالمة.
...
يلا باي.
=الو اي يا أمي
.....
اي اتكلمت معاه، بعد كده هو و ضميرُ
...
"حكيت ل امي"
....
اي اتكلمت معاه بالإحسان، ما جاب نافع معاه نشوف طريقة تانية
.....
خلاص طيب انا زاتو وصلت البيت، مع السلامة.
=السلام عليكم.
_وعليكم السلام يا وسن
=كيفك حبوبة معليش اتاخرت عليك.
_ولا يهمك، انا كويسة ما عندي عوجه، فطرت انا وسارة واخدت الحبوب.
=كويس طيب، لحظة بس اغير هدومي واجي.
_طيب قبل انسي في واحد اسمُ مروان جا سأل منك، قال العصر كده بجي عليك.
=غريبة دي المرة الكم الود دا يسأل مني، هناك في البيت كمان كان بيسأل مني، خير ان شاء الله يكون.
________________________________
*تحبي نقعد هنا في الجامعه ولا نطلع اي كافتيريا تانية.
_ما عندي زمان كتير كلها ساعة ومحاضرتي تبدأ.
*خلاص نقعد هنا معناها.
_وسن قالت لي انك طالب يدي يا مهند، عشان اكون صريحة معاك انا استغربت، لأن شايفة علاقتي معاك السلام وعليكم السلام والكلام معاك في حدود كم
*علاقتي معاك كده بس حقيقة يعني انا بعرف عنك حاجات كتير وعندي سبب يخليني اطلب يدك كمان.
_ممكن اعرف الحاجات دي والسبب دا
*ممكن اي، بعرف اسمك وفاء عبد الرحمن، في السنة الأخيرة في الجامعة، عائلتك امك واختك واخوك وابوك مغترب، انتي زولة اجتماعية وظريفة شديد، بس عندك حبة غموض كده في شخصيتك، ما بتحبي الحفلات بتحبي الهدوء وبتحبي البحر، مستواك الدراسي كويس ما شاء لله، بتحبي اللون الرمادي، وبتحبي أي حاجه فيها ورد، وتاني شنو يااربي....
_وانت بتعرف الحاجات دي من وين؟!
*الحاجات دي خُلاصة كم سنة، ما سنة وحدة، من وقت كنتي برلومة لمن اتخرجت انا، كنت مراقب فيك وكل مرة بعرف حاجة وعندي لسه حاجات.
_لا دقيقة من لمن كنت برلومة هو انت كنت بتقرأ هنا؟!
*اي، كنتي برلومة انتي،وانا كنت في السنة التالت، سنتين وانا مراقب بس، بعد التخريج كنت بجي بس ما قاعد اشوفك كتير، ولمن جيتي التدريب في الشركة كنت ما مصدق صدفة عجيبة كانت، الحمد لله ربنا كريم عليّ، بدل كان كل أسبوع امشي الجامعة واحتمال اشوفك أو ما اشوفك جيتي انتي هنا، وكنت ح أقع في حيرة كبيرة "خت يدُ في خدو ومعاها ابتسامة".
_حيرة شنو؟!
*ايام الإجازات كنت ما ح اقدر اشوفك، بس ربنا كريم وعالم ب حالي زي ما قلت ليك، وخليك تنزلي التدريب في الشركة الأنا شغال فيها.
_طيب السبب شنو عشان تجي تطلب يدي؟!
*بيقولوا عليك مهندسة شاطرة كيف ما عارفة السبب!!!
_لا، ما عارفة
*عشان بحبك يا باشمهندسة.
________________________________
-أي موجودة اتفضل
وسن دا الود حق قبيل جا.
=حاضر يا سارة، بعد اذنك يا حبوبة امشي اشوف واجي
=السلام عليكم
_وعليكم السلام
=اتفضل اقعد
_شكراً لك يا وسن.
=لك فترة بتسأل مني خير ان شاء الله
_انا مروان صاحب وليد اخوك.
=صاحب وليد!! ان شاء لله ما تكون حاصلة مشكلة بينكم.
_والله صراحة يعني هو في مشكلة، انا جاي اقول لك انقذي اخوك قبل يضيع منكم.
=من شنو؟!!!!
_من المخدرات، وليد مدمن مخدرات. "مروان حكي لي اي حاجة، بقيت خت يدي في راسي بس ما عارفة افكر ما عارفة اعمل حاجة."
_والله ياوسن لو ما كان حصلت لينا الوفاة وكان لازم اسافر كان جيت وحكيت لك اي حاجه من بدري، كان ممكن اقول الكلام دا ل خالتو أو وفاء بس من كلام وليد عرفت انك انتي دكتورة والمسؤولة عنهم كمان، وعارف كمان هوقدر شنو بخاف من زعلك.
=شكراً يا مروان ما قصرت والله،ممكن بس تكتب لي عنوان بيت الحيوان الاسمُ أحمد.
_العفو يا وسن وليد دا ما صاحبي دا اخوي كمان، حاضر بكتب لك العنوان.
"مصطفى جا"
*السلام عليكم
"بصوت واحد مروان و وسن "وعليكم السلام
*وسن كيفك "بعاين ل مروان مستغرب"
=الحمد لله.
*مالك عاملة كده وخت يدك في رأسك.
_بعد اذنك طيب يا وسن ياريت لو محتاجة اي مساعدة اضربي لي دا رقم امي.
=شكرآ يا مروان.
"بعد طلع مروان"
*دا منُ يا وسن؟!
=مصيبة يا مصطفى مصيبة.
*مصيبة شنو.
______________________________
_عارف دي اول مرة ما ادخل محاضرة
*اي عارف
_ح تكون انت السبب لو شيلت المادة دي
*تشيلي مادة عشان محاضرة وحدة معقولة، بعدين انا ما ح اكون سبب في حاجه تأذيك؛ ح أكون سبب في سعادتك وفرحتك وضحكتك الحلوة بس.
_كفاية والله "ب ضحكة" انت من قبيل شغال غزل.
*ما مصدق اعمل شنو طيب.
_ما تعمل حاجة اقوم امشي انا بعد دا زاتو.
*خلاص طيب يلا.
_يلا شنو انا ما ح امشي معاك، بمشي مع صحبتي بالترحيل.
*خلاص تمام..... وفاء
_اها
*ممكن اتصل عليك.
_اممممم ممكن.
_____________________________________
" حكيت ل مصطفى"
*هسا ح تعملي شنو؟!
=ما عارفة والله يا مصطفى حاسة عقلي ح يقف من التفكير.
*اهدي هسا انتي، اديني عنوان بيت الاسمُ احمد دا.
=انا ماشة اساسا اكيد وليد ح يكون معاه.
*ما ح اخليك تمشي معليش بس ديل مدمنين مخدرات ممكن يعملوا لك اي حاجه، حتى لو اخوك هناك زاتو،ما بخليك تمشي.
=مصطفى وليد دا ولدي ما اخوي بس "بصوت كل حزن"
*طيب بمشي معاك لاكن ب شرط تكوني في العربية.
=طيب.
أنت تقرأ
رسالة
Roman d'amourهنالك شيء ما حدث في طفولتك وبدون أن تعي ذلك، كل شيء سيدور حوله حتى آخر لحظة في حياتك. من الظالم ومن المظلوم ومن الضحية قصة سودانية
