رسالة

الرسالة التاسعة عشر

#رسالة"19" 🖋️إبتهال حسن
"يوم جديد"
_معليش على طريقتي امبارح، اتفضلي " ورده بيضاء"
*شكرا
_يعني خلاص ما زعلانه
*لا، اساسا ما بقدر ازعل منك يا عصام
_حبيبتي انتي والله، بحبك
*وانا كمان.
_نمشي بعد دا الموقع.
*تمام يلا
=المهندس عصام ب ذات نفسو هنا دي شنو الصدفة الحلوة دي.
"سلم عليهم"
_اخبارك شنو
=انا تمام والحمد لله، انت كيف وشنو يعني بعد طلعت من الشركة ديك تاني لا حس ولا خبر.
_الحمد لله في نعمه، والله تقول شنو بس مع مشغوليات الدنيا دي.
=ربنا يعينك ما شاء لله دي بتك بقيت عروس
_"عصام اتضايق " لا دي ما بتي، دي مهندسة شغالة معانا، نسيت ما عرفتكم على بعض، وفاء ودا المهندس أيمن كان شغال معاي في الشركة القديمة ودفعتي كمان.
*اتشرفنا
=الشرف لي
_يلا بعد اذنك نطلع احنا
" في العربية "
*مالك ساكت
_اقول شنو
*اي حاجه، شكلك مضايق
_اي مضايق انتي شايفة الحصل في المطعم دا عادي
*عادي اي
_عادي شنو عليك لله، الراجل كان فاكر انك بتي، يعني اي محل ح نمشي فيه احنا ح يكون شايفين ابو و بتو ما اكتر "متعصب عصام"
*انا قلت لك قبل كده ما مهم الناس المهم احنا مبسوطين كفاية
_الموضوع بسيط كده انتي شايفة
*اي بسيط، عشان ما نخرب مزاجنا كل مره
_تمام طيب ياا وفاء.
___________________________________
"بيت ناس مصطفى "
*حبوبة نمت؟!
=اي تعبانه من الرحلة، والله هو انا كمان تعبانه وعايزه انوم، قلت اشوفك.
*تمام طيب تصبحي ع خير
=وانت بخير، انت ما نعسان؟!
*عايزه اشرب قهوة معاك في الجنينة كان بس انتي تعبانه، ح اقعد شوية وبمشي انوم.
=والله تعبانه ونعسانه وح انوم وانا واقفة كده زاتو هههه، بس وعد بكرة نشرب قهوة وشاي واي حاجه.
*عادي ياا بت يلاا امشي عشان ما تنومي لينا هنا هههه
"بعد مشيت وسن" *كنت عايز اعترف لك ب حبي الليله يااوسن، امبارح يدوب من كلامي مع حبوبة عرفت قدر شنو انا بحبك، بس لسه الأيام جااية "
______________________
" صباح يوم جديد "
*صباح الخير ياامي
_صباح النور ياوليد، تعال اشرب الشاي معاي
*متأخر والله ياا امي، عايز قروش المعهد والمجموعة حقت الفيزياء لأن من المدرسة طالع طوالي.
_حاضر، اقعد اشرب الشاي طيب مسافة اجيبها لك.
*طيب
_امسك اها، والله يا ولدي لو خليت المعهد والمجموعات دي بعد دا يكون احسن ما شايف عيونك دي بقيت عاملة كيف، وشكلك زاتو بقى عامل كيف.
*لا ما بخليهم يا أمي، انا قاعد افهم حاجات في المعهد والمجموعات، في المدرسة بتكون واقفة لي.
_انا قصدي لك أهم حاجه صحتك، أكل في موعد الواجبات عليك لله ياوليد.
*حاضر يا أمي أن شاء لله، يلا مع السلامة.
_______________________________
=الوووو...
....
اي معاك ياامروة
.....
طيب اهدي هسا انتي
.....
اصبري كل المشاكل دي بتحل بعدين تبقى لك ذكريات
........
والله يا مروة مؤمن رأسُ ناشفة زيك وعنيد كمان.
......
انت عملتي العليك كل والله، هسا اهدي ي مروة عليك لله، وخلاص البكاء ما ح يعمل حاجه.
......
امشي صلى لك ركعتين هسا.
.....
طيب حبيبتي الله يسلمك.
"بعد المكالمه كنت زعلانه على مروة، ومؤمن ما عايز يتفاهم معاها أساسا"
*صباح الخير
=صباح النور
*مالك مضايقة من الصباح كده.
=ما في حاجه يا مصطفى
*وسن مالك مضايقة، ما تقول لي ما في شي
=والله يا مصطفى زعلانه على مروة صحبتي، اخوها لسه ما موافق على مرتضى.
*مرتضى دا اخُ سماح
=اي.
*عشان سماح يعني في السجن
=اي، هو كمان ضابط.
*اسمُ منُ اخوها؟!
=مؤمن، ليه بتسأل؟!
*اقول لك بعدين لمن اجي، ما تزعلي هسا كل المشاكل بتحل.
=سبحان لله، هسا قلت الكلام دا ل مروة.
*هههه سبحان لله، يلاا بااي ماشي.
___________________________________
_صباح الخير ياا جميلة الجميلات
*صباح النور... مزاجك رايق شكلُ
_اي رايق شديد، بعتذر على امبارح
*طيب ما مشكلة.
_طيب رأيك شنو نطلع؟!
*تمام طيب، امشي بس ل مرام عندها ملف معاي.
_حاضر، منتظر في العربية.
_____________________________
*مرام مرام..... مهند ازيك
_الحمد لله بخير، كيف انتي، ما قاعدين نشوفك.
*الحمد لله بخير، والله تعب وجرى شديد مع الجامعه والله والموقع.
_ربنا يعينك.
*اميين، مرام ما في ول شنو.؟!
_طلعت قبل شوية بس راجعة.
*خلاص انا طالعه، لمن تجي عليك لله اديها الملف دا قول ليها دا الكان مع وفاء.
_حاضر طيب.
*يلا باااي.
_وفاااااء
*نعم
_اااااا كنت عايز اقول لك لو محتاجه شرح أو مراجع ممكن اساعدك، بس اديني خبر.
*شكراً لك كتير كتير ما بتقصر، يلاا بااي.
"بعد طلعت وفاء" غبي ما قادر تقول ليها انك معجب بيها من زمان، غبي غبي غبي.
____________________________________
_امسك القروش دي وكده نكون حبايب.
*حبايب من زمان ياا وليد.
_يلا امشي انا بعد يا احمد .
*طيب، كنت عايز اقول لك مروان جا من السفر.
_ويعني شنو، المشكلة شنو ما فهمت؟!
*اعمل حسابك عشان ما يجي تاني ويقول كلام باطل فيني.
_ما ح يجي اساسا، آخر مره قلت ليهو ب الواضح أن انا ما ح أصدق اي كلام عن أحمد، ما ح يجي في شارعي زاتو.
*اي قلت اكلمك عشان تعمل حسابك بس.
_طيب تمام، يلاا بااي.
___________________________________
=الو اي مروة
.....
كيف أمسيتي
......
الحمد لله، ظاهر في صوتك مبسوطة
.........
مصطفى جا ل مؤمن!!!!!!!!!
.......
الصباح سأل من اسم مؤمن، جا ل شنو؟!
.....
اتكلم مع مؤمن بخصوص موضوعك انتي ومرتضي
.........
مؤمن وافق، ياا الله دي شنو الأخبار السمحة دي.
............
والله ما قال لي حاجه، قال بس اسم اخوها منُ
..........
والله بالجد كتر خيرُ
..........
يوم الخميس الخطوبة
......
الف مبروك حبيبتي ربنا يتم ليك على خير
.....
أن شاء لله بقول ليهو هو
لسه ما جاا
....
شكلُ جا.
.....
الله يسلمك.
=مصطفى
*من الابتسامة دي معناها صحبتك ضربت لك.
=اي، بس انت ما قلت لي انك ح تمشي ليهو.
*اي، بس قلت لك لمن ارجع ح تعرفي.
=صح صح، بس انت عملت كده ل شنو؟!
*عشان اشوف الضحكة الحلوة دي تاني في وشك،الصباح شكلك مضايقة شديد وزعلانة على صحبتك، وانا ما يهون على اشوفك كده.
=شكراً لك، انا ما بعرف ارد على الكلام السمح دا ههههه
*هههههه
=هسا بفضل ربنا ثم ب فضلك مؤمن قال الخطوبة الخميس، ومروة قالت لي اعزمك.
*الف مبروووك ليها وعقبالك انتي كمان، يلااا امشي اشوف لي نومة نعسان وتعبان.
=طيب.... مصطفى... شكرا تاني
*مافي داعي ل الشكر مش شوفت ضحكتك دي خلاص دي براها ب الدنيا.
=ربنا يخليك لي "ما عارفه قلت ليهو الدعوة دي ليه، بس حسيت ان هو نعمة في حياتي وعايزه ربنا يخليه لي"
*انتي اضحكي بس والباقي كلُ هين، يلااا موعدنا يوم الخميس.