တိမ်စိုင်တွေလို လေနှင်ရာမျောခဲ့ပေမယ့်....(Completed)

(၄၃)

Unicode......

"ဆရာတို့ကျောင်းက queen ဆိုတာကလွဲ သူ့အကြောင်းကိုဘာမှစုံစမ်းလို့မရဘူးဆရာ။သူက မျိုးရိုးမြင့်ပုံပဲ။သူ့အကြောင်းကို အစအနရှာမရအောင် ဖုံးထားတာ ဆရာ"

ကြားရတဲ့စကားအပေါ် ဋိတ်ဘဝင်မကျနိုင်ချေ။ထို့ကြောင့်

"ငွေဘယ်လောက်ကုန်ကုန် ငါပေးမယ် သူ့အကြောင်းကိုရတဲ့နည်းနဲ့ စုံစမ်း"

"ဟုတ်ကဲ့ ဆရာ"

ကျသွားသော ဖုန်းအားကြည်၍ ဋိတ်၏မျက်ခုံးတွေက တွန့်ကုပ်နေခဲ့သည်။အစရှာမရအောင် ဖုံးထိထားနိုင်တယ်ဆိုကတည်းက မျိုးကြီး၊ရိုးကြီးဆိုတာ သိသာလှသည်။

ရင့်ရဲ့အနားကို ကပ်နေတာကလည်း အကြောင်းတစ်ခုခုရှိမှာအသေအချာ။စီးပွားရေးဆိုသည့် လောကထဲ အခြေစချကတည်းက ဋိတ်မှာ အန္တရာယ်များစွာရှိခဲ့တာမို့ လူတိုင်းကို အယုံမကြည်မရှိခဲ့သည့်နည်းတူ အခု ပြည့်သက်မှူးသွင်ဆိုသည့် အမျိုးသမီးကို လုံးဝမယုံကြည်ပေးနိုင်ချေ။စိတ်ထဲထင်နေတာရှိပေမယ့် တစ်ဦး‌တည်းသော သားတစ်ယောက်တည်းရှိသည်ဟုသာ ပွဲထုတ်ထားသော T group ကြောင့် ထိုအတွေးကို အရှိန်သတ်ရသည်။နာမည်တူတာနဲ့လည်း မွေးချင်းမောင်နှမမဖြစ်နိုင်ချေ။

သူ့လူတွေကိုပြည့်သက်မှူးသွင်ကို အချိန်ပြည့်စောင့်ကြည့်ခိုင်းထားပြီး သူကတော့ ရင့်ကိုသာ ဂရုစိုက်ရသည်။လွတ်လွတ်လပ်လပ်နေတတ်တဲ့ ကောင်လေးကို အပြင်မသွားရဘူး၊ဟိုလူနဲ့မတွေ့ရဘူး စသည်ဖြင့် မထိန်းချုပ်ချင်သဖြင့် သူကိုယ်တိုင်သာ အရိပ်တကြည့်ကြည့်လုပ်ရသည်။သူ့ကြောင့် ရင့် ထိခိုက်လာမည့်ဖြစ်ရပ်များ လုံးဝမဖြစ်လာအောင် ဋိတ်ကာကွယ်ရမည်။

တစ်ဖက်လူသည် မည်မျှ အင်အားကြီး၍ နည်းမျိုးစုံကိုသုံးကာ တစ်ပါးသူကိုရိုက်ချတတ်စေကာမူ ဋိတ်ဟန်သာညီသည် သူတို့ယှဉ်ပြိုင်နေကြ လူမျိုးမဟုတ်သည်ကိုတော့ T group သိရန်လိုအပ်ပေသည်။

•••••••••

"ရင့် အခုရက်ပိုင်း club တွေ ခိုးတက်နေတာ ကိုယ်သိတယ်နော်"

"ဟင် မဟုတ်ပါဘူး ဘယ်မှာတက်လို့လဲ ငါအချိန်တိုင်း မင်းနဲ့အတူရှိနေတာကို"