رسالة

الرسالة الثانية والعشرون

#رسالة "22" 🖋️ إبتهال حسن.
_وسن من قبيل تلفونك بضرب.
=حاضر ي امي ،هو وليد جا؟!
_لا، بس اتصل علي وقال بايت مع صاحبُ، عشان بكرة عندُ امتحان في المعهد، داير يشرح ل صاحبُ حاجات.
=كويس، لي زمان ما شوفت النتائج حقتُ، قاعد يوريك ليها انتي؟!
_والله ما قاعده اشوفها.
=خلاص انا الأسبوع الجاي ان شاء الله بمشي المدرسة اسأل عديل،ومنها اشوف النتائج زاتو.
_احسن اي، ربنا يحفظك يا وسن يا بتي، من صغيرة ابوك قال انك ح تطلعي ب الف راجل ما مائة بس، وفعلاً ب الف راجل انتي، قائمة ب دور الأب والأخت الكبيرة في نفس الوقت، ربنا يحفظك يا بتي.
=اميين يارب، وربنا يحفظك لي يا غالية "التلفون تاني يضرب"
اكيد دي مروة متأكدة ما في زول غيرها بضرب قدر دا.
_هههههه عليك سلامات ليهاوقول ليها مبروك كمان ، لمن نصلها البيت هناك.
=حاضر يصل إن شاء الله، امشي الغرفة انا.

=الو.. اي مروة... نقول لك ياعروسة تاني
......
الحمد لله كويسين انتي كيف مع التعب.
........
صور شنو يابتي.
.......
ما شاء لله الصورة طلعت سريع
.........
ايواا ما كلها يعنى.
........
ما جادة طبعاً انتي ضاربة عشان تقول لي صوري انا ومصطفى حلوين.
...........
ثنائي حلو شنو عليك لله اتلمي، المشكلة انك عارفه القصة كلها، ما بعرف لك مالك.
.......
هو يعني عشان صورنا حلوة مع بعض معناها ثنائي حلو هههه
......
في نظرة حب بيننا ههههههه،مروة يا حبيبتي امشي اتكلمي مع مرتضى احسن لك والله.
.......
لا انا قلت لك اي مرات بحس بيهو انا ما مجرد صاحبة بالنسبة له.
.....
ما صاحبة، حاجه أكبر يعني حبيبة مثلاً.
......
لا بالنسبة لي انا هو مجرد صاحب، وقبل اي شي هو مريض لازم ما انسى الحتة دي.
.......
غلط اي تكون في مشاعر بيننا، انا دكتورة وهو مريض ما ينفع، حتى ولو عندي مشاعر اتجاه مصطفى لازم تموت المشاعر دي.
.......
مروة خلاص عليك لله.
.....
ما هروب هو انا من متين بهرب، بس ما عايزة اتكلم هسا في الموضوع دا عندي مشكلة في البيت، وطالعه ماشه بيت ناس مصطفى كمان شوية.
........
مشكلة بسيطة كده بحكي لك بعدين في الواتس، مع السلامة هسا، لأن لازم اطلع.
"بعد قفلت من مروة قعدت افكر بيني وبين نفسي، اها يا دكتورة وسن انتي عارفة ومتأكدة كمان مشاعرك اتجاه مصطفى ما صداقة بس وهو نفس الشي، بس الكلام دا غلط منك، هسا انتي لازم تساعده ويبقى كويس، طيب وبعد الرسالة ح يحصل شنو، ما عايزه افكر زاتو خائفة اخسر مصطفى، بس اكيد هو ح يقدر إن أنا نيتي اساعدُ، هسا انا لازم اركز على موضوع الرسالة بس، و أي مشاعر لازم تموت هسا، وبعد الرسالة اشوف ح يحصل شنو ".
_________________________________
" يوم جديد "
=صباح الخير
*صباح النور حبوبة نايمة لسه؟!
=لا صاحية بس في غرفتها.
*اها كويس طيب وانتي مالك قاعدة كده.
=قاعدة كيف يا مصطفى.
* حاصلة حاجه أكيد ، من امبارح وقت رجعتي شكلك ما طبيعي، عايز اسألك قلت اخليك على راحتك، بس شكلُ موضوع كبير.
=هو انت كيف بتعرف انا كويسة، او ما كويسة وما تقول لي شكلك، لأن ناس بيتنا ما قاعدين يعرفوا من شكلي.
*احساسي طيب.
=احساسك صادق مائة في المئة.
*احكي طيب.
=لمن ترجع بحكي لك هسا امشي شغلك ما تتأخر.
*احكي لي هسا، ما عليك يا زولة.
="حكيت ل مصطفى مشكلة وفاء."
*بالجد دا زول اناني.
=اساساً، انا عارفه اختي مسكينة ما صدقت لقيت الاهتمام والخوف ولقيت فيهُ دور الاب الحنون، خلاص قالت دا حب.
*طيب الخوف والاهتمام دا موجود في الحب كمان، احتمال بتحبُ هي بالجد.
=اي موجودين بس في مشاعر تانية صح، وغير كده بعد الحب دا ح يحصل شنو، هي ما عارفه ح يحصل شنو بس عايزه تكون كده في الاهتمام والخوف دا دائماً، وفاء اختي عشان ابوي بعيد مننا مؤثر فيها شديد الموضوع دا انا عارفة.
*طيب اتكلمي معاها انتي.
=اتكلمت بس هي رأسها قوي انا عارفه.
*خلاص شوفي الطرف التاني ل المشكلة.
=المهندس عصام قصدك.
*اي، امشي ليهو خليهو يبعد من اختك، وهي اكيد يعني لمن يبعد عنها ما اظن تمشي ليهو تاني،وح تعرف إن دا ما حب لأن ال بيحب ما بمشي وما بخلي حبيبُ.
=فكرة والله، خلاص ممكن ترجع الليلة بدري عشان امشي انا.
*ليه يعني ممكن تمشي هسا، حبوبة معاها سارة أساساً، وموعد حبوبها تاني بعد الفطور، وما اظن ح تتأخري لمن الفطور صح.
=اي
*خلاص، امشي هسا، يلا انا طالع مع السلامة.
____________________________________
_وعليكم السلام... والله ياولدي مافي هي، بس دقيقة اديك رقم تلفونها وعنوان البيت الشغالة فيهُ.
-حاضر ياخالة.
_اتفضل يا ولدي دي الورقة، لو الوصف ما واضح ممكن تضرب ليها في رقمها دا.
-شكرآ لك واسف على الازعاج كمان،مع السلامة.
_الله يسلمك. "بعد طلع مروان"
*دا منُ يا أمي؟!
_دا الولد الاسم مروان يجي بس وقت وسن مافي يسأل منها، هسا كتبت ليهو العنوان ورقم التلفون.
*احسن اي
_ما طالعة الليلة ول شنو؟!
*ماشة الجامعه، ما ح امشي الشركة لان جدولي ضاغط شوية.
_احسن زاتو.
______________________
=الو اي يا أمي.
......
كويس، قالت ما ح تمشي الشركة الليله يعني.
......
كويس طيب، انا زاتو وصلت الشركة خلاص بس كنت عايزه اتأكد هي في الشركة في ولا مافي.
.....
طيب مع السلامة اخلص بس مع المهندس عصام دا وبرجع لك.

=السلام عليكم
*وعليكم السلام، انتي اخت وفاء صح؟!
=اي.
*وفاء الليلة ما جاية،اظن.
=اي عارفه، ما جاية عشان وفاء انا، جاية ل المهندس عصام موجود هو؟!
*اي موجود، اتفضلي اقعدي اجيب لك حاجه تشربي.
=لا شكرآ، بس مكتب المهندس وين.
*طيب اول مكتب على يدك اليمين.
=تسلمي.
______________________________________
_اتفضل ياولدي ادخل.
*لا شكرا، بس كنت بسأل من وسن، والدتها قالت لي شغالة هنا هي.
_اي شغالة هنا بس هسا طلعت، شوية وح تجي.
*خلاص العصر كده بتكون موجودة ؟!
_اي بتكون موجودة.
*خلاص العصر كده بجي عليها، بعد اذنك.
_طيب لمن تجي نقول ليها سأل عليها منُ.
*مروان،اسمي مروان ياحبوبة.
________________________________
*اتفضلي اقعدي.
=شكراً لك، انا وسن اخت وفاء لو متذكر لقيتك في المستشفى، ومرة في البيت.
*اي متذكر يا دكتورة وسن.
=خلاص معناها ندخل في الموضوع طوالي، ونتكلم في علاقتك مع وفاء عشان تكسب زمانك واكسب زماني.
*اتفضلي.
=ما عارفة إذا كنت عارف ولا، بس في زول طلب يد وفاء مني، وهي رافضة قالت انكم في علاقة، وانا جاية هنا الليلة عايزة اعرف حقيقة العلاقة دي شنو ونهايتها شنو؟!
*قالت لي اي، امبارح بس ما رجعنا اتكلمنا تاني.
=كويس طيب معناها عندك فكره عن الموضوع، هسا عايزه اعرف نهاية علاقتكم شنو، لأن الزول الطالب يدها دا واحد في سنها وبيحبها كمان.
*والله صراحة ما فكرت في نهاية علاقتنا قبل كده.
= طيب اقول لك انا ليه انت ما فكرت، لأن انت زول اناني ما اكتر.
*اناني!!!
=اي اناني، واحد في سنك عايز من وحدة قدر عيالُ شنو، ما تقول لي بحبها بس عليك لله، انت لقيت وحدة صغيرة وحلوة قالت لك بحبك انت ما صدقت طوالي مسكت في الفرصة دي، فرصة تعوض حبك حق زمان الانت ما عايشُ، وما لقيت غير اختي المسكينة دي،انا عارفة اختي صغيرة وطايشة ما صدقت لقيت الاهتمام والخوف عليها ولقيت دور الأب الحنون فيك وهي كده فاكره دا حب.
*طيب دي معادلة متساوية، انا لقيت الحب المحروم من، وهي لقيت فيني دور الأب.
=اها وبعدين، عايز تتزوجها يعني؟!
إجابتك لو كانت اي أو لا، انت بترضي أن بتك تكون مكان وفاء، توافق تتزوج ليها واحد في سن ابوها، توافق انها تعيش كده مع واحد ما عايز يتزوجها ولا ينفع تحب واحد غيرُ، ما عايزه منك رد هسا بس فكر ودا رقمي، بعد اذنك.