Urdu Novel
We meet thousands of people in this world, we get attracted to hundreds, we fall for ten and then we'll be united with the one whose name was written with our name thousands of years ago.
...
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Roman Urdu Version
Banglore August 14, 2016
Zayn masjid ke safed darwaze ke paas khada tha. Wo ek waqt tha jab uski zindagi bilkul badal gayi thi. Ab yeh masjid uske din ka sabse zaroori hissa ban chuki thi.
Har din, har namaz wo Hasan ke saath jamaat mein padhta tha. Wo pehle jo akela tha, ab woh akela nahi tha. Aur jis rooh ko ek baar hidayat mil jaye, woh zyada dair tak khoi nahi rehti.
Waqt ke saath, usne seekh liya tha ke ibadat sirf ek farz nahi hoti, balki dil ka ek qurb hota hai, jo sirf Allah ke liye hota hai.
Isha ki azaan ke baad, woh masjid ke ek kone mein khamoshi se baitha tha. Hasan uske paas aaya aur kaha, "Aap surah nahi bhoolte ab."
Zayn sidha hokar baitha, fir ek muskurahat ke saath jawab diya. "Insan agar Allah ko apni zindagi ka maqsad bana le, toh surah yaad karna mushkil nahi lagta."
---
Banglore February 22, 2017
Woh sajde mein tha, zameen se chipka, Allah se qareeb. Har dua mein woh apne dil ka haal bayaan kar raha tha.
"Mujhe samajh aa gaya hai. Mohabbat kya hai."
Wo aahista se apni dua mein bol raha tha.
"Mohabbat woh nahi jo ek insaan ko kamzor kare. Mohabbat woh hai jo mujhe tere qareeb laayi hai. Jo mujhe samjha gayi hai, ke meri mohabbat Muskan ke liye thi. Lekin uska asal maqsad mujhe tujh tak laana tha."
Usne apne haathon ko uthaya, "Aur teri mohabbat, meri zindagi ka asal maqsad hai."
Namaz ke baad woh hamesha ki tarah kuchh der wahin baitha raha. Har taraf ek sakoon tha, magar uske dil ke andhere useh chain lene nahi de rahe the. Usne idhar-udhar dekha, ek buzurg shakhs masjid ke dusre kone mein baithe the.
