رسالة

الرسالة الثامنة عشر

#رسالة"18" 🖋️ إبتهال حسن
"بعد مرور شهرين"
*وفاء احنا في العلاقة دي لينا شهرين وانا قلت لك ما بحب الطريقة دي من الاول.
_الطريقة شنو يااعصام، يعني عشان غيرانة يعني حتى دي ما من حقي، وما من حقي يكون عندي وقت في يومك دا.
*وفاء عليك لله خلاص عشان ما نبدأ قصة كل مرة، قومي عشان ارجعك البيت.
_ك العادة طيب يااعصام حاضر.
_________________________________
=ما عارفة والله ياامروة اقول لك شنو كده انت حاولي تاني مع مؤمن خليهُ يكون متأكد أن مرتضى ما زي سماح اختُ
_قلت ليه الكلام دا الف مرة انا، كمان هسا بقى يعمل لي مقارنة يقول لي ترفضي الضابط المحترم عشان واحد اختُ حرامية، عيالك بعدين عمتهم ح تكون حرامية، وخالهم ضابط.
=طبعاً ما كنت متخيلة مؤمن بيفكر كده، يااخ انا وقت مشيت اتكلم معاه قاعد يسمع فيني قلت خلاص الموضوع كده خلص، اتفاجأ لك بيهُ يقول لي برضو ما ح أقبل ل اختي ب زواج من واحد زي دا.
_والله مش انا اختُ كمان ما كنت متخيلة هو كده، الحمد لله بس.
=والله ياامروة لو كنت عارفة دا كل ح يحصل كان اخلي مصطفى يسيب الشغل بس من غير ما سماح تعترف ودا كل يحصل.
_لا هي غلطانة وتستاهل يحصل ليها كده، حتى مرتضى قاعد يقول كده.
=بس انتي ما تيأسي اتكلمي تاني وتالت مع مؤمن، ياخ هو ربنا قال "ولا تزرُ وازِرَة وزرَ أُخريٰ" ما يشيل مرتضى ب ذنب سماح.
_قلت الكلام دا كلُ، بس تاني اقول مافي مشكلة، ب سيرة مصطفى احكي لي الحاصل شنو اها.
=والله يامروة كل مرة بأخد في خاطري، يعني انتي ما متخيلة هو قاعد يثق فيني قدر شنو، تفاصيل اليوم كل قاعد يحكيها لي اي مشكله انا الوحيدة في حياتو بكون عارفها، واكبر مشكله عندو ما عايز يحكيها لسه.
_لسه ما جاب ليك سيرة
=لسه، كل مرة بيجي يقول لي في مشكلة حاصلة معاه انا خلاص بقول ح يتكلم تطلع مشكلة في الشغل، عارفه الحاجه القاعدة تزيد خوفي دا شنو
_شنو
=الثقة دي، لمن يعرف الحقيقة خايفة تجيب نتيجه عكسية ويأثر عليه الموضوع سلبياً، ويعرف أن انا كمان عايزة مصلحة.
_ما تخافي وبعدين انتي فعلاً قاعده تساعده، هو وقت يبقى كويس ح يشكرك
=عارفه مرات قاعدة اقول عليك لله هسا دا عيان؟!
_وسن انتي شكلك مخك دا فيه حاجه، المريض العادي والمريض النفسي الفرق بينهم شنو؟!
=المريض النفسي بيكون الألم جواه ما ظاهر يعني وما بعترف ب المرض مرات، اما المريض العادي لو جرح ح يكون ظاهر اما لو مرض داخلي ح يقول المكان دا قاعد يوجعني.
_بس دي الفكرة وانتي هسا قلت ما ح يشكي المريض النفسي، الا لمن يثق ثقة تامة، يعني انا القاعدة معاك دي احتمال اكون مريضة نفسياً
=بعد الشر
_بعد الشر، يلا اقوم امشي انا بعد دا الا ان نلتقي الأسبوع القادم، عليك لله سلامات كتيره ل وفاء
=يصل أن شاءالله، والاسبوع الجاي اكون انا عندك عشان خطوبتك.
_اميين ياارب
"التلفون يضرب"
=لحظة اجيب التلفون واطلع اوصلك.
دا مصطفى
_يوم اجازتك كمان اتصالات
=اي، عليك لله ما عندي حق اشيل في خاطري
_ربنا يعينك ياا صحبتي، يلا بااي.
________________________
*الواحد من غير افكارك دي ما عارف ح يعمل شنو كان هه
_اي خدمة يا وليد امسك التذكرة دي، قائم اعمل قهوة
*طيب، ما قلت لي الخاتم جاب لك حق كم تذكرة؟!
_والله حق تلاتة وبعد تعب كمان، انت عارف قال لي هم ما قاعدين يشيلوا غير قروش والخاتم بعد طلع روح قال لي كويس ح يشيلُ.
*اعمل شنو يااخ امي غيرت مكان القروش، ما صدقت لقيت الخاتم قدامي طوالي اخدت ُ، لاكن خلاص هسا بداية الشهر ح اشيل منها قروش المعهد والمجموعات، وابوي زاتو ح يجي بعد دا ل عيد الضحية.
_كويس يعني الايام الجاية ايام عز ههههه
*اي ههههه
______________________
=الو.. اي مصطفى
....
عليك لله هو انا يوم لسه ما عملت، اشتقت لي شنو
.....
يااخ البيت مافيه صوت من غيري، عارفه عارفه انا بهجه البيت هههههه
....
طيب خلاص جااية بكرة بدري
....
خلاص مع السلامة ياا مصطفى امي قاعده تنادي عليّ.
....
=اي يااا أمي.
_تعالى الاكل
=حاضر
الله دا شنو الاكل السمح دا، تسلم الأيادي
_الله يسلمك، بالمناسبة في واحد قبل يومين سأل منك؟!
=واحد!!! منُ دا؟!
_اسمُ مروان اظن
=ما بعرف واحد ب الاسم دا.
_شاب صغير كده في عُمر وليد كدة.
=في سن وليد عايز مني شنو، ما قال لك عايز شنو؟!
_قال موضوع خاص بينكم.
=خااص!! خلاص تاني لو جا وانا مافي اديهو رقم تلفوني، او عنوان البيت هناك.
_طيب.
________________________________________
_وسن قالت لك شنو يا مصطفى جاية ؟!
*اي جاية بكرة بدري عشان نطلع كلنا.
_كويس، بس ما قلت لي في بداية المكالمة بتقول ليها شنو ب صوت واطي كده.
*حبوبة مركزة شديد معااي، كلام سر بيننا
_سر على حبوبة، ما مشكلة، خليهُ سر مش انت مبسوط كده انا ماعايزه حاجه تاني.
*ربنا يخليك لي يااحبوبة "باقي راقد في كتفها"
_وربنا يخلي لينا صحبتك، القاعده تخليك مبسوط كده.
*صحبتي منُ؟!
_وسن مش صحبتك ول في حاجه تانية.
*صحبتي واختي وأمي وبتي، عارفة ياا حبوبة انا ماعندي اصحاب طول عمري دا، بس هي فترة بسيطة بقيت كل أصحاب هي، كنت فاكر وجود الأصحاب ما مهم بس معاها عرفت أهمية الأصحاب، أهمية وجود زول احكي ليهُ، عرفت يعني شنو ثقة، عارفه يااحبوبة بكون مبسوط شديد وهي معانا ويوم الخميس دا بقيت ما بحبُ زاتو لأن قاعده تمشي فيه بيتهم، بحب اشوفها في المطبخ وهي بتعمل الكيكة أو بتعمل لي قهوة، بحب لمن اقعد معاها واحكي ليها الحاصل معاي في اليوم دا كلُ، وأهم حاجة بقيت ما قاعد أذى الأطفال يااحبوبة.
_انت قلت الكلام دا كلُ ونسيت تقول انها حبيبتك!!! انت بتحب وسن يااا مصطفى.
*أحبها!!!!!!