شـقّ الـغَـمـام

..(٥)..

..(٥)..
لااله الا الله وحده لاشريك له له الملك وله الحمد وهو على كل شي قدير
..............................
<<بيت الشيخ>>
سطام بغرفته وبيده شنطة الظهر ياخذ له غيارات بسيطة
نور فتحت الباب وبابتسامة/صباح الخير
سطام بدون يناظرها/جيبي لي الدوا نوريّة
نور/ماشاء الله مروق
سطام التفت لها/ومن عنده مثلك مايروق
نور/اوووه لا صدق مروق ماشاء الله الله يديمه
سطام/يالله يالله اعجلي علي
نور مشت
سطام اختفت ابتسامته واحتدت ملامحه عصب شماغه حول راسه خرج من غرفته بخطوات سريعة بدون ينتظر نور وياخذ دواه
................
،،،الـمـسـتـشـفـى،،،
ريوف بضيق مرتسم على ملامح وجهها ماقدرت تنام بعد موقفها مع عزيز البارح ولا قدرت تخفي الضيقة واقفة جنب سريرها ومدت لها يدها
يـقـيـن جالسة بعبايتها عالسرير تلف طرحتها أشرت لريوف بلا
ريوف تكتفت/تدرين حتى عزيز اليوم كتبوا له خروج
يـقـيـن اللي نست عزيز وسالفته التفتت بملامح مصدومة
ريوف/الا تعالي قولي وش صار ذيك الليلة عزيز ماقال شي وانتي اختفيتي فجأة
يـقـيـن بوسع عيونها همست بدون صوت/مامات؟
ريوف ماوصلها صوتها ولا فهمت عليها قطبت جبينها/كيف؟
يـقـيـن احتدت ملامحها وقفت ورمت الطرحة على وجهها رمشت بخطوات سريعة وسط رجفة غضب اجتاحتها
.............................
<<بيت الجد طاهر>>
مُحارب جالس قبال جده بملامح ثابتة وكلها جدية
الجد طاهر يحك أذنه بيساره وبيمينه فنجاله/غابش علي من الصبح وش وراك يامحارب
مُحارب شد على قبضته زفر/نويت اتزوج ياجد
الجد طاهر/اني قايله ابشر مير ماعيّنا اللي رضت بك
مُحارب/وانا عينتها
الجد طاهر وقف حك اذنه وتعلقت عيونه بمحارب
محارب/وهالمرة نسبقها ولانترك لها مدخل علينا
الجد طاهر/من هي القادحة اللي رضت وتحدت معك؟
مُحارب ابتسم/ااه ياجد ليت شوف وجيه الحريم حلال
الجد طاهر ضحك/والله كانه تم على خير ياهي كسرة خشوم
مُحارب بابتسامته/بيتم هالمرة باذن الله بيتم
الجد طاهر/الله يجعله ياجدك الله يجعله مير اللي اكبر منك مااعرس
محارب/أجره معي ونعرس سوا
الجد طاهر ضحك/عاد الا العرس مابه غصيبة
محارب/مير ياجد لاتعلم الى مايتم كل شي
الجد طاهر/تحرص انت ولا انا ماسمعت ولادريت به
...............................
<<بيت الشيخ>>
الجدة مبروكة على باب البيت اعتلت زغارديها المكان/ياهلا ومرحبا ياهلا بعيني الحمدلله على سلامتك الحمدلله
عزيز نزل من السيارة مستند على بارود بابتسامة/الله يسلمك ياجدة الله يسلمك
الجدة مبروكة استندت على عكازها ونبضات قلبها اسرع من خطواتها من فرحتها بسلامته
عزيز ترك يد بارود واسرع لها انحنى متجاهل لجرحه وضمها له
الجدة مبروكة ابعدته عنها بخفة/ولد ابعد
عزيز باصرار ضمها/والله ماابعد خليني اشبع ياكل ناسي
بارود/قريت عينك بسلامته ياسحاب
الجدة مبروكة/الله يسلمك يابارود افزع يم سهم واعزم الديرة كلها بسلامته
عزيز فك حضنه لها وشد على يدها/ياجدة بكرة الليلة ودي اتريّح
الجدة مبروكة/ابشر ابشر على مايرضيك ولد يابارود
بارود/سمي
الجدة مبروكة/اللي نويتها عشا الليلة تذبح كلها وتوزع وبكرة العشا
عزيز/ياجدة
الجدة مبروكة/اسكت والله انها ماتسوى طرف اظفرك ياعيني ماتسوى يشهد الله
....................
سلام تمشي متجهة لبيت أمها اللي بطرف الديرة بعد ماانتظرت سلمان اللي تأخر عليها فمشت وتركته وقفت من لمحت جدار البيت المهجور وفيه فتحة صغيرة كانت شاغلتها من فترة طويلة التفتت يمين ويسار تتاكد مافيه احد يمر ناظرت بالفتحة وهي تشوف انعكاس لمعة داخلها مدت يدها ودخلت اصبعها بالفتحة اتسعت عيونها من حست بشي جرحها سحبت اصبعها ورجف قلبها بخوف ماهي بقادرة تخرجه غرقت عيونها دموع بلوم لنفسها من هاللقافة اللي تبلي نفسها فيها بكل مرة سحبت مرة واثنين وثلاثة بدون أمل بخروجه بلعت عبرتها وهمست التفتت حولها/سلمان وينك
سطام شنطته على ظهره متلثم بشماغه يمشي متجه لبيت الجد طاهر قاصد هالطريق حتى يتجنب انظار اهل الديرة كثر مايقدر قطب جبينه من لمح هالسواد على مسافة بعيدة شوي عنه وعند البيت المهجور/اعوذ بالله من الشيطان الرجيم بسم الله الرحمن الرحيم/ميل فمه بشك/
سلام انرعبت من طاحت عينها على هالمثلم وانسابت دموعها وبدت تشد يدها بكل قوتها
سطام وقف من رجفة قلبه من عرف هالهيئة كيف مايعرفها وهي المنحنى الخطير بحياته كانت النعمة والنقمة بنفس الوقت تناسى أمرها لسنين بعد العفو عنه لكن مانسى الوعد بينه وبين جدها أبد وقف على مسافة منها/عسى ماشر يابنت الناس
سلام ماردت وهي مرعوبة من تواجدهم لحالهم بهالمكان
سطام ناظر اصبعها المحشور ارتفع حاجبه باستغراب
وماترك الاستغراب يمتد لفترة طويلة كانت مجرد لحظة عابرة واستدرك عمره سحب شنطته وفتحها
سلام ماتت من رعبها ونطقت بصوتها الراجف/خاف ربك اذا تعرفه
سطام خرج علبة الموية وبدون لايناظرها/اخافه بكل لحظة/مد علبة الموية اللي خرجها/اشربي ثم اهدي حتى أتريح اعصابك
سلام مااخذت الموية منه اخذت نفس تهدي نفسها وسحبت يدها بقوة خرج اصبعها وطاحت عالارض
سطام اتسعت عيونه وهو يناظرها
سلام توجهت للحظة ثم تذكرت وجوده بخوف منه فزت واقفة وجرت مبتعدة عنه
سطام ناظرها مقطب جبينه للحظة ثم كمل طريقه بهدوء لحظات وانفجر يضحك لوحده
.............
،،،الـمـسـتـشـفـى،،،
بـيّـن متمدد على السرير فتح عيونه للحظة ثم غمضها بانزعاج من النور فتحها بشويش اخذ نفس رفع يمينه وناظرها وبها مغذي زفر بضيق عرف انه بالمستشفى والتفت يمينه
رازي لابس نظارته الشمسية جالس عالكرسي مميل جسمه وساند راسه على طرف الكرسي نايم وممدد رجوله ومثبت اخرها على سرير بـيّـن
بـيّـن كشر بوجهه جلس مسك رجوله ودفها بقوة عن السرير/ووجع
رازي فز من نومته بفجعة واعتدل بجلسته
بـيّـن/يامال الرقاد جايبني هنيا وراقد قل سنع صدق
رازي مدد يديه وطلع صوت/اممممم
بـيّـن اتسعت عيونه وبنفس نبرته/وووجععااااه
رازي نزل راسه ونزلت نظارته ع طرف انفه وفرك عيونه باسفل كفوفه وبنفس نبرته/توجعك معي
بـيّـن/ماورا ذالحين
رازي ابتسم وناظره/افا افا مادريت ان البطى عني يمرض
بـيّـن كشر بوجهه/تعقب وتخسى
رازي/ايه ايه استاهل ذا جزاي لك يومين منثبر بذا محد درا عنك غيري
بـيّـن اتسعت عيونه/وشو!!/رمى اللحاف جلس على طرف السرير يدور نعوله/الحلال مو/هدا واسترجع وضعه والتزم الصمت/
رازي ووقف وانحنى يسحب نعول بـيّـن من تحت كرسيه وسحبها لتحت رجول بـيّـن وبدون يطالعه/امزح معك لك ست ساعات/تنهد/خابرك ذيب
بـيّـن بغبنة/الذيب تكاتفت عليه الضباع
رازي رفع راسه يناظره بابتسامة/وان قلت لك عود خوي الذيب/وقف/
بـيّـن اتسعت ابتسامته/لاتقوله تكفى تراني ناوي الطغيان من البارح
رازي/ايه نهاية الطغى منبطح عند باب بيتك
بـيّـن/من حَرّ ماجاني البارح مير ذالحين مابه احد يردني
رازي ابتسم/سبحان من ارسلني يمك ذالحين حتى أردك عن الطغى
بـيّـن ضحك/ايه بالحيل خوفي انا اللي أردك
رازي/مقيولة من مبطي بندولك رازي
بـيّـن/تعقب مابقى الا هي بندولي حلالي مالك لوا
رازي ضحك/وين هي ياحسرة!!
بـيّـن/قطع لذا الضروس مغير تضحك
رازي/تقطعك ياللي تضحكني
بـيّـن/اهب تدعي علي
رازي/الله اكبر عاد انت اللي تدعي لي
بـيّـن وقف/مشينا بس/مسك انفه/امرضتني الريحة
رازي زفر عارف طبعه/اصبر اشوف الدكتور اول
بـيّـن سحب المغذي معه/انا رايح يبون عصاتهم يلحقوني/مشى/
....................................
<<الليل>>
...............................
.
بـيّـن انتبه لكرسي الاطفال اللي ورا من لحظة ركب السيارة تنهد/أنا مالي علم بشي أبد
رازي ابتسم/علم بوشو
بـيّـن صد بوجهه/المفتاح تعيّنه تحت الخزان اللي برا
رازي التفت له بصدمة/ياوجه الله بـيّـن فتح بيبانه لي/وقف بالسيارة/
بـيّـن كشر بوجهه وفتح باب السيارة/اقطع واخس مابقى إلا هي
رازي ضحك بخفة
بـيّـن نزل وبتهديد/لاتعتب بيتي اقوله صادق
رازي هز راسه بعدم مبالاة/ابوك والثقة من زين بيتك عاد الله لايحدّني عليك
بـيّـن قفل الباب/عاد علمتك
رازي دعس بقوة ومشى
بـيّـن وقف قبال بيت جده اخذ نفس جاي لأمه يدري رغم شوقها ماتقدر تمره تخاف عليه وكل حيلتها دعائها ودموعها اتجه لبيت الشعر يشوف اذا فيه احد وقف على مسافة منه وهو يشوف انواره مقفلة غيّر طريقه واتجه للبيت
،،،بوسط الحوش مجتمعين،،
منيرة جالسة تناظرهم بابتسامة رغم بالها المشغول وعن يمينها ضاري اللي متكي يده على رجلها وعينه على أعمامه
غيمة تتقهوى بهدوء ظاهر عكس داخلها الثقيل بهمها واوله بـيّـن ووضعه
مُحارب جالس يناظر نواف وغصنة بصمت على غير عادته يهاوشهم بكل لحظة
غصنة جالسة عن يسار أمها بيدها صحن الاكل رافعته لفوق تبعده عن نواف
نواف جالس ويمد يده يحاول يوصل لصحنها/يالحسود اكل معك ماهو بذابحك لقمتين
غصنة/ماعطيت ضاري خل عاد انت
نواف وقف على ركبه ومسك الصحن/يامال الجوع ابي لقيمة ماهي منقصة شي
غصنة وقفت وسحبت الصحن وجرت مبتعدة/لقمة وحدة منك عن عشر عندي وثم علمتك احسبك معي عييت انت والله ماتذوقه
ضاري يغيظ نواف/غصنة عطيني
غصنة ابتسمت ورجعت طريقها/ياروحي كله لك عساني الجوع ولايمسّك
نواف اتسعت عيونه/اهبي صدق
غصنة وقفت وانحنت تمد الصحن لضاري
نواف سحب الصحن وجرى
غصنة جرت وراه بصراخ
الجدة حمدة وقفت عندهم وناظرت الجالسين/عوذا علام الوجيه شينة الليلة
غيمة/من الزين اللي نعيشه
منيرة/استغفري ربك مايجوز
الجدة حمدة تنهدت/اي والله يازينه تونا نشوف الزين من سنين
بـيّـن اخذ نفس يحاول يبعد ملامح التعب المرتسمة على وجهه دق الباب المردود/ياولد
مُحارب شد على يده وصد بوجهه
الجدة حمدة ميلت فمها
منيرة وقفت بابتسامة واتجهت للباب
ضاري اتسعت عيونه وفز الباب بفرحة/عمي بـيّـن
نواف يجري بالحوش ياكل من الصحن اتجه الباب/حياك
بـيّـن اتسعت ابتسامته فتح يديه شال ضاري ودار فيه نزله وسلم عليه/صرت رجال باسبوع ياذكر الله ماشاء الله
ضاري ضمه/أبطيت ياعم
بـيّـن ضحك/ياعيني انت والله ياعيني
وداد من عند باب بيتها بصوت عالي/ولد ضاري يالله تعال
الجدة حمدة اتسعت عيونها/اعقبي مابك حيا
وداد بتطنيش لها/ضاري وينك
الجدة حمدة التفتت لمنيرة تنتظرها تتكلم
منيرة تسلم على بـيّـن بدون اهتمام لوداد وحركاتها
منيرة محتضنة بـيّـن تمسح على ظهره/ياعيني كيف أمسيت البارح
بـيّـن بابتسامة/على مايسرك
منيرة بلعت غصتها/وكيف أمسى قلبك
بـيّـن/على مايحب
منيرة ناظرته بتكذيب/ياكبرها يابـيّـن ياكبرها
بـيّـن ضحك وفك حضنها وقبّل كفها/والله كل شي يهون قبالكم يمه يهون
وداد خرجت من بيتها بعبايتها بعصبية/ضاري
ضاري كشر بوجهه
بـيّـن لامس بكفه شعر ضاري ومسح عليه بخفة وبابتسامة/رح وانا عمك رح لاتبطي على امك رح
ضاري جر خطواته بكدر يتمنى يجلس مع عمه اكثر
وداد ناظرته بحدة وهو واقف قدامه مسكته من يده ودخلت البيت وقفلت الباب وراها بكل قوتها
غيمة سلمت على بـيّـن وضمته وبكت
بـيّـن ضحك/أم دميعة صدق وش فيك انتي بعد؟
غيمة ماردت
بـيّـن فكها/هاه وش صاير علميني
غيمة مسحت دموعها بسرعة وبتنفيسة/مافيني شي ليه شايفيني ام لسان على كل شي اصيح/مشت بدون ماتترك له مجال يجاوب/
بـيّـن ضحك بخفة/فزتي عليها هالمرة فزتي
منيرة/اجلس وانا امك شوي ونحط العشا تعشى معنا
بـيّـن ناظر جدته اللي جالسة بزاوية الحوش حتى اصلي قطب جبينه باستغراب رفع صوته/وش تقولين يمه اتعشى معكم
منيرة ابتسمت واتجهت للمطبخ
الجدة حمدة كبرت وبدت تصلي بدون لاترد عليه
بـيّـن رفع ثوبه وجرى مسك نواف من قفاه ورفعه من ياقة ثوبه
نواف انخنق/ااه اااه
غصنة وقفت وسط انفاسها السريعة ومدت يدها
بـيّـن بتهديد/عطها عطها
نواف مد لها الصحن
غصنة اخذته واتسعت عيونها جلست بمكانها وبرجفة صوتها من عبرتها/يمه شوفي نواف اكله كله
بـيّـن ترك ياقة نواف
نواف بابتسامة/يكثر خيرك ياغصين
بـيّـن شده من اذنه/معك الى مانتعشى تطبخ لها اللي تبيه ولى وربي ان تمرح بوادي سرّاي
غصنة ابتسمت
نواف اتسعت عيونها/تكفى يابـيّـن
بـيّـن دفه وتركه/بكيفك عاد/مشى/
غصنة بدلع/باستا بنكهة السوس لو سمحت لاتتاخر
نواف رفع يده لفوق
غصنة جرت ورا بـيّـن
بـيّـن تنهد يناظر قفاه
مُحارب وقف من حسه به يقترب ثم التفت له بابتسامة شاحبة
بـيّـن فتح يديه وضمه
مُحارب توسط حضنه بدون يضمه خنقته عبرته/سامحني يابـيّـن سامحني
بـيّـن/والله ماتسوى شي وانا اخوك يشهد الله ماتسوى لاتضيق خاطرك
مُحارب مارد
بـيّـن/لاتخاف بأطلعها من ظهرك لاتخاف/تركه ورجع يده ورا رقبة محارب والتفت وراه التقت عينه بعينه وتجاهله/
الجد طاهر ماأبدى اي ردة فعل لتصرفه
بـيّـن طاحت عينه على جدته الراجعة من مكان صلاتها متجهة لبيتها/ابي امرح عند جدتي الليلة/شد على رقبة محارب يبين تعبه/
كلهم التفتوا يطالعونه بصدمة
الجدة حمدة التفتت له وبحدة/تعقب وتخسي مالك ممراح عندي!!
بـيّـن وقف متظاهر بتعبه رغم انه تعبان فعلا لكن مايوضح ابدا تعبه عكس هالمرة
مُحارب رجع يده من ورا ظهره يسنده
الجدة حمدة قطبت حواجبها بغيظ تناظره
منيرة اسرعت بخطواتها وبين يديها الاكل نزلته وبخوف واضح مسكت يده/يايمه اخز ابليس وامرح عندي
بـيّـن مسك يده ورفعها له وقبّلها/يااميمتي يشهد الله مانويت ولاقويت ازيد الضيق ضيق
منيرة/افا يايمه افا ذالحيـ
بـيّـن قاطعها/وخابر القلب ماياسع بيّن لحاله الا ياسع كونه كله معه
منيرة برجى/ياوليدي
بـيّـن مقاطع/يااميمتي تكفين/ التفتوا اثنينهم من وصلهم تنهيدتها العميقة/
الجدة حمدة رفعت راسها للسما/ يارب هماني متعوذة من ابليس واعوانه علامك سلطت اعوانه علي يارب
غصنة كتمت ضحكتها
الجدة حمدة/والله اني احبك يارب تكفى فكني من اعوانه طالبتك
الجد طاهر وقف/امرح يابين الليلة
بـيّـن مارد وتجنب يناظره
الجد طاهر/وبالمكان اللي تبيه
الجدة حمدة اسرعت بخطواتها/حسبي الله ونعم الوكيل حسبي عليك ياابليس وعلى اعوانك قبلك حسبي الله ونعم الوكيل وش ذا العلم اليهودي الليلة بينجس بيتي حسيبك الله ياطاهر حسيبك الله
بـيّـن ضحك وترك محارب/الليلة جدتي مابترقد من الهوجاس
منيرة/بـيّـن ارقد الليلة هنيا
بـيّـن بعذر كاذب/لا مااقدر اترك طرق لحاله يمه ماقدر
............................
<<بيت الجدة مضاوي>>
ولاء تناظر الصغيرة النايمة قدامها على فرشة بالارض برا الغرفة بالحوش تحديدا بضيقة/جدة حرام من جدك نتركها كذا
مضاوي بغضب تكتمه/اسكتي انتي مالك دخل
ولاء/ياجدة
مضاوي بعصبية/اص عني اصه
رازي دخل بابتسامة/غزالتي من مزعلّها
//ناظروه//
رازي رفع يده/سلام عليكم/اسرع بخطواته وعينه على بنته رفعها من عالارض/ليه كذا؟!!
مضاوي بغيظ/لاسلام معك ولا كلام/أشرت بيده على الصغيرة/ذا وش؟
رازي ناظر ولاء
ولاء هزت راسها بلا
رازي تنهد/طبنتي ياجدة بنتي
مضاوي/صدق ياتبارك الرحمن ومِن مَن ان شاء الله هاه
رازي بوسع عيونه/من حرمتي اكيد
مضاوي انفجرت/حرمت عيشتك ياقليل الخاتمة
رازي/ياجدة
مضاوي/لاتكلمني دامك سويت كل شي لحالك رح ودبر امورك لحالك
رازي تنهد/ياجدة
مضاوي/لاتناديني ماجبتها الا وانت مبتلش بها
رازي بضيق/توفت امها ياجدة
ولاء تغير وجهها
رازي/وين أروح بها
مضاوي/مالي شغل فيك دبر عمرك اطلع برا
رازي بعناد نزلها بالارض/ابشري انا طالع
مضاوي اتسعت عيونها/ولد
رازي خرج
ولاء ناظرت جدتها/والحين
مضاوي/طلعيها برا
ولاء بوسع عيونها/جدة
مضاوي بعصبية/طلعيها
ولاء بنرفزة/حتى انا مالي شغل تفاهموا انتي ورازي مع بعض بكيفكم/مشت وتركتها وسط صوت خلخالها اللي غطى المكان/
مضاوي برفعة ضغطها وهالمرة نطقت اسمها صح/ولاء بنت بنت
ولاء دخلت غرفتها وقفلت الباب وراها
الصغيرة صحت والتفتت حولها ناظرت مضاوي اعتلت وجهها ملامح الخوف وانفجرت تبكي
.......................
رازي(٢٨سنة)،،،ولاء(٢٢سنة)
........................
<<بيت الشيخ>>
بفروة رجالية باللون الاسود ومتلثمة بسالها المميز تتسلل بخطوات هادية مراقبة الوضع من حولها فتحت باب غرفته دخلت بهدوء قطبت جبينها بغيظ لعدم وجوده
عزيز راجع لغرفته من مجلس القرية بعد ماجلس شوي مع بارود وسهم يمشي بخطوات بطيئة ويده على جرحه غافل عن انظار اللي تتأمله بحب وقف على باب غرفته المفتوح باستغراب
يـقـيـن خرجت من غرفته والتقت فيه
عزيز اتسعت عيونه عرفها عرف العيون والزول كله كيف يجهل أحب مخلوق بهالكون لقلبه
يـقـيـن احتدت نظرتها
عزيز/يقين أنا
يـقـيـن خرجت السكينة من جيب فروتها ووجهتها له وبدموعها لمصاحبة لصوتها المبحوح/مووووت!!
عزيز تراجع لورا مبتعد عنها/يقين
يقين توجه السكين له لكنه مستمر يتراجع لورا بدون يمسكها او يأذيها/يـقـيـن اسمعيني
يـقـيـن مدت يسارها مسكته من ياقة ثوبه تثبته وحركت يمينها بكل قوتها
عزيز استسلم لها بضيق
ريوف وقفت بينهم
عزيز انصدم من تواجدها
ريوف مسكت السكين بيديها من الجهة الحادة
يقين اتسعت عيونها بصدمة
ريوف بصراخ/اتركيه يامجنونة اتركيه
يقين نزلت نظرها لموضع السكين ارتاحت من شافتها بين يديها ماتأذت بجسمها احتدت نظراتها ودفتها بكل قوتها
ريوف طاحت عالارض ورفعت يديها بوجع
يـقـيـن حركت السكين باتجاهه بقهرها/مووووت ياعزيز موووت
ريوف صرخت/يااااجدة
الجدة مبروكة وقفت بينهم على مسافة بسيطة وحركت عكازها بكل قوتها وضربت يـقـيـن بعكازها على يدينها
يـقـيـن طاحت السكينة من يديها وضمت يديها لصدرها بوجع
الجدة مبروكة رفعت عكازها وبدت تضربها ورا بعض/يامال العمى يابنت منصور
يـقـيـن انحنت شبه جالسة من ضربات جدتها المتتالية
عزيز ضم جدته من قفاها/ياجدة يكفيها ياجدة يكفي
ام سطام ضمت يـقـيـن لها/يمه خلاص يايمه خلاص
الجدة مبروكة دفته/اقلعوها عن عيني لاأذبحها ذا الليلة اقلعوها/مسكت يده ومشت باتجاه غرفته/
ام سطام تركت يقين ومشت بخطوات سريعة لريوف بفجعة/وش فيك وش صار لك
ريوف ناظرت يقين بدموعها
يـقـيـن وقفت ومشت ورا جدتها وعزيز باصرار
الجدة مبروكة التفتت لها ووقفت بينهم وبتهديد/ورب السموات السبع واللي فيهن ان قربتي خطوة ماتنامين الليلة غير بقبرك يايقين
يـقـيـن وقفت وعينها عليه ورا جدتها وسط دموع منسابة الحاجز بينهم بسيط لكن صعب عليها تتجاوزه وكثير
عزيز شتت نظره عن نظراتها ودخل غرفته
الجدة مبروكة دخلت وراه وقفلت الباب
عزيز تنهد والتفت لها/سامحيها ياجدة سامحيها
الجدة مبروكة ضربته كف على وجهه بكل قوتها
عزيز ناظرها بصدمة
الجدة مبروكة وبحدة/وش انت مسوي بيقين ياعزيز وشو؟
................................
،،بالمكان حول بيت بـيّـن،،
بـيّـن جالس وجنبه ابريق الشاهي يشرب منه يناظره عن طرف وباقي رافع خشمه بـشـوفـة نفس عليه/هاه بشّر وش سوت
رازي قباله دافوره وابريق شاهيه فوقه يضبطه جالس وبينه وبين بـيّـن مسافة كعادتهم/أبد حبّت راسي
بـيّـن/عينت أحد تضيفه الليلة
رازي/ارض الله واسعة مابه خلاف بسيطة
بـيّـن قطب جبينه ينتظره يطلبه يبات عنده
رازي/تخبر الواحد ماوده يضيق على الناس تخبر محد يداني احد الحين
بـيّـن ميل فمه بخيبة فرصة التمنن راحت عليه
رازي دخل يده بكيس الكاجو جنبه وياكل
بـيّـن وعينه عليه تنحنح/أخبر ان اهلك كرام ولا انت اعقب مامن كرم
رازي ميل فمه بضحكة وطنشه ولا رد عليه واستكمل اكله لهالكاجو تحت انظاره نزل ابريقه وصب له بكاسه
بـيّـن بانفجار/ووجع عطني من ذا اللي تقرط فيه قرطوا عظامينك
رازي زفر والتفت له وهو رافع حاجبه/الواحد لاطلب يطلب بأدب!!
بـيّـن عزت عليه نفسه/ووجعوه ماابيه هونت اقرط فيه ليوم الدين
رازي ضحك بصوت ومد يده له بدون لايطالعه
بـيّـن نقطة ضعفه الوحيدة الكاجو مد يده بخجل وصاد بوجهه يحفظ مابقى منه
رازي نزل الكاجو بيد بـيّـن وهو يدري بحبه له/ترا عند بابك كيلوين جبتها لك شفت اني حبيّب مير الشكوى لله مبتلى فيك
بـيّـن التفت وسط اتساع ابتسامته/إلااا مااطيبك واطيب اهلك انشهد انك كريم ابن الكرام
رازي ضحك وهو يرمي كاجو لفوق ويلقطه بفمه/ايه بس هالهرج منوخذ خيره
بـيّـن اتسعت عيونه وبشك/انت تركته عند اي باب؟
رازي التفت له وسط ابتسامته
بـيّـن فز واقف وجرى/نعنبوا الكرم اللي من ورا ذا الوجه صرخ طرق ياطرق لاتغدي يم مقاريطي لاتغدي
رازي ضحك وتمدد عالارض وهو يناظر السما وسط صوت بـيّـن اللي كسر هدوء المكان/ايه يامضاوي والدبرة معك والدبرة/رفع يده ناظر ساعته جلس/اكيد انه وصل/جلس والتفت جهة بيت بـيّـن تنهد ووقف وبيده ابريقه وكاسته متجه لهم/
بـيّـن وقف يناظره على واقف على باب بيته احتدت ملامحه ثم هجم عليه جلس فوقه وبدا يسدد لكمات متواصلة بدون توقف
رازي جلس قبالهم ورفع ابريقه يصب بكاسته وببرود/لاخلصتوا علموني
..........................
<<بيت ظاهر>>>
ضاري بزعل/يمه ليه كله ترجعيني البيت اذا جا عمي بـيّـن ليه؟
وداد بنرفزة/ماما ماما مو يمه
ضاري/ماني ببزر اقول ماما
وداد/ضاري لاتخليني اعصب عليك
ضاري/يمه هذا عمي مثل ابوي
وداد قاطعته بكف على وجهه/لا مو بأبوك ولا عاد تزعجني تجي مثل ماابي وتروح مثل ماابي لا خطّ وجهك الشارب ذاك الوقت سو اللي براسك يالله روح نام يالله
ضاري ناظرها بقهر/انتي شريرة يمه شريرة بديت مااحبك
وداد اتسعت عيونها بصدمة
ضاري مشى لغرفته بزعل
وداد بعصبية/لاتحبني انا اعرف مصلحتك بتحبني لاكبرت وتتشكرني بعد/اتجهت لغرفة النوم وقلبها يغلي من قوة الكلمة عليها دخلت وناظرته/
ظاهر نايم متكرر على نفسه وسط غزارة عرقه رغم برودة الغرفة العالية
وداد عضت شفتها بقهر واتجهت للكومدينة جنبه سحبت ادويته كلها واتجهت لدورة المياه وفتحت العلبة وحدة ورا الثانية وفضّت مابداخلها ورمت العاب الزبالة ثم سالت زبالة الحمام ورمتها داخل زبالة البيت وانحنت قبال الزبالة وانهارت بدموع كلها يأس من وضعها
..............................
<<بيت شاهر>>
سلام دقت باب المجلس
سلمان المتمدد عالفراش فز جالس ثم وقف بسرعة ورتب ملابسه/حياك
سلام دخلت بابتسامة/صاحي للحين!
سلمان حم راسه بخفة وسط ابتسامته/تعرفين الوضع
سلام/ياحظ نواف بس
سلمان/بغيتي شي
سلام تنهدت وجلست/وضعي نفسك ماعرفت انام ابي اروح البيت
سلمان جلس/الى متى كل ماجينا لامي نجبر انفسنا عالجلسة/قطب جبينه بشك/شاهر(زوج امهم)تعرض لك بشي؟
سلام هزت راسها بلا بسرعة/استغفر الله الظلم شين لا الحق يقال لا خير و لا شر
سلمان ناظرها بصمت
سلام/والله والله هاه ارتحت
سلمان زفر/علميني مو تسكتين
سلام/عشان يوصل نواف ثم محارب ثم توصل الراس الكبير بيّن وتقوم القيامة
سلمان بحدة/خليها تقوم وش عليك محد يطا لك طرف سمعتي
سلام/خلاص سلمان خلاص قلت لك ماصار شي وش فيك شبيت صاير محارب من تالي
سلمان ميل فمه بعدم رضا
سلام/اقول ماودك نرجع البيت
سلمان/الا والله قلتي اللي بقلبي قومي جيبي عبايتك ومشينا
سلام وقفت
ام خالد(زهى)دخلت وبيدها عشا خفيف وبابتسامة/توقعت انكم صاحين
//سلام وسلمان التقت نظراتهم بتردد//
سلام فركت يديها وبتردد/يمه
سلمان قاطعها/حنا بنمشي
ام خالد نزلت الاكل وجلست باستغراب/ذالحين!!ليش احد زعلكم ماامداني اشبع منكم
سلام جلست على ركبها جنب امها/لا يمه بس ننام بالبيت اريح لنا
ام خالد احتضنت كفها بين كفوفها تمسح عليه/وبيتي مابه راحة ياعيني؟
سلمان/لا يمه ماهو ذا المقصد بس
ام خالد قاطعته وعينها عالاكل بضيق واضح/زين زين ماني بجابرتكم اجلسوا وتعشوا بعدها الله ييسر امركم يايمه
#شقّ_الغَمام
سلام ناظرت سلمان
سلمان/وش فيك اجلسي كلي ترا بنمشي عالكشاف
ام خالد اخذت لقمة ومدتها لفم سلام
سلام ناظرتها واخذتها من يدها واكلتها
ام خالد اختنقت بعبرتها وهي تتأملها
سلام ناظرت سلمان
سلمان فهمها/يمه الى متى تعطين سلام وانا لا ليش يمه ليش
ام خالد بلعت ريقها تكبح العبرة مدت يدها الاكل وبابتسامة/اخاف اعطيك وتزعل خلاص ذالحين رجال
سلمان/والرجال عند امه ورع ولى؟
ام خالد مدت له اللقمة/ابشر ابشر بأطفشك كل يوم تاكل من يدي هاه علمتك
..........................
<<بيت الشيخ>>
ريوف بوجع وبدموع ملت عيونها تناظر يدها المجروحة
نور جالسة قبالها تضمد يدها بيأس من توقف غزارة دمها
ام سطام دخلت وبيدها كاسة موية
نور ناظرت امها/يمه لازم مستشفى واضح تحتاج خياطة
ام سطام جلست ودفتها عنها تبعدها/عمرك سنعتي شي اسكتي بس
نور وقفت وخرجت من الغرفة
ام سطام تشد الشاش على جرح ريوف
ريوف/يمه بتسكتين عاللي سوته فيني
ام سطام بدون تناظرها/ارحمي اختك يكفي مافيها
ريوف اتسعت عيونها/احسن تذبحني عشان يخف اللي صابها!!وش ذنبي انا!!
ام سطام/لاتحسبين غايب عن عيني شي ياريوف
ريوف قطبت جبينها
ام سطام/ريوف شي ماهو بلك لا تطمعين فيه خليك قنوعة
ريوف قطبت جبينها
ام سطام تنظف المكان حولها تنهدت/قلت بكرة تكبر وتعقل وتكبرين وكل شي لاختك يزين بعينك
ريوف احتدت نظرتها وبقهر/بس هي ماتحبه
ام سطام مسكت يدها بين يديها وضغطت على جرحها
ريوف سحبت يدها وبوجع/اااه
ام سطام/ذا اللي بتحصلينه ياريوف
ريوف هلت دموعها من وجع قلبها اكثر من وجع يدها/ليه يمه ليه
ام سطام ناظرتها مدت يدها لخد ريوف مسحت دموعها بخفة/عمره ماكان لك ولا بيصير لك حتى عيونه تقول هي بقلبه حتى لو صدته انتي مالك مكان عزّي نفسك اللي مايبيك لاتبينه اسمعي كلامي وانا امك
ريوف نزلت نظرها وبغبنة/ابشري يمه ابشري
،،،عند سطام،،،
سطام بغرفته متمدد على سريره مستند على يديه تحت راسه يناظر السقف بتفكير يسترجع مادار بينه وبين الجد طاهر
،،صباح اليوم،،
،،بيت الشعر،،
الجد طاهر نزل فنجال قهوته بدون يضيف سطام/خير ولد منصور وش بغيت؟
سطام فك لثمته ونسف شماغه على راسه وشنطته جنبه عالارض/جيت يمك أجدد الطلب وأذكرك الوعد
الجد طاهر ناظره للحظات بصمت/مااشوف معك أحد؟
سطام/أنا لحالي أكفي وأوفي
الجد طاهر/ونعم ونعم محد اطرا شي مير انه
سطام قاطعه/انت عطيتني كلمة
الجد طاهر اتسعت عيونه/أبدًا ولا قاله الله!!
سطام يناظره بوسع عيونه بصدمة
،
،
~~قـبـل ٤سـنـوات~~
،،الـمـسـتـشـفـى،،
سطام(٢٠سنة)واقف قباله شاد على قبضته برجفة صوته/تكفى ياعم زوجني اياها تكفى
الجد طاهر بحدة/انت ماتمل من الخزى
سطام يرجى/تكفى ياعم لاتردني تكفى
الجد طاهر صد/لاحول ولاقوة الا بالله لاحول ولاقوة الا بالله
سطام بوجه ينطق باحساس الذنب/سلام برقبتي ليوم الدين ياعم برقبتي
الجد طاهر ناظره/ياولد عفينا وسامحنا وشو له تغثنا بهالكلام
سطام/ياعم طالبك لاتردني تكفى
الجد طاهر ناظره برحمة/ياسطام رح لبيتكم رح
سطام ناظره باصرار وبعدم تراجع
الجد طاهر تنهد/تدري عاد لا قامت بالسلامة يصير خير
سطام/قامت ياعم قامت يشهد الله هالخبر ماوصلني والسلام هالخبر واقفة عليه حياتي من سنة سنة بطولها وعرضها كل مافيها واقف بمحله/بعبرته/توها توها اليوم أشرقت الشمس توه بدا يومي من سنة توه
الجد طاهر ناظره بتفكير/خلاص ان شاء الله انت بس رح
سطام/سلام لي ياعم
الجد طاهر/ان شاء الله
سطام بتأكيد/سلام لي ياعم
الجد طاهر/يصير خير ان شاء الله
،
،
الجد طاهر/قلت وقتها يصير خير
سطام/وانا عدتها مرتين سلام لي وقلت ان شاء الله
الجد طاهر/ان شاء الله يصير خير
سطام يناظره بقهر
الجد طاهر/ياولد منصور خوفي أتمم وثم يقونك الحريم وهاذي ماهي بسلومنا
سطام بحدة/ماهو انا اللي يثنني حريم!!
الجد طاهر ضحك من قلبه/حنا كل ابونا فوقنا حرمة ياسطام
سطام وقف بغيظ/انا ابيها على سنة الله ورسوله
الجد طاهر/وانا ماارضى لبنيتي المهانة
سطام/محد يهينها وراسي يشم الهوا
الجد طاهر تنهد/يكرم راسك رايتك بيضا مير ياولدي اللي ماتقدره لاتركبه
سطام/ياعم
الجد طاهر صب له فنجال ومده له يسكته/سم
سطام ناظر الفنجال ووقف/يكثر خيرك عساها دايمة/مشى/
،
،
نور دخلت/سطام
سطام تنهد وجلس بشويش/نعم
نور/قم خذ ريوف للمستشفى
سطام عقد حواجبه/وش فيها بعد
نور/يقين نوت عزيز وماصابته
سطام فز من سرير وجرى
سطام وقف قبال الباب وفتحه ماانفتح معه دق عليه وحاول يفتحه
نور وقفت عنده همست/أمي قفلت عليها
سطام ناظرها بتقطيبة جبينه/وليش ان شاء الله!!
نور/جـ/التفتت للصوت/
ام سطام/خير خير وش فيك مرتكب الدنا وش صاير
سطام التفت/مين قافل الباب؟
ام سطام/انا وش بتسوي
سطام تركها وبدا يدف الباب
ام سطام اتسعت عيونها/ولد صاحي انت!!اتركه ماحنا ناقصين مصايب اتركه الى ماتهدا
سطام ضرب الباب بجسمه بكل قوته وانفتح
يقين جالسة على سريرها ملتفة بفروة أبوها محتضنة نفسها وسط دموعها رفعت عيونها للباب من سمعت صوت كسره
سطام بوسط انفاسه/يقين
يـقـيـن انسابت دموعها وفزت من سريرها وجرت مارة من بينهم
ام سطام اتسعت عيونها/امسك اختك انهبلت ماهي بصاحية
سطام جرى وراها واحتضنها من ورا يوقفها
يـقـيـن تتحرك بين يديه بانهيار وسط دموعها وتمتمت شفايفها هذا اقصى حيلتها خذلها صوتها اللي رفض يعتلي ويصدح بالحقيقة بوسط هالبيت
سطام/والله والله يصير اللي تبين انتي اهلي وفهميني اهدي يايقين وش اللي صاير وشو
يـقـيـن وقفت حركتها وماقدرت توقف دموعها
سطام فك يديها عنها بشويش اول ماحس بهدوءها ولفها له يناظرها وانصدم من دموعها تعود على يقين قوية ماتعود عليها بذا الضعف ابدا/وش صاير وانا اخوك وش صاير سلمت عليك اليوم مابه ازين منك وش اللي غير الامور وقلب الحال
يـقـيـن عضت شفتها بقهر وسط دموعها
سطام/علميني وعهد الله اني لاآخذ حقك منه
يـقـيـن دفنت وجهها بحضنه وسط شهقات قهر صامتة مايدل عليها الا اهتزاز جسمها بخفة بين كل شهقة والثانية
سطام حاوطها بيساره ولامس راسها بيمينه وهمس/عزيز؟
يقين هدت شهقاتها
سطام المنتظر لاي اشارة تأكيد لشكوكه بعد اللي حصل أمس تركها وجرى بجنونه للغرفة المتواجدة باخر البيت وبينهم جدار فقط
ام سطام اتسعت عيونها جرت وراه/الله لايوفقك يايقين
.
،،غرفة عزيز،،
مبروكة وبحدة/وش انت مسوي بيقين ياعزيز وشو؟
عزيز نزل راسه/سمعت شي المفروض ماتسمعه ياجدة
مبروكة أخذت نفس وشدت على راس عكازها مابين يديها هاليومين مرت عليها أشياء أكثر من اللي مرت بها سنين وهالشي بدا يقلقها فعلا/وشو اللي المفروض ماتسمعه ياعزيز
عزيز/سالفة نور و سالفة عمي
مبروكة بحدة/وش اللي عرفته هاه وشو
عزيز تنهد/يوم إنه
مبروكة رفعت يدها تسكته
سطام بخطواته السريعة ضرب الباب برجله بكل قوته
مبروكة بفجعة دخلت يدها بجيبها واتصلت/ولد يابارود افزع خيبك الله افزع يمي
سطام بصراخ يضرب عالباب/اطلع اطلع يالرخمة اطلع/ضرب ضربتين وفتح الباب معه وبنظراته المحتدة مشى له بخطوات سريعة/
مبروكة وقفت بينهم/خير ماكفاك اللي عينته بالمستشفى؟
سطام بصراخ/تعال يالرخمة تعال طول عمرك وانت واقف ورا الحريم تمرجل وتعال خلك رجل لو مرة وحدة وتعال 
ام سطام وقفت بينهم وضربته كف على وجهه/اعقب ياقليل الحيا
سطام ناظر امه بحدة/ذا تعدّى على بنتك وواقفة معه!!
عزيز بوسع عيونه/والله مالمستها!!
سطام ضحك/من يشهد لك ياأبا الحصين قال ذنبي
مبروكة/تعقب وتخسى ماالحصني الا انت واشكالك ارفع علومك
سطام بقهر/طول عمري علومي ماتعرف الا اعالي السما مير اللي متمرغ بالقاع وش دراه/ناظر عزيز/اطلع خلك رجل
عزيز تحرك من مكانه
مبروكة مدت يدها تمسكه ومسكت طرف ثوبه
عزيز سحب نفسه من مسكتها الخفيفة وكمل طريقه
مبروكة برعب/عزيز عزيز
ام سطام مسكت سطام من يده بقوة وضغطت عليه/اطلع برا اطلع
سطام ناظرها بنظرة حادة لاول مرة
ام سطام قشعر كل جسمها من نظرته
عزيز وقف قباله/ياولد العم ماني بخسيس يشهد الله مالمستها
سطام مسكها من ثوبه ورماه عالارض بكل حيله
مبروكة بفجعتها تتحسس الاماكن حولها صرخت/يابارود الله لايسلمك وينك افزع سطام دخل يده بجيبه وخرج سكينة الجيب وفتحها بسرعة وانحنى
عزيز غمض عيونه باستسلام
يـقـيـن احتضنت سطام من ورا توقفه وشدت عليه وسحبته لورا
ام سطام انتظر اللي يصير بصمت
سطام مد يديه ليديها يفكها عنه بصراخ/فكيني فكيني
يقين بدموعها وتردد بنفسها لنفسها/لا ياسطام يكفيك ماجاك يكفيك تكفي رميتك له انا بأكمل الباقي عنك أنا
بارود وقف عندهم ووقف عزيز ورجعه وراه ولكم سطام المنشغل بيقين
سطام تراجع لورا  وتعثر من يـقـيـن اللي وراه وطاح عليها
عزيز مسك بارود وبحدة ودفه لورا/بارود!!
بارود ناظره/اجل يذبحك واتفرج!!
مبروكة مادة يديها احاول توصلهم مسكت يد بارود وقفت عندهم/وينه الخسيس النذل وينه؟
بارود/قبالك ياسحاب قبالك
مبروكة بحدة/وينها يـقـيـن وينها جيبوها لي جيبوها
سطام وقف ووقف معه يـقـيـن يتطمن عليها/فيك شي صابك شي
يـقـيـن ماردت وعينها مثبتة عليه بحدة
عزيز عينه عليهم رغم انها للحين بفروتها وبلثمتها الا انه ماغابت عن عينه نظراتها اللي تنطق بكره وحقد صريح له تنهد بحزن على نفسه وعلى مصيره معها
بارود/ورا سطام ياسحاب
مبروكة بغبنة/بنت يايقين عليك الله ووجه الله عزيز قرب منك؟
يـقـيـن هزت راسها بلا وسط دموع ملت عيونها
سطام اتسعت عيونه وهمس/يقين
مبروكة/حلفتك بالله امس لو هو شعرة منك؟
يـقـيـن عضت شفتها بقهر وهزت راسها بلا
سطام مسكها من يدها وشد عليها/لاتخافين احد وانا معك
يـقـيـن ناظرته وهزت راسها بلا
سطام قطب جبينه بضياع بين يصدقها او يكذبها
يـقـيـن شدت على يده وهزت راسها بتأكيد بلا
سطام ناظرها بعدم فهم
مبروكة ناظرت سطام بغبنة/هذا انت طول عمرك مثل ابوك امشي على رايك بدون تتثبت
سطام التفت يناظرها بحدة
مبروكة/ولد يابارود
بارود/سمي
مبروكة/خذه واجدعه بذيك الغرفة بدون لا عيشة ولا قطرة ما خلنا نشوف اللي بأعالي السما كم يبي له حتى ياصل القاع ويعرف من يكون
......................................
سهم جالس بالبر فوق مكان مرتفع نسيبا حتى يوصله ارسال بلواقط مختلفة متصلة بلابتوبه ويقلب بين المواقع ينسخ الارقام بجواله يراسلهم ويتعمد يشغل برامج تغير موقعه رفع يده يناظر ساعته ميل فمه بغيظ وزفر يهمس لنفسه/هين هين
.........................
<<عند بيت بـيّـن>>
بـيّـن وقف يناظره على واقف على باب بيته احتدت ملامحه ثم هجم عليه جلس فوقه وبدا يسدد لكمات متواصلة بدون توقف
رازي جلس قبالهم ورفع ابريقه يصب بكاسته وببرود/لاخلصتوا علموني
،
،
،،قـبـل ١١سـنـة،،
،،المدرسة الثانوية،،
بـيّـن(١٦سنة)بوقت الفسحة يجري بابتسامة ونط على ظهره
سهم(١٨سنة)ابتسم وشاله
بـيّـن مد يده على رازي الجالس بزاوية جدار المدرسة وجنبه ديوان/الى الامام ياطالب
سهم رفعه وثبته وجرى فيه
بـيّـن اعتلت ضحكته
عزيز(١٦سنة)ميل فمه بعدم اعجاب وعينه عليهم وباستغراب/بارود وش العلم!!
بارود(١٦سنة)باستغراب/علمي علمك
عزيز/هماه البارح مرتمي عند جدتي يترجى علامه اليوم!!
بارود/كود انه ناوين شي ياعزيز
عزيز ارتفع حاجبه/انت علمته اللي وصيتك
بارود هز راسه بايه
عزيز التفت له قطب جبينه وبشك/لايكون علمت جدتي
بارود هز راسه بنفي قاطع/لا لا والله مااطريته ابد
عزيز ابتسم/زين خلنا نشوف صدقه من كذبه
سهم وقف عند رازي
بـيّـن رفع نفسه ودعس على ظهر سهم ونط من فوقه بابتسامة
سهم جلس وسط انفاسه السريعة
بـيّـن جلس جنب ديوان وفتح له عصيره ومده له وبحب من كل قلبه ظاهر على محياه المبتسم/انا ليه كل مااشوفك ينشرح صدري
رازي(١٦سنة)وعينه على بارود وعزيز/من كثر ذنوبك تدور الراحة حولك
بـيّـن فز على ركبه ومسكه من ياقته/تعقب وتخسى
رازي وقف مع سحبته على ركبه ومسكه من ياقته مثله/مايخسى الا انت
ديوان(١٦سنة)وقف على ركبهم وبتأتأة/خـ.خـلاص مـ.ـاتجلسون إ إلا تتهاوشون
سهم تنهد ووقف يفكهم/خلاص عاد فكونا اقطع ابوها عيشة كل ماقعدنا تهاوشتوا
رازي/يفكني وأفكه
بـيّـن/انت فك أول
سهم وقف ورمى نفسه فوق يديهم
//بـيّـن ورازي تركوا بعض//
رازي ناظر سهم/ولد انت مسوي شي لهذولاك
سهم قطب جبينه/من؟!!
رازي بدون لايلتفت لهم/اللي وراك
بـيّـن التفت ورا بفضول/مين مين
رازي مد يده وسحبه/ووجع يابـيّـن ووجع عزيز عزيز لاتلتفت فكنا ناقصين حنا أمس متلاعنين معهم ماني بناقص جدتي حلفت ارقد بالشعيب لو عدتها
بـيّـن ضحك/ محد جاب يمي طاري
رازي/انت مرفوع عنك القلم من كثر سوابقك محد يشره عليك
بـيّـن/مردّه على اسمي بـيّـن مااغلط على احد اخذ حقي وبس
رازي/امسك ارضك وفكنا
بـيّـن/ايه يازين مضاوي محد يعرف لك كثرها/تحرك بيوقف/
رازي شد على يده/اهجد بس فكنا
بـيّـن دف يده/تعقب ماهو بأنت اللي تهجدني
ديوان مسك يده/بـيّـن خلاص
بـيّـن جلس بابتسامة/ابشر
سهم ساكت بتوتر
ديوان قطب جبينه بشك وعينه عليه
رازي مد سبابته الوسطى ولامس ركبة سهم بخفة/هيه
سهم ناظره بابتسامة/لا ماقربتهم ولا قربوني ابد اليوم
بـيّـن/تحرص بس دام رازي لقطهم ترا ظنه مايخيب
سهم وقف/انا رايح عند الشلة جيت اشوف ديوان ورايح
بـيّـن حاوط رقبة ديوان بيمينه/افا عليك افا كم له وهو معنا لذالحين ماتأمن!!
سهم ابتسم/الا كفو ومليون كفو/مشى/
،،بعد المدرسة،،
//عزيز وبارود واقفين قباله//
عزيز/خير وشو له منادينا
سهم واقف وراه البركة رمى الحبال عند رجولهم
عزيز ارتفع حاجبه
سهم/اربطوني واجدعوني بالبركة
بارود اتسعت عيونه بصدمة
عزيز دخلت مزاجه الفكرة تكتف وبابتسامة/وثم؟
سهم/ماعليكم من شي تيسروا انتم
،،بعد فترة،،
بـيّـن بوسط انفاسه/عينته؟
رازي ثنى يديه حول وسطه بانفاس سريعة همس/لاا مالقيته
ديوان وقف عندهم/ماعينته؟
بـيّـن/والدبرة ذالحين؟
رازي اتسعت عيونه/سهم يذاكر عند البركة
//عزيز وبارود مروا من جنبهم وكرروا نظراتهم وسط ابتسامة//
ديوان جرى
بـيّـن لحقه/ياعيال ####
،،الليل،،
>>الـشـرطـة>>
المحقق بملل من كثر الاستجواب ونفس الكلام بينهم/تراكم مفضوحين مفضوحين واللي علم عليكم منكم وفيكم
بـيّـن عقد حواجبه
رازي/سهم صحى اسأله بيعلمك
المحقق وقف وبطفش/ياعسكري دخله
بـيّـن التفت للباب
ديوان دخل بخطوات راجفة وتوتر
رازي قطب جبينه باستغراب
بـيّـن اتسعت ابتسامته وجرى له وقف قباله/بشر عساه طيب
ديوان مارد
بـيّـن توتر/ولد لاتروعني سهم طيب ماله خلاف صحيح
رازي مد يده وسط ملامحه المحتدة ومسك بـيّـن من يده يسحبه لعنده
بـيّـن دف يده من رازي باستغراب/ديوان علمه ان البلا عزيز وبارود حنا مالنا شغل
ديوان شد على يده وبتأتأة بسيطة بداية كلامه/بـ.بـيّـن و و رازي هم اللي ربطوه وجدعوه بالبركة
بـيّـن اتسعت عيونه بصدمة
،
،
ديوان ويديه حول وجهه/بـيّـن بـيّـن
رازي يتقهوى
بـيّـن مستمر يلكمه رغم وجع يديه بغبنة/علمتك لاتشوفك عيني علمتك
ديوان/خابر وجهي يجيب لك الراحة
بـيّـن انفجر وضربه راسه براس ديوان بغبنة
رازي وقف وسحب بـيّـن/خلاص خلاص
بـيّـن يتحرك بين يدين رازي/الا شوفتك تدبل الكبد ياعلّك بديلة الكبد اي والله
ديوان وقف ومسح الدم عن وجهه/سويت ماسويت عشانك
بـيّـن هدا بين يدين رازي
ديوان/دريت إنا من برا مانقدر على شي
رازي ابتسم ورجع يده ورا رقبة بـيّـن وشده له/خابرك فطين
بـيّـن بحدة/وتصدقه!!عقب غدرته تصدقه
ديوان/وش حيلتك إلا انك تصدقني
............................
<<يـوم جـديـد>>
...........................
<<بيت مضاوي>>
مضاوي جالسة قباله تناظره بحدة وبحضنها الصغيرة تاكل بسكوتة بين يديها 
ولاء بصوت خلخالها اللي غطى المكان نزلت القهوة وجلست جنب رازي قبالها
مضاوي ناظرتها بحدة
ولاء قامت من مكانها وجلست جنب جدتها
رازي جالس قبالها شاد على قبضته ينتظرها تبادر نزل نظره لبنته وبابتسامة/تعالي بابا تعالي
مضاوي بعد لحظات صمتها مسحت على راس الصغيرة بحضنها/مالك شغل فيها وعلمني ياولد المثنى متى رديتك عن شي؟
رازي سكت
مضاوي بحدة/متى طردتك عن شي ودك به هاه علمني يارازي علمني
رازي/يشهد الله رايتك بيضا ياجدة ماقصرتي معي بشي ابد
مضاوي/وليه الغدرة/رجف صوتها/ليه تحرمنا من هالفرحة  ليه وش سوينا لك حنا وشو
رازي فز واقف وقبّل على راسها مسك يدها حتى يقبلها
مضاوي دفته عنها بزعل/ابعد عني ماهميناك بأفراحك جاي ذالحين يومك بلشت ابعد عني
رازي ضمها له/والله ياجدة لاعرفتي السالفة تعذريني تعذريني
مضاوي بعتب/خاف ربك معك بزر وتقول أعذرك وانا اقول غاط عني به بلا صايبه شي ماندري به
رازي/ياجدة يشهد الله ماهي عالكيف حصل ماحصل
مضاوي/اصدقني وين أمها؟
رازي/راحت عند ربها
مضاوي/واهلها؟
رازي شد على يده للحظة تردد بسيطة واختفت
ولاء قطبت جبينها تعرف اخوها زين
رازي/مقطوعة يمه
ولاء ميلت فمها ماعجبها كلامه
مضاوي تنهدت وناظرت الصغيرة بحضنها وقبلت جبينها/واشيب عيني عينها الضعيفة
رازي ابتسم وجلس جنب جدته/جدة
مضاوي دفته/ابعد وشو له جالس جنبي
رازي ابتعد من دفتها بخفة ورجع جنبها وحضن يدها/جدة ياجدة
مضاوي ناظرته عن طرف/والله ماشفع لك غير هالصغيرة ولا انت بلقعة وادرين يالقطوع
رازي/سامحيني ياجدة سامحيني
مضاوي تنهدت وضمته لحضنه هو وبنته/وانا أقوى زعلك ياولد مثنى اقوى
.................................
<<بيت الشيخ>>
سهم ينتظر ساعته يدق برجله عالارض بغيظ
ديوان وقف عنده بوجهه الممتلي كدمات
سهم اتسعت عيونه ومد يده لوجهه حتى يلمسه
ديوان رجع راسه لورا
سهم/قابلته!!
ديوان/وعطاني المقسوم
سهم بغبنة/وشو له رايح اه هاه وشو له
ديوان/مارحت تصادفنا
بارود فتح الباب/حياكم
مجلس صغير داخل البيت
سحاب جالسة بكامل حشمتها ويزينها الشال الاسود اللي يميزها هي وحفيداتها وبابتسامة/هلا ياهلا ومرحبا هلا بمن بيعزون سحاب عقب خيبت هقواتها
سهم ابتسم/الله يسلمك ياسحاب الديرة الله يسلمك
ديوان ملتزم الصمت
سحاب/وينه خويك ماله حس
سهم التفت له بحدة
ديوان بتأتأة مقصودة/الـ.الـ.الله يسلمك
سحاب/بارود
بارود/سمي
سحاب دفت الشنطة/خذ عزيز وروحوا يم المجلس اهل الديرة يحترونكم واصبر الى مايجيك سهم وديوان
بارود/ابشري ابشري /خرج/
سحاب بابتسامة/هاه ياسهم بشر؟
سهم/متى الحداد ياسحاب
سحاب/عقب يومين
سهم/زين اللي اتفقت معه عقب اربع ايام
سحاب ابتسمت/وخويك وش قوله؟
ديوان/مالي قول الى مااشوف المنطقة بالاول واعرفها زين
سحاب/زين على زين
بارود دخل بوسط انفاسه السريعة/ياعمة سطام
سحاب/علامه سويد الوجه
بارود/كاسر الباب وهاج
سحاب احتدت نظرته/افزع لعزيز لاتكبّه لحاله
بارود خرج
................................
،،قبل مدخل المجلس،،
بـيّـن جالس ثاني رجوله متكي بظهره عالجدار وبيده خيزرانه باللون الاسود يضرب بطرفها عالارض بانتظار
عزيز واقف يناظره بتكشيرة
بـيّـن ابتسم ووقف/هلا هلا بالشيخ ماتشوف شر
عزيز/خير وش تبي
بـيّـن/لا ابد جيت اكحل عيني بشوفتك
عزيز/وثم؟
بـيّـن/واتحمد لك بالسلامة
عزيز ناظره بشك
بـيّـن/افا افا حتى التحمد بالسلامة من الراعي ماتقبلونه يابني سمّار افا
عزيز برفعة حاجبه/الله يسلمك
بـيّـن ابتسم/وعسى الجايات اكثر واشد عونك يالله عونك
عزيز احتدت نظرته
بـيّـن بابتسامة/بنت الرجال والله اللي عرفت لك
عزيز رص ع اسنانه
بـيّـن/سبقتني هالمرة سبقتني/مشى/
عزيز يناظره بحدة/فيك خير سوها ذالحين
بـيّـن رفع يده يأشر بسلام/نام قرير العين وتريح نام
بارود وقف جنب عزيز يناظر قفا بـيّـن/وش جابه ذا
عزيز ناظره بحدة/وينك من اليوم
.....................................
<<بيت الجدة مضاوي>>
غيمة قطبت جبينها من ناظرت الباب مفتوح دخلت نزلت نقابها وطرحتها/مزعجتني البارح تعالي بدري تعالي بدري وبالاخير محد حولي/رمشت  بعدم تصديق لوجود طفل بهالبيت ابتسمت/
الصغيرة وقفت عندها ومدت يمينها وبيسارها لعبتها  بابتسامة اعتلت وجهها
غيمة انحنت عندها شبه جالسة وصافحتها/ياروحي انتي/قبلت خدها/وش اسمك ياحلوة
الصغيرة(٣سنوات)/عيمة
غيمة اتسعت ابتسامتها/وانا اسمي غيمة وين ماما اول مرة اشوفك هنيا
الصغيرة ماردت وانشغلت بلعبتها اللي بيدها
غيمة حاوطتها بين يديها/طيب مين بابا ياحلوتي انتي
الصغيرة اتسعت ابتسامتها/لادي
غيمة اختفت ابتسامتها وانخطف وجهها بتكذيب/مين؟
الصغيرة رفعت صوتها بصراخ وسط ابتسامتها/لادي
غيمة جلست تناظرها بصدمة
ولاء وقفت تناظرهم اسرعت بخطواتها/غيمة
غيمة التفتت لها
ولاء/اصبري افهمك
غيمة احتدت نظرتها ووقفت لفت عنها مشت بخطوات سريعة تحاول تلف طرحتها بيديها الراجفة بوضوح رمتها على وجهها بدون تلبس نقابها رجف قلبها وهي تناظره قدامها اختنقت بعبرتها
رازي ناظرها بهدوء ظاهر عكس داخله المرتجف بكل احاسيسه اللي تعصف به بهاللحظة شوق حب خوف خذلان تأمل رجفة يديها الواضحة المشابه فعليا لداخله بلع ريقه وده يبرر لكن كيف يبرر لشخص مااصبح حلاله للحين
غيمة شدت على قبضتها ومشت بخطوات ثابتة مرت من جنبه وبينهم مسافة بسيطة راجعة لبيتهم
ولاء تجري وراها/غيمة لحظة ياغيمة
رازي مد يده ومسك يد ولاء يوقفها وبصوت انقطع بدايته للحظة/اتركيها اتركيها اليوم ياولاء
..................................
#شقّ_الغَمام