رسالة

الرسالة الخامسة والعشرون

#رسالة"25" 🖋️ إبتهال حسن
"بعد شهر"
=كويس والله يا أمي
_طيب لسه ما ينفع نمشي نشوفُ، شهر كامل ما شوفتُ انا
=ما ينفع والله يا أمي، اسبوع كده وبخليك تمشي انتي وفاء.
_كان اسبوع هين، بس ما تجي تقولي لي تاني اسبوع.
=لا، وعد والله، طيب ممكن تجهزي لي شنطة وليد لأن ح امشي ليهو هسا.
_حاضر.
=وفاء في غرفتها؟!
_اي
=طيب
امشي اشوفها انا مسافة تجهزي الشنطة

=يا هندسة ممكن ادخل "طق طق"
*وسن تعالى ادخلي.
=اخبارك شنو وكيف مع الجامعه والشغل؟!
*الحمد لله،وليد كيف يا وسن لسه ما ينفع نمشي ليهو
=كويس الحمد لله، الأسبوع الجاي ان شاء الله تمشي ليهو انتي وامي.
*إن شاء الله.
=علاقتك مع مهند كيف؟!
*كويسة شديد، ما كنت متخيلة لسه في زول بحب كده.
=عارفه احلا حاجه ان جا طلب يدك قبل يكلمك زاتو.
*اي.
=المهندس عصام في الشركة في؟!
*لا، سافر قدم طلب عايز يمشي اي فرع تاني في أي ولاية قال، الإدارة قبلت الطلب وسافر.
=اهاا كويس، نبرة صوتك عادية ما زعلانه انتي؟!
*ما زعلانه والله ، انا الفتره الفات دي عرفت ان انا ما بحب عصام، بعد اول مره قعدت مع مهند تاني يوم طوالي قعدت اتكلم مع عصام عايزه اعرف بعدين ح يحصل شنو وما اكضب عليك في الأول ما كنت بفكر كده بس بعد القعده مع مهند وعرفت قدر شنو هو بحبني وعرفت أن مشاعري ل عصام ما حب، بس لقيت فيهو دور الأب الحنون والاهتمام وخلاص طوالي قلت دا حب، وغير كده قبل اتكلم معاهو زاتو هو قال لي ما ينفع نكون مع بعض، لأن علاقتنا ما صح، وهي ما حب، وقال مقدم طلب حق نقل، بعدها اتكلمت معاهو انا بس كان عايز يمشي من الولاية كلها قال.
=كل ل خير يا زولة.
*ونعمة ب لله، والخير دا مهند، عارفه يا وسن بعد مشيت من عصام كنت حاسه نفسي ضعيفة وضايعة وكمان زياده عليّ كان موضوع وليد، عارفه لقيت نفسي بضرب ل وليد يجي، وفعلا جا وحكيت ليهو اي حاجه، قلت خلاص ح يمشي يعني وحده اخوهو مدمن وهي عندها علاقة مع واحد قدر ابوهو داير بيها شنو تاني، بس العكس لقيتُ قرب علي اكتر، كان جمبي في الفترة دي كلها، خليني احبه من غير ما أحس.
=يا حياتي انتي،شايفة الفرحة ال ف نبرة صوتك دي بالدنيا عندي.
_وسن الشنطة جاهزة.
=حاضر يا أمي، يلا بااي ي هندسة.
*بااي، وسن سلامات كتيره ل وليد عليك لله.
=حاضر يصل.
يلا مع السلامة يا أمي والاسبوع الجاي ح تمشي تشوفيهو وعد.
_طيب الله يسلمك.
_________________________
_الليلة الطلعه كانت ناقصة وسن والله.
*بالجد والله ي حبوبة.
_ي يحيليلها ربنا يعينها الشهر دا كل من بيتهم ل بيت صحبتها ل هنا.
*ربنا معاها.
_________________________
=هو كيف ماشي في العلاج هسا.
_والله يا وسن الحمد لله احسن من الاول.
=مروة ما تتكلمي لي الكلام الاحنا بنقولوا ل أهل المريض، اتكلمي معاي ك دكتورة.
_والله يا وسن هو احسن من اول ايام بس جسمو ضعيف شديد وما قاعد يأكل كمان، والاسبوع دا كم مره حاول يهرب بالرغم الغرفه مقفولة ب المفتاح بس يقول ماشي الحمام ويحاول يهرب، انا شايفة احسن تتكلمي معاهو شوية، انتي لك اسبوعين ما شوفتيهو.
=حاضر، اديني المفتاح
"دخلت اشوف وليد وياريت ما دخلت ، لقيت واحد غريب عني ما وليد اخوي ، واحد ضعيف في الجسم والشخصية، الهالات تحت عيونُ لونها زي الفحم، زول اليأس كان ظاهر في كل ملامحُ"
*وسن عليك لله لو بتحبني خليني امشي من هنا، انا تعبان "جا عليّ جاري هو بيقول لي الكلام دا"
=خلاص خلاص يا وليد تعال عليك لله ما تعمل في نفسك كده، انت لازم تكون هنا عشان تبقى كويس عشان امي وابوي وعشان نفسك قبل أي شي وعشان ترجع وليد حق زمان.
*وسن ما قادر انا خلاص الصداع وجسمي كل قاعد يوجعني عليك لله خليني امشي معاك.
=ما ينفع انت لازم تبقى هنا، خليك قوي "بقيت ابكي وهو يبكي معاي"
خلاص خلاص لازم امشي انا.
*وسن معليش لو ما كنت الأخ السند ليكم وقولي ل امي معليش إن ما كنت قدر الثقة حقتها فيني، و معليش ل ابوي لأن ما كنت قدر المسؤؤلية.
=وليد ليه بتقول كده، انت كويس شديد ما عشان غلطة تحس انك زول كعب، صاحبك الحاقد دا هو الكعب.
*وانا ما سمعت غيرُ معناها انا كمان زيو.
=وليد ما تفكر في أي حاجه هسا، بس خليك قوي واكل كويس عليك لله يلا ح امشي.
__________________"تاني يوم المساء "
*وسن وسن
=اي مصطفى عايز حاجه؟!
*لا، سلامتك سرحانه وين من قبل بقول وسن
=بفكر في وليد.
*إن شاء الله ح يبقى كويس ما تشيلي هم.
" تلفون وسن يضرب "
=الو.. اي يامؤمن
..
خير
....
شنو وليد هرب كيف يعني وين مروة وين الممرضة المعاها التانيه.
....
مروة في المستشفى
....
جايه خلاص
*في شنو ياوسن
=وليد هرب من البيت، ومروة في المستشفى لازم امشي افهم الحصل شنو.
*جاي معاك.
___________"في المستشفى "
=مؤمن مؤمن مروة كيف هسا وحصل شنو وليد وين؟!
*اهدي يا وسن مروة صحيت قبل شوية انا زاتو ما عارف الحاصل شنو، جيت لقيت الممرضة مقفولة في غرفتها ب المفتاح ومروة فاقده الوعي في غرفة وليد مضروبه في رأسها.
-لا حول ولا قوة الا بالله، كفاره ليها، كده ندخل نفهم الحاصل شنو.
=صح كلام مصطفى ندخل نفهم الحاصل
*مروة حمد لله على السلامة
_مؤمن الله يسلمك
وسن ما عارفه اقول لك شنو الاعتذار ما ح يعمل حاجه..
=دا كلام شنو عليك لله يا مروة أهم حاجه صحتك، وسلامتك كمان، بس هو الحاصل شنو؟!
_والله يا وسن، متعودة المساء دا بدخل اتكلم معاهو شوية عشان نفسياتُ وكده، دخلت لقيتُ في السرير مافي ، هو ورا الباب كان ضربني في راسي وتاني ما حسيت ب حاجه الا هنا.
=ليه ياوليد تعمل كده، طيب الممرضة وين؟!
_الليله من الصباح عيانه، بس بالرغم دا كانت شايفة شغلها، المساء لمن جا انا قلت ليها تمشي تنوم بعد دا، بس مستغربه كيف هي ما طلعت الوقت دا كلُ!!
*لمن جيت كان باب غرفتها مقفول شكلُ وليد قبل يطلع قفل باب غرفتها عشان ما تطلع وتحصلُ.
_وسن ما عارفه والله اقول لك شنو الاعتذار ما كفايه
=على شنو يا مروة، اخوي مدمن وكم مره حاول يهرب وانتي عملتي العليك واكتر، لو في اعتذار انا المفروض اعتذر لك انتي واعتذر مؤمن ل كل الحصل دا.
*وليد دا اخوي يا وسن ما عايز اسمع منك كلام زي دا، وانا ح افتش وليد ب نفسي كمان.
=شكرا لك يا مؤمن.
__________________________"بعد يومين "
*سرحانة وين؟!
=مصطفى، بفكر وليد ح يكون وين هسا؟!
*مؤمن الليله ما ضرب لك؟!
=لا، ما في جديد شكلُ.
*سأل أحمد دا طيب عن أماكن ممكن وليد يكون فيها
=سألُ، قال ما عارف، بس هو حتى لو عارف اكيد ما ح يقول يعني دا واحد حاقد.
*ربنا يسهل، ما تشيلي هم بكره يرجع وليد والضحكة الحلوة ترجع لك تاني.
=إن شاء لله.
*تعالى تعالى عايزه اوريك حاجه "بقيت ماشة مع مصطفى لمن وصلنا قدام باب الغرفة ال ف الجنينة فتح الباب"
=دي مش الغرفة الخاصة حقتك!!
*اي وعايزه اوريك حاجه، عارفه الغرفة دي ما في زول بجي فيها غيري، انتي تاني زول يدخل هنا.
=ليه فيها شنو؟!
*ما فيها حاجه سر يعني بس بحب اقعد فيها بكون مرتاح، وغير كده بكتب فيها.
=تكتب، انت كاتب ول قصدك مذكرات يعني
*الاتنين، هسا ح اوريك حاجه كاتب عنك شنو وعايز اقول لك كلام كتير تاني "من ما قال مصطفى الجملة دي كنت متأكده ح يفتح لي موضوع مرضُ"
=ح تقول الكلام اول، ول اول اشوف الكتابة
*اول الكتابة، امسكي اقري الورقة دي بس
=حاضر "لم تكن أبداً فتاة عادية كسائر الفتيات، هي وردة أو أرقى منها كثيراً، ولم تكن إبتسامتها عادية أيضاً كانت بداية جديدة ل الحياة، والنظر إلى عيناها ذات اللون البني ك رشفة من فنجان قهوة تُعد لك نشاطك لمن يكون عادي أيضاً.
تليق بها كل الألوان ليس الأسود فقط، اخذت من الجمال ما يكفي لكي تأخذ تنهيدة بعد النظر إليها، ملاكي الصغير ليس كسائر الفتيات، والفتاة التي تأخذ قلبي ليس فتاة عادية حتماً..♥️
"بعد الكلام دا عرفت مصطفى ح يقول لي بحبك كان لازم اطلع من الغرفة سريع"
*اها رأيك شنو؟!
=حلو شديد طلعت كاتب وانا ما عارفه
*لا ما لدرجه كاتب بس دي شوية مشاعر بتجي ل الزول بتخليهو يكتب كده.
=اها، انا طالعة اشوف حبوبة.
*انا لسه عندي كلام، بعد المكتوب دا ح تكوني عارفه انا بحبك قدر شنو، ما أكضب عليك حاولت تكوني صحبتي بس ما بيدي، وعايز اقول لك الكلام دا من فتره بس ما كان في طريقة وهسا زاتو ما الوقت المناسب بس كان لازم اقول، وسن انتي ما عارفه انتي عملتي في حياتي شنو، انا كنت شنو وبقيت شنو، كنت شخصية انطوائية وعايش في عالمي الخاص، معاك عرفت معنى الصداقة والضحك والثقة وبقيت اقدر اتعامل مع الناس، وأهم حاجه بقيت كويس انا كنت عيان "قطع الكلام تلفون وسن يضرب، المتصل مؤمن"
="التلفون ضرب وكان مؤمن عملتو هزاز، كنت عايزة مصطفى يوصل، خلاص وصلت ل النقطه الانا عايزها لي فترة"
*كنت عيان وبعد جيتي انتي حياتي بقيت كويس، حياتي كانت زي ظلام شديد، كنتي انتي زي الشمعه نورتي حياتي دي "التلفون تاني ضرب "
=دا مؤمن شكلُ موضوع مهم ح ارد
الو اي مؤمن
.....
لقيت وليد وين
....
مستشفى شنو
....
جاية جاية
*خير في شنو
=مؤمن بيقول لقى وليد وهسا جابُ المستشفى لازم امشي.
*جاي معاك
_______________"في المستشفى "
=مؤمن وليد وين، ولقيتُ وين؟!
*اهدي يا وسن، لقيتُ في الشارع فاقد واعي شكلُ اخد جرعة ، جبتُ هنا طوالي، الدكتور هسا معاهو." الدكتور طلع وسن ومؤمن ومصطفى مشوا ل الدكتور طوالي "
=خير يا دكتور وليد هسا بقى كيف.
_الود جا مأخد جرعة زيادة
=هسا هو كيف
_البركةفيكم اتوفى المريض "بعد قال الجملة دي وسن وقعت طوالي"