Urdu Novel
We meet thousands of people in this world, we get attracted to hundreds, we fall for ten and then we'll be united with the one whose name was written with our name thousands of years ago.
...
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Roman Urdu Version
Banglore September 17, 2020
Ghar mein be-inteha khamoshi thi. Sirf ghadi ki tik tik aur kahin door se aati hawa ki halki sargoshi sunai de rahi thi. Muskan sofa par bethi, T.V ki screen par chalti film ko be-dili se dekh rahi thi. Har channel ek jaisa lag raha tha—ek hi jaise chehre, ek hi jaisi kahaniyan. Useh mehsoos hua ke waqt bilkul ruk gaya hai.
Zayn study room mein tha, hamesha ki tarah laptop ki screen mein ghum. Uski nazrein mukammal tawajju se screen par jami hui thi.
Muskan ne aik gehri sans li.
"Ye toh zyada ho gaya." Usne socha. Woh ab uske saath kam aur apne laptop ke sath zyada rehne laga tha. Woh Khalid ki company ke saath saath apne business aur trading par bhi dhyan de raha tha.
Woh hamesha kaam mein mashroof rehta tha, jaise aur kuch ahmiyat hi na rakhta ho. Uski woh hasi mazak wali shaqsiyat ab bas kabhi kabar hi nazar aati thi.
Ek khayaal uske zehan mein aya.
Muskan uthkar Zayn ke kamre ki taraf gayi. Darwaza khatkhataya tak nahi, sirf ek pal ke liye ruk kar dekha. Woh wahin, apni kursi par baitha, screen par nazar jamaye kaam mein magan tha.
Woh khamoshi se age badhi, aise jaise hawa bhi uski maujoodgi mehsoos na kar sake. Aur phir bina kisi tamheed ke, jhuk kar Zayn ke gaal ko chuma.
Zayn aik dum se seedha ho gaya. Uski ungliyan keyboard par jam gayin. Zayn ki aankhein screen se hatt kar uske chehre par ayi, lekin usme gussa nahi tha—sirf hairani thi.
Muskan pichhe hati, aur etimad se seedhi ho kar khadi reh gayi.
"Bas tumhein yaad dilana tha ke tum kitne lucky ho jo tumhein main mili hoon." Woh hairani se useh dekhta raha. Yeh hairani useh Muskan ki uss harkat se nahi hui thi, balki iss baat se hui thi ke usne yeh itni asani se kar diya.
Jo etimad uske lehze aur uske chehre par tha, woh Zayn ko ek pal ke liye be-harkat kar gaya.
Woh samajhne ki koshish kar raha tha ke yeh sirf ek mazak tha ya kuch aur—aur sab se zyada, yeh soch raha tha ke isne uspar kya asar dala tha.
