" ကလေးက ငိုထားတာလား.."ကားပေါ်ကဆင်းဆင်းချင်း ဧည့်ခန်းထဲဝယ် သတင်းစာဖတ်နေသော ဖေဖေက ငယ်လေးကိုတစ်ချက် မော့ကြည့်ပြီး ကိုယ့်ဘက်ကိုဦးတည်မေးလာသောဖေဖေ့စကားကြောင့် မျက်ခုံးလေးအသာပင့်ကာ ရယ်နေမိသည်။
" မဟုတ်ဘူး ဖေကြီး...သားမငိုဘူးရယ်.."
" ဟိုကောင်...သတိထားနေ ! "
" ဟုတ်ကဲ့ပါခင်မျ.."
Formal suit နက်ပြာရောင်ဝတ်ကာ ရယ်ကျဲကျဲမျက်နှာပေးဖြင့် မီးဖိုထဲက နွားနို့ခွက်လေးကိုင်ကာထွက်လာသော မေမေဆီကိုသွားကာ နွားနို့ခွက်ကို လက်လွဲယူလိုက်မိသည်။
" မိစုတို့မရှိဘူးလား မေမေ "
" ဟင်းချက်နေလို့ပါသားရယ်...အဲလောက်တော့ မေမေ သယ်နိုင်ပါသေးတယ်.."
" ဘယ်ဟုတ်မလဲမေမေရာ...အပူကြီး လွတ်ကျမှဖြင့်...ထိခိုက်ကုန်ပါ့မယ် "
" သားမာန်က စိတ်ပူနေပြန်ပြီ...ဘာမှမဖြစ်တာကို..."
" အဟမ်း! အဲ့လောက်မိဘအပေါ်သိတက်နေ မင်းအတွက်နဲ့ မင်းအမေမျက်ရည်ကျစရာ အကြောင်းမရှိဘူး...ခုမှ လာကပ်မနေနဲ့....သွားတော့...မျက်စိနောက်တယ်..."
သတင်းစာကို လက်ကကိုင်က ကိုယ့်ကိုအမြင်မကြည်သေးတဲ့ဖေဖေစကားက ကလေးကြီးတစ်ယောက်စိတ်ဆိုးနေသလိုမျိုးမို့ ပြုံးလျှက်သား ခေါင်းညိတ်နေမိသည်။
ဖေဖေ့စကားကြောင့်ချစ်ရသူဆီစိုးရိမ်မျက်ဝန်းတွေဖြင့်အကြည့်ပိုလာသည့် ငယ်လေးကို ဘာမှမဖြစ်ပါဘူးဆိူတဲ့ သဘောဖြင့် ပြုံးလျှက်သား မေးဆတ်ပြမိ၏။
မေမေ့ကတော့ ခင်ပွန်းဖြစ်သူစကားကြောင့် စိတ်မကောင်းခြင်းများစွာဖြင့် လက်ကလေးကိုဆုပ်ကိုင်ကာ နစ်သိမ့်ပေးနေရှာသေး၏။
" သား အစည်းအဝေးရှိလို့သွားမယ်မေမေ....ညနေမှငယ်လေးကို လာခေါ်လှည့်မယ်..."
" လာမခေါ်နဲ့ ..."
" ဖေဖေ ဘာတွေလုပ်ထားတယ်ဆိုတာ သားသိတယ်နော် ၊ လုပ်ထားပေါ့ ဖေဖေရာ...ပြေ့ဘုန်းမာန်က ထူးပြီး ပြိုလဲနေမှာမဟုတ်ဘူး အကျနာတုန်း ခဏပဲဆိုတာဖေဖေကိုသိစေချင်တယ် "
YOU ARE READING
တေးသစ္စာ ဖွဲ့ ချစ်ခြင်းမေတ္တာ
Fantasyသစ္စာစကားဆိုတာ တောင်းတိုင်း ပြည့်တဲ့ဆုမဟုတ်သလို တည်စေ၊ မြဲစေ ၊ ခိုင်မာစေ ဆိုပြီး အတင်း ဆုပ်ကိုင်ထားလို့မရဘူး ။ သစ္စာစကားတွေ အရာမဝင်ပေမယ့် တောင်ပေါ်မှာ တောင်ဇလပ်ပန်းတွေကတော့ ရဲရဲနီနေဆဲပဲ ကိုကို ။ ပြေ့ဘုန်းမာန် ဗန်လွယ်အွေ့ ဘုန်းမြတ်ဟန် သော်စစ်ပိုင်