رسالة

الرسالة الرابعة والعشرون

#رسالة "24" 🖋️ إبتهال حسن
=الو مؤمن كيف
....
الحمد لله اي معاك وسن
.....
بخير الحمد لله، كنت عايزه منك خدمة بس
...
ما ينفع في التلفون انت لو في القسم في، انا شوية وح اكون عندك.
....
خمسة دقيقة ح أكون وصلت، الله يسلمك.
*اها قال لك شنو يا وسن
=ما ينفع كلام في التلفون، أحسن نمشي له القسم عديل
*احسن اول نمشي نجيب اخوك من أحمد دا، لأن لو قلت ل مؤمن احتمال الشرطة تصل قبل احنا نصل وكده وليد يقبض عليه.
=لا، لازم امشي اول ل مؤمن لأن عايز اخلي وليد معاهم في البيت.
*ليه، احسن تخليه في مصحة.
=مصحة لا، احسن حاجه يكون عند ناس مؤمن لأن في البيت احتمال يغش امي ول وفاء ويطلع، ح اخليهو عند مروة واجيب معاها وحده تانيه بعدين مروة دكتوره ح تعرف تعامل معاهو كويس.
*مروة دكتورة!!!
=اي، دكتورة نفسية
*ايوا
يلا وصلنا انزلي.
____
=السلام عليكم
_وعليكم السلام اتفضلوا
*شكرا
_خير ان شاء الله، يا وسن صوتك في التلفون ما كان طبيعي، اول حاجه تشربوا شنو، شاي، عصير، قهوة.
=انا ما عايزه شكرا لك.
_مصطفى تشرب شنو، دي اول تجي عندي القسم
*تسلم والله، ما عايز حاجه، خلينا نتكلم في الموضوع المهم هسا.
_اتفضلوا.
="حكيت ل مؤمن كيف وليد بقى يتعاطى مخدرات بسبب أحمد
وأن أحمد شغال في الممنوعات
وأن عايزهو يقبض على أحمد
ويخلي وليد يتعالج معاهم في البيت"
_طبعاً ما عندي مانع إن وليد يجي عندنا ينور البيت والله، اما ب النسبة ل أحمد دا، انا ممكن اخلي واحد صاحبي يقوم ب المهمة دي لأن دا ما شغلي انا.
=ما مشكلة المهم أن أحمد دا يأخد العقاب حقُ.
_هسا انتو ماشين ل شقة أحمد؟!
=اي.
_خلاص اتحركوا هسا لأن لو الشرطة جات ولقيت وليد مع احمد، ح يمسكوا وليد كمان.
=خلاص بعد اذنك طيب وشكراً كتير لك يا مؤمن.
_____________________________
_الو... اي ي عصام
.....
دي المره الف اضرب، مالك ما بترد
....
كيف يعني مافي حاجه، صوتك مالو
.....
ما عايزه حاجه عايزه اشوفك بس، أظن محتاجين نتكلم مع بعض.
....
طيب ممكن بكره بعد الشغل نطلع عايزه اتكلم معاك
.....
طيب مع السلامة.
___________________________
_وليد امشي افتح الباب، وليد وليد، نايم انت ول شنو،
حاضر طيب جااي جااي.
*السلام عليكم
_وعليكم السلام منُ انت
*ما مهم انا منُ وليد موجود؟!
_ما موجود وانت منُ.
"مصطفى زح أحمد من الباب ودخل"
_انت هييي انت
=انا اقول لك دا.
*انتي شنو الجابك هنا، امشي العربية.
_هيييي انتو من ُوجايين عندي ل شنو زاتو.
=جايين عايزين وليد، وما تكذب وتقول هو ما هنا، مصطفى ادخل شوف الغرف دي كلها.
_ايووا وليد، اكيد ح تكوني انتي اختُ، ظاهر كده مروان جا وحكى لك اي حاجه صح.
=والله انا حياتي دي كلها ما لقيت زول حقير وحاقد وحاسد زيك كده
"مصطفى جا وشايل وليد في ظهرو"
*ما تتكلمي معاهو كتير، يلا اطلعي على العربية.
=دقيقة بس قبل اطلع عايزة اديهو حاجه.
"وسن ضربت أحمد كف"
طلعوا طوالي.
=اتحرك طوالي على بيت ناس مروة
*وسن احسن اول نمشي بيتكم عشان امك تعرف الحاصل شنو، ما ظريفة بعد دا كل يحصل تجي في النهاية تقول ليها،وكمان خليها تشوفُ لأن ما اظن ممكن تشوفُ وقت العلاج.
=حاضر طيب، امشي البيت اول.
*انا ما عارف البيت وين بالضبط خليك مركزة معاي عشان الوصف.
=حاضر
انت وقت دخلت لقيت وليد نائم كده.
* نائم ما حاسي ب حاجه ، دخلت لقيت في التربيزة في بوردة، شكلُ اخد منها.
=ليه ليه يا وليد تعمل في نفسك كده وتعمل فينا كده "قاعده تعاين ل وليد في المقعد الوراء"
*وسن الحصل حصل خلاص، هسا لازم يتعالج ما تناقش معاهو في أي حاجه الا بعد يبقى كويس.
=طيب ح اعمل كده.
بس خلاص وصلنا دا البيت.
خليك معاهو في العربية، أول اتكلم مع امي بعدين بخليها تجي تشوفُ.
*حاضر.
______________
=السلام عليكم.
" وفاء وامها قاعدين يحضروا التلفزيون"
_وعليكم السلام، خير يا بتي مالك.
*اجيي يا أمي دا بيتها كمان تجي في أي وقت.
_لا ما قصدي كده، بس ظاهر من شكلها تعبانه وعيونها دي زي كان قاعده تبكي.
=كنت قاعده ابكي حقيقة.
*مالك يا وسن حصلت مشكلة مع ناس الشغل.
=لا، يا وفاء
_اها ياابتي اتكلمي طيب مالك ساكتة.
=وليد.
_وليد ولدي مالو!!!
=وليد مدمن مخدرات يا أمي.
_كيف يعني، انتي شكلُ الطب النفسي القاعد تقرايهو دا مؤثر في رأسك، وليد ولدي مستحيل يتعاطى حاجات زي، هو مستحيل يشرب سيجارة، تجي تقول لي مخدرات كمان.
=الطب ما مؤثر في رأسي يا أمي وليد.............. الخ "حكيت ل امي وفاء من البداية" وهسا وليد في العربية مع مصطفى جبتُ عشان تشوفيهو قبل يمشي ل ناس مروة.
"أمي بتبكي وخت يدها في رأسها بس، وما قالت ولا حرف"
=وفاء ممكن تجهزي هدوم وليد، لازم نتحرك هسا.
*حاضر.
=أمي تعالى معاي عشان تشوفي وليد قبل يمشي.
"فتحت باب العربية ل امي عشان تشوف وليد، وليد كان نائم وما حاسي ب حاجه، امي قاعده تبكي وبقيت تحضنُ عليها كتير، وهو ما حاسي ب اي حاجه، وفاء جات جبت الشنطة. "
=أمي خلاص تعالى معاي ندخل البيت.
"مسكت امي ودخلنا البيت، وفاء شافت وليد وطوالي جات دخلت على غرفتها تبكى "
=وفاء انا ح امشي خلي بالك من امي، انا بكره بجي عشان اطمنكم على وليد.
*طيب
=امسحي دموعك وادعي ربنا ان وليد يتعالج ويبقى كويس.
*حاضر.
____" ف العربية "
*عارفة اكتر حاجة بتعجبني فيك شنو يا وسن
=" مسحت دموعها "شنو؟!
*انك قوية، انتي ماسكة دموعك من قبيل عشان امك، وجيتي العربية ودموعك نزلت طوالي.
=لازم اعمل كده،ما ينفع كلنا نبكى." اخدت تنهيدة عميقة"
اتحرك يا مصطفى على بيت ناس مروة.