شـقّ الـغَـمـام

..(٣٢)..

..(٣٢)..
السلام عليكم..
اقدر اقول حودًا حميدًا❤️❤️..
لاحول ولاقوة الا بالله،،اللهم صل وسلم عاى نبينا محمد..
.
.
-
<<بيت سطام>>
ام سطام واقفة على باب غرفته بين يديها صحن صغير بداخله تمر بتردد مابين تصحيه او تتركه ينام تنهدت وفضلت تنتظره عالباب الى ماياخذ كفايته
ريوف الخارجة من غرفة النوم وقفت تناظر امها ووقفتها باستغراب تكتفت/يمه
ام سطام ناظرتها بحدة وهمست/اوووص
ريوف ارتفعت حواجبها/عسى ماشر علامك تحترينه وهو مااطول من لسانه علينا!!
ام سطام بنظرات حادة ومن بين اسنانها/كملي اشغالك وكبيني عنك!!
ريوف ميلت فمها بعدم رضا عن هالاسلوب معها
سطام فتح باب غرفته بثوبه الابيض وشماغه المنسوف على كتفه الايسر ناظر امه باستغراب من تواجدها
ام سطام بابتسامة/صبحت بالخير
سطام بملامح باردة سحب شماغه ونسفه على راسه/صبحتي بالنور والسرور
ام سطام مدت له التمر/سم وخذ لك حبة
سطام/اخذت الابرة مااقدر اخذ ذالحين شوي ان شاء الله/مشى/
ام سطام مدت يدها ليده توقفه
ريوف فكت تكتيفها وسط ارتفاع حواجبها من فعل امها
سطام وقف والتفت لها باستغراب
ام سطام نزلت التمر بالكيس اللي ملتف حول الصحن/خذه معك تفك الريق عليه شوي
سطام ناظرها بتفكير تنهد ومد يده اخذه منها ودخله بجيبه/كان بغيتوا شي اتصلوا علي/مشى/
ام سطام مشت وراه تحت انظار ريوف المذهولة من هالتصرف/يكثر خيرك عساه دايم تحت جناحك وانا امك
سطام اسرع بخطواته من غرابة الشعور اللي احتواه بهاللحظة فتح الباب وخرج
ام سطام/استودعتك الله فمان الكريم/قفلت الباب وراه والتفتت تناظرها/
ريوف الواقفة قبالها تناظرها بعقدة حواجبها/يمه بك شي؟
ام سطام تنهدت بندم/اي بالله مير ماهو بشي اشياء واجد
ريوف/ايه وش هي؟
ام سطام ناظرتها/اعلمك ذالحين اخوك الشيخ احترامه بالبيت واجب قبل احترامه برا سمعتي
ريوف بابتسامة سخرية/اخوي!!
ام سطام عقدت حواجبها من هالسخرية/ايه اخوك وهاه علمتك واياك تكسرين له كلمة اياك
ريوف ناظرتها بغيظ
ام سطام بتهديد/انا وانتي ياذابح يامذبوح والشاهد علي الله سمعتي/اسرعت بخطواتها متجهة للمطبخ/خلني اجهز اكل كود عود شوي
ريوف تناظزها بحيرة من تصرفات امها رغم خطورة الموضوع اللي سمعته البارح جرت خطواتها لدورة المياه بتفكير وسط هدوءها
سطام يجر خطواته باتجاه مجلس الديرة قبل يتجه لشغله وقف والتفت يناظر وراه بابتسامة/ياهلا
عازم بانفاسه السريعة/ياشيخ الخزانات لذالحين فاضيات
سطام عقد حواجبه/كيف لذالحين ماتروت؟!
عازم ناظره باحراج/رحت يم عزيز انا وعايد مير انه ضرب عايد وانا سلمت
سطام اتسعت عيونه واسرع بخطواته بغضب/رح يم عايد قلّه يلحقني يم عزيز سمعت
............................................................
.
ظاهر كفه الايمن بكفها مستمع لها بانصات وعيونه عاللي تأشر عليه بتفكير
نور واقفة بوسط محل الاثاث تأشر على كنبة باللون الرمادي قبالها بحماس/تخيلها بس مو بلونها ذا لا بلون فيروزي/بابتسامة/الله بتطلع تجنن مع طاولة ذهبي جنبها و وراها فازة شفافة داخلها ورد اصفر/التفتت له بعيون تلمع من حماسها/يمه تاخذ العقل وانا بس افكر/بترقب/هاه كيف اعجبتك؟
ظاهر ضم كفها لصدره وناظرها بابتسامته/كل شي تحطين يدك فيه اكيد بيطلع حلو
نور بشي من الزعل/خل عنك ذا الكلام وعلمني عادي نختار لون ثاني كان ماعجبك الفيروزي مو مشكلة
ظاهر ناظرها باحراج/خليني اعرف وش هو الفيروزي ثم اعلمك نغيره ولا نكبه
نور رمشت تناظره
ظاهر احتر من نظراتها/عاد انا اقول نكبها بلونها اللي بالمحل نفس ماهو
نور ابتسمت/طيب فكر بالالوان اللي تعرفها يمكن غير الابيض يعجبك
ظاهر/انا اقول اصفر
نور عبست بوجهها/اصفر!!
ظاهر/ابي البيت بكل زواية ياخذ منك شوي
نور كبحت ابتسامة الرضا وحافظت على صوتها اللي غدر بمحاولات كبح رضاها بهاللحظة وفضحها واتضح فيه كل الرضا عن قوله برجفة اتضحت للحظة/هو بيحتويني كله مثل مااحتواني راعيه وفوق كل ذا بينادونه بيت نور
ظاهر هز راسه بلا/معصي من يقول بيت نور من يطري اسمك اقطع لسانه
نور ناظرته بزعل واضح رغم النقاب اللي مغطي وجهها/ليـ
ظاهر قاطعها/اعذره واصفح عنها بحالة وحدة
نور عقدت حواجبها وضغطت على كفه بكل قوتها
ظاهر كبح ابتسامته من حس بضغط كفها
نور بغيظها/ايه والحالة تكون؟
ظاهر/كان اتبع بيت نور بكلمة
نور ناظرته باستغراب/اللي هي
ظاهر/ظاهر
نور ناظرته بعدم استيعاب/وش فيك تنادي روحك!!
ظاهر بضحكة/الكلمة اقصد الكلمة ظاهر
نور احمر وجهها من احراجها كيف فاتها نداه المعتاد لها
ظاهر/كان قال بيت نور ظاهر ماهو بس اصفح يمكن اقلطه بوسط صالتنا من زين منطوقه
نور ضحكت بخفة/ياكثر ماتلف بكلامك اخلص وش نختار
ظاهر همس لها/الهندي وده يذبحنا في ذا كم له يحترينا
نور/وانت ماحلت بعينك السوالف غير هنيا!!
ظاهر/كل ماطاحت عيني على هالمجالس مايطري علي غير قعدتك وقهوتك وصوفك تلوميني لازانت بعيني السوالف!!
نور بابتسامة/اخلص وش رايك باللي قلته
ظاهر ناظرها عن طرف/رايي قهوةٍ قبالك بدون هالسواد المخفيك عن عيني
نور برجى/ظاهر
ظاهر مشى بخطوات سريعة وكفه بكفها/والله مااختار شي الا بعد ماتقهوى واشبع نظر ومشاعر
نور برجى تمشي وراه/تكفى ظاهر خل نخلص
ظاهر رفع صوته/شكرا ياصديق ارجع بكرة ان شاء الله/همس لها/علامك والله مااقدر لازم يقند راسي بشوفتك وقهوة من يمينك
نور تنهدت باستسلام كملت طريقها معه وكفها بكفه
.................................................
<<بيت عزيز>>
عزيز صحى من نومه بملابسه الداخلية فانيلة وسروال يسحب رجوله عالارض مصدر صوت من كثر انزعاجه الواضح على ملامحه وبحدة/ماعندك صبر جاي يامال الذهاب/فتح الباب وشهق بذهول من تحرك بدون ارادته/
سطام بملامح الغضب معتليه وجهه واقف قبال الباب ينتظره على احر من الجمر مد يمينه من ناظر الباب ينفتح وثبتها على فانيلة عزيز وسحبه بكل قوته
عزيز طار من عينه كل بقايا النوم اللي كانت محتويته وصحى كل شي فيه بلحظة اتسعت عيونه من ناظر سطام وقف ومد يديه ليد سطام يبعده
سطام شده اكثر ونزله للارض بكل قوته
عزيز انحنى شبه راكع من قوة سطام ويقاوم بكل مافيه لاينحني اكثر
سطام بحدة/وتضرب المسلمين اهب مااقواك ماخفت الله!!
//عايد بوجه واضح عليه اثار الضرب وقف عندهم وعازم وقف جنبه//
عزيز بمقاومة يحاول يوقف صرخ/فكني فكني
سطام ناظر عايد وبحدة/تعال خذ حقك
عزيز اتسعت عيونه صرخ بكل مافيه ودف سطام عنه بكل قوته/تعقب وتخسى
سطام ناظره بغيظ
عزيز/هيه سطام نسيت وش انت و وش انا!!
سطام دفه لقدام وتركه/انا وانت خلق من خلق الله مثلنا مثل غيرنا
عزيز ناظره/مابقى الا انت/التفت لعايد وعازم/وهالخمّة معك تمشوني انا عزيز على ماتبون!!
سطام ارتفع حاجبه/ذا اخر قولك؟
عزيز ناظره من فوق لتحت/لا باقي اصبر
سطام عقد حواجبه يناظره
عزيز اتجه لبيته دخل وناظره/هاه اسمع اخر قولي/قفل الباب بكل قوته/
سطام زفر بضحكة خفيفة
عزيز رفع صوته بملامح كلها غيظ/عمى مابقى الا هالاشكال تتومر فوق راسي!!
سطام ناظر عايد/ولد كيف امورك
عايد/الحمدلله طيب
سطام بحدة/معصي ماانت بطيب
عايد ناظره/ياشيخ
سطام قاطعه/عازم شيل عايد على ظهرك ودر به بالديرة على عيون اهلها/ناظر عايد برفعة حاجب/
عايد فهم نظراته نط على ظهر عازم
عازم ثبت يديه اسفل عايد مثبته
سطام/عايد كيف امورك
عايد اسند راسه على كتف عازم بصمت
سطام ابتسم/احتريكم بالوايت عند المجلس لاتبطون/مشى/
عازم جرى بوسط صراخه/يابني سمّار افزعوا يمي يابني سمّار
............................................................
<<حوش وادي سرّاي>>
ديوان واقف قبال الغرفة المقفولة فتح قفلها ثم فتح بابها وقف قباله يناظره
رفع عينه يناظره بابتسامة وبرجفة صوته من طول صمته/قوى قلبك!!
ديوان ابتسم/تروعت بالاول مير ذالحين انا وانت اخويا
رفع نظره يناظره بشك/الخوة موكول خيرها وش وراك ياولد
ديوان/ياعم جد طاهر يقول لك
اعتلى صوت ضحكه
ديوان عقد حواجبه يناظره باستغراب
تنهد بابتسامة/دريت ان هالخوة ماهي بطيبة
ديوان/عليك ولّا على مبروكة؟
احتدت نظرته/طاهر وصل لهالحوش
ديوان/ماوقفت على الحوش!!
ناظره بتفكير/ياولد علامك ترمي بدون خوف
ديوان/وليه الخوف وانا مااخطيت!!
ناظره/ماتخاف اعلم عليك وعلى طاهر واللي وراكم
ديوان ابتسم/لو تبي تعلم علمت علي من مبطي ياعم
ضحك بخفة/عز الله انك ذهين 
ديوان بابتسامة/جد طاهر يقول ماودك تطلع طالت الغيبة
عبس بوجهه/بني سمّار يحلون امورهم بينهم
ديوان ابتسم/يقول ماعادت توقف على بني سمّار ويلها تعدّا وغزا المسلمين واذاهم
رجف قلبه خوف من الله من كبر حقوق الخلق عليهم وغرقت عيونه دموع وسط صمته
ديوان دخل يده بجيبه خرج مفاتيح وانحنى شبه راكع نزل المفاتيح بحضنه اعتدل بوقفته/جدي يقول بك وبلياك مبروكة قرب يومها وتخبره مايحب الغصيبة يقول لاتوريت حياك يمّنا
ناظره/هماك من بني سمّار!!
ديوان بضحكة/ماتفرق عندي من بني مَن المهم كلن ياخذ حقه ماتبقى الظليمة فوق روسنا/مشى/
بصوت راجف/ياولد علمني منصور وين ارضه؟
ديوان عقد حواجبه باستغراب وناظره/منصور شيخ بني سمار
ناظره بصمت
ديوان/الله يرفع مافيه بغيبوبة من خمس سنين بيتم الست قريب
رجف قلبه من صدمته بالخبر انهلت دموعه/ويل حالي يامنصور ويله اثر البطى ماكان بالكيف ويل حالي ويله
............................................................
.
سهم وقف بسيارته عند المحطة اللي تبعد عن الديرة الشي الكثير نزل بتردده وعدم تصديقه للمكالمة اللي وصلته قبل ساعة جر خطواته للبقالة دخل/السلام عليكم و/سكت من ناظره/
شاهر بوجه مكتسيه السواد  بتعب وارهاق اكتسى ملامحه جالس مكان المحاسب وساند راسه على المكتب قباله رفع راسه من عرف صاحب الصوت يناظره
سهم ناظره بحيرة من وضعه ودّه يضربه وياخذ حقه ويعلمه من يكون لكن وضعه الحالي يمنعه يتصرف معه اي تصرف وبعبوس/لايكون بتموت!!
شاهر زفر بسخرية/تطمن انت قبلي/ثبت يديه وسند نفسه عالمكتب ووقف بتعب واضح ورجفة/
سهم ناظره من فوق لتحت/متأكد؟
شاهر مد يده له
سهم مد يده
شاهر استند عليه/مشينا
سهم/توقعتك خنت
شاهر/امداني!!
سهم/وين غطيت
شاهر/ظرف مرني وبأمره ان شاء الله لازانت اموري
سهم بعدم اهتمام/البضاعة
شاهر/خلني القط انفاسي
سهم سحب يده وتركه
شاهر وقف يناظره
سهم بغيظ/موت احسن لك ولي البضاعة اهم
شاهر/لاتستعجل على رزقك
سهم عبس بوجهه/وبعدين حافظ رقمي انا ليه وحنا مابيننا شي لذالحين!!
شاهر/من قرادة حظي/جر خطواته/وينها سيارتك
سهم اسرع بخطواته/خلك هنيا انا اقرب يمك السيارة لاتموت علي وابتلش بك/ابتعد/
شاهر ابتسم/وين اموت وانا ماشفته متنكد هو يضرب حامي وانا اضرب عالبارد/انفجر يضحك/
...........................................................
.
<<الجامعة>>
ولاء جالسة عالطاولات قبال الكوفي وبيدها فاتورة طلبها تنتظر قهوتها التفتت وراها باستغراب من سمعت اسمها وهي حتى اللحظة ماكونت ذيك العلاقات العميقة مع اي طالبة حتى تكون صديقتها احتدت ملامحها من ناظرتها وصدت عنها
رؤيا وقفت عندها ووراها كم صديقة وبابتسامتها/استغفر الله بس السلام لله وبعدين فيها حق ذي ترانا جيران!!
ولاء وقفت واسرعت بخطواتها للكوفي
رؤيا مشت وراها وسط استغراب صديقاتها
ولاء اخذت كوب قهوتها/شكرا/التفتت وراها وناظرتها/لذي الدرجة فاضية تلحقيني!!الله يرزقك حياة من عنده
رؤيا ضحكت ورفعت فاتورتها/المكان مو لك بلحالك ياالمحور
ولاء زفرت بسخرية ومرت من جنبها
رؤيا/اقول يعني اذا تبين اعرفك على صديقات بدل هالوحدة اللي انتي فيها حاضرين ترا
ولاء وقفت والتفتت لها/الوحدة مخيمّة عليك وواضحة كثير عليك/ميلت راسها وبنفس نبرتها/ترا
رؤيا احتدت نظرتها
ولاء/للمعلومية الوحدة احلى بكثير من مقابل اشكال تنقصني ماترفع قيمتي واحترامي لذاتي لذلك اي معرفة من وراك شكرا انا بغنى عنك وعنها/مشت بخطوات واثقة وابتسامة ملت صدرها رضا رفعت كوبها وارتشفته/
رؤيا شدت على جوالها بقهر وهي تناظرها تبتعد
ولاء تنهدت/وجع الا اوجاع مو بوجع واحد عمى
............................................................
<<مركز الشرطة>>
سطام واقف وكفه على كتف ابو عايد وبمواساة/قدامه العافية ياعم قدامه العافية ابشر بحقك مايضيع وهو عند الحكومة ابشر
ابو عايد بغبنة/احرق بيتي وذالحين ضارب ولدي الله لايوفقه متجبر ومتسلطن فوق روسنا اهب الله لايوفقه عوذا منه ومن سواد وجهه عوذا/مسك يد سطام ضغط عليها/تكفى ياشيخ حقنا لايروح تكفى
سطام/افا مافزعت به حتى يضيع حقه ابشو بحقك هذاني شهدت مع الشاهدين بسواته ماارضى بالظلم لو هو من اهلي ماارضى به
العسكري ضرب بطرف قلمه عالمكتب/البلاغ وقيدناه والمعتدي بعد الشهود استدعيناه تقدرون تتيسرون الله يستر عليكم
سطام/خلاص يعني نتطمن
العسكري بحدة/قد هالتشكيك؟!!
سطام/استغفر الله لو شككنا ماقلطنا بوجيهكم ياوجيه الخير
ابو عايد/صحيح الشيخ ماقصر مير الاعوج اعوج
سطام/مشينا ياعم مشينا نروح يم عايد نتطمن عليه مشينا/ناظر العسكري/بيض الله وجيهكم وجمل حالكم/مشى ويده بيد ابو عايد الساخط وقف على باب المركز من ناظر الددسن اللي يعرفه زين/
بارود مستند على باب السيارة يناظره
عزيز داخل السيارة يناظر نفسه بالمراية
ابو عايد ناظرهم بغبنة/ولا كانه مسوي شي سويد الوجه
سطام ابتسم/ياعم هونها وتهون ثم انت معك الشيخ وش عليك منهم
عزيز بوجهه المغطى كدمات فتح الباب ونزل التقت عينه بعين سطام وابتسم بتحدي
ابو عايد اتسعت عيونه من منظره وبربكة/مير عايد ماعمل به شي!!
سطام شد على يد ابو عايد/كبه عنك ياعم هم يعرفون له كبه
عزيز جر خطواته باتجاه المركز يعرج بوسط الام اعتلت ملامحه
سطام كمل طريقه ومر من جنبه/ياولد العم كان سلمت من الاعتداء على عايد وشلون بتسلم من الحريق 
عزيز اتسعت عيونه والتفت يناظر سطام
سطام ناظر ابو عايد/الله يعين المسلمين ياعم الله يعينهم
عزيز شد على اسنانه بقهر ثم ناظر بارود ومن بين اسنانه/اذلف يم جدتي خلها تعقل ذا المهبول اللي انفلت علي اذلف
............................................................
<<الفندق>>
نور انحنت ونزلت الدلة عنده/تفضل
ظاهر ماظرها بعقدة حواجبها/علامك تقل من دون نفس
نور ناظرته بغيظ/استغفر الله لاتدخل بالنوايا!!
ظاهر/عاد الا ذي مااقدر امشي النية اكلت اكل الويل حتى النية ماتمرني ذالحين
نور تنحنت/احسك تشبه شي
ظاهر نزل فنجاله بعد ماارتشف منه/عادي قوليها بعير
نور نتظرته بابتسامة
ظاهر بتفكير/الصحيح ماكنت كذا وكنت ارد البعير الصدقي عندنا بس ذالحين لا والله ماارده/دخل يده بجيبه خرج جواله/بأعلمه الوعد مسموح له يكسره
نور ناظرته بفضول/كم بعير بالعايلة؟
ظاهر اللي مشغول بجواله يكتب وارسل رسالته استوقفه كلامها رفع نظره لها
نور باحراج/ماقصدي كذا انا اقصد من اللي حاقدين عليه
ظاهر ميل فمه بصمته بنظرات حادة مثبتة عليها
نور تلعثمت من نظراته تحس بنفسها تحت تحقيق/انا عندي تخمين لاعداد الحاقدين لكن الهدف
ظاهر ابتسم/دام توقعتي الحاقدين مليون بالمية عرفتي الهدف/رجع لنفس نظراته الحادة رفع فنجاله له وقبل يرتشف/مير وشو له هالنشدة؟
نور/يمكن عندي شي يهمكم تاليتي من بني طاهر/رفعت فنجالها تتقهوى متجاهلة نظراته/
ظاهر عقد حواجبه بابتسامة شك/بنت يانور
نور مدت يدها للحلويات اللي قدامها بدون تناظره/همممم
ظاهر مسك يدها
نور ناظرته
ظاهر بابتسامة/تقولينه صادقة
نور باستعباط/اي والله من بني طاهر تبي بطاقتي تتاكد
ظاهر ضحك بشي من الغبنة/نور
نور باستعباطها بنفس نبرته/ظاااهر
ظاهر رفع يدها لفمه مقبّل باطنها ثم سند طرف دقنه على يدها يناظرها/كانه صدق والله ان طاهر بنفسه بيطبع بطاقتك ويعلقها على مدخل الديرة
نور رفعت طرف دقنه بيدها بابتسامة/بالله انتظروا ابي احجز موعد بالاحوال عشان ابدل صورتي
ظاهر اتسعت عيونه واعتدل بجلسته وبنبرة عالية/انا ولد ابوي!!
نور انفجرت تضحك
ظاهر بشك من كلامها/بنت لاتلعبين بي علميني الصحيح
نور/اقابل البعير الصدقي واعلمك معه
ظاهر اتسعت عيونه/وشو
نور ميلت فمها/تراه ولد عمي جلس معي اكثر منك كان ماتدري
ظاهر بنرفزة/هذاك اول ماهو بذالحين
نور/طيب طيب خلاص على امرك حبيبي
ظاهر ضاعت نرفزته بعد كلمتها/اعوذ بالله منك الله لايجعل حاجة عندك
نور ضحكت بخفة/ياكثر حوايجك عندي
ظاهر/هذا بلا ابوك ياعقاب
نور/قصدك ياضاري
ظاهر ناظرها بغيظ/ليتك تزيدين الدلع بحقي شوي كان مية على مية
نور بلامبالاة/وكم تقييمي ان شاء الله ذالحين
ظاهر/خمس وتسعين
نور/الحمدلله خمس درجات مو مشكلة تزيد مع الايام
ظاهر ناظرها بغيظ اهتز جواله معلن وصول الرسايل ناظر اسمه بابتسامة/ياسبحان الله كانه يدري جبنا طاريه ياحيه وحي طاريه حي ضرّوي/فتح رسايله وشحب وجهه/
نور ناظرت ملامحه بتوتر/علامك ضاري به شي!!
ظاهر فز واقف وخرج من الشقة اتصل بالجوال وهو متأكد مستحيل الجوال يكون بيدين ضاري نطق اول ماانفتح الخط وبحدة/من انت انطق ووينه ولدي؟
وداد امتلى صدرها رضا من وصلها صوته الغاضب قدرت تأثر فيه وزاد رضاها من مافكر ابد بصاحبة الصور/يعني ماهمتك الصور
ظاهر عقد حواجبه/وش مودي جوال ضاري لك
وداد الجالسة فوق سرير ضاري بابتسامة/الاحسن تنشد انا ويني ولّا
ظاهر اتسعت عيونه/احش رجولك حش لو دريت انك ببيتي
وداد/حلو حلو حشّها واحش مرتك معي
ظاهر/تعقبين كلها قفا وحدة ***بنت ستين***
وداد همهمت وهي ترسل له فيديو
ظاهر قطب جبينه من اهتز جواله بوصول رسالة
وداد/اقول يعني كان باقي عندك شك تقدر تتاكد ذالحين
ظاهر بلع ريقه وفتح الرسايل بشي من الخوف رجف قلبه من ناظر الفيديو منقذته ومنارته اللي ضوت الظلام اللي احتله تتوسط هالفيديو اللي بكت بحضنه برعب وخوف من هالظالم ووعدها وطمنها وريح بالها بيخلصها ويكون المنارة لها مثل ماكانت منارته كان مبسوط ومرتاح ومتطمن باله انتهى الموضوع ورجع السلام لحياتهم القصيرة كيف اختل توازن هالسعادة وعند اي ركن كانت بدايته رجع السماعة لاذنه بصوت كله كره وحقد/وربي و
وداد قاطعته بابتسامة/وربك الله غير هالفيديو به فيديوات لاتظن انك الوحيد اللي تقدر تفرد جنحانك ياظاهر
ظاهر عض شفته بقهر حتى نزف طرفها بخفة
وداد/اممم يعني تعرفني ماتحب الاذية وبنفس الوقت مااحب اللي يخطي بحقي ابد
ظاهر بغيظ/وش تبين
وداد ابتسمت من رضوخه واستيعابه للموقف/ماابي منك الا كل خير حياك عالقهوة ياابو ضاري يابعد الدنيا حياك
............................................................
.
بـيّـن يجمع الاغراض ويرتبها بالحوض
يقين جالسة على كبوت السيارة متربعة رافعة هالمظلة الشيفون قليلة الحيلة اللي مرافقتها مامنعت عنها اشعة الشمس ولا هي اللي استظلت بظلها بنظارتها اللي احتلت مساحة كبيرة من ملامحها العلوية تقلب بشنطة يدها اللي بحضنها ابتسمت من طاحت عينها عليها بداخل الشنطة خرجتها بسرعة ودخلتها بجيبها بدون انتباهه
بـيّـن نزل من الحوض وانحنى رافع العزبة بين يديه وقف يناظرها بعبوسه/ماودك تعاونيني
يقين نزلت النظارة لطرف انفها ناظرته/اللي حاس هو اللي يدبر حوسته
بـيّـن ميل فمه بغيظ/اقول انتبهي بس ترا السيارة غطست وجهيتها بالوادي
يقين اتسعت عيونها/وشو!!
بـيّـن بترقيع من حس جاب العيد/ماهو منك من هاللي فوق راسك
يقين رمت المظلة بعيد تخصرت وهي لازالت جالسة/وذالحين عساها باقي غاطسة؟
بـيّـن ضيق عيونه بتركيز عالسيارة/لا اشوا تقولين ارتفعت شوي
يقين احترت من كثر غيظها ووقفت عالسيارة وبنبرة عالية/نعم ياعيوني ارتفعت شوي اجل وذالحين اكيد غطست من جديد صح؟
بـيّـن هز راسه بايه بصمت
يقين نطت من السيارة عالارض
بـيّـن جرى عنها مبتعد وبين يديه العزبة/اصبري انزل اللي بيدي اصبري
يقين تجري وراه/علامك تهج ماانت برجل!!
بـيّـن يدور حول السيارة/الا رجال وعن مية رجال
يقين/اوقف كانك صادق
بـيّـن وقف وناظرها/مير اني قدامك ضعيف
يقين تناظره بوسط انفاسها السريعة وهي متجه له/والله مايفكك حلو الكلام الليلة!!
بـيّـن نزل العزبة
يقين وصلت له ومدت يديها له
بـيّـن فز مبتعد عن يديها وكمل جريه/ياكريمة ياابنة الكرام
يقين/والله لاأجلس فوقك واخليك تشوف اثار الكرم عن قرب
بـيّـن/يايقيني البـيّـن
يقين/علمتك مايفكك حلو الكلام واعذبه اجل تاليتها اغطس وجهية السيارة بالوادي انا انا ماغيري!!
بـيّـن/كبوة جواد
يقين/صدق وانا اللي باخليك تنكبي
بـيّـن ضحك من كلمتها/ياكبوتي وكل عثراتي تكفين 
يقين وقفت بتعب ودوخة من كثر مايلف حول السيارة بلا ملل/ماانت بناوي تجيني
بـيّـن وقف يناظرها وبينهم السياوة/اعطيني الامان
يقين/ابشر الا هالمرة
بـيّـن/وش بتسوين طيب
يقين/اخلص بتجيني ولّا كيف؟!!
بـيّـن ناظرها بمكانها/كل مافيني وده يجيك الا بهاللحظة
يقين ميلت فمها بغبنة دخلت يدها بجيبها/اعرف وش يجيبك/خرجت السبحة ولوحت بها تحت انظاره وغنت/واللي عقد روس الحبال يفكها
بـيّـن/يحلّها يحلّها وش يفكها صدق من قال اللي مايعرف الصقر يشويه
يـقـيـن حركت السبحة من جديد تغني وتحركت بهدوء/يالا لا لا لا لاه اخبر لي صيدٍ يبي له ذكاة
بـيّـن تحرك بمجاراة لها/عوذا منك
يقين مدت السبحة/واعلقه بطريف ذي
بـيّـن ركز نظره بالسبحة واتسعت عيونه من عرفها جرى لها
يقين جرت
بـيّـن/يقين
يقين تجري حول السيارة مبتعدة عنه/حقتي
بـيّـن وقف/اعطيني اياها
يقين واقفة عند مقدمة السيارة/لا حقتي
بـيّـن طلع بالحوض
يقين اتسعت عيونها من عرفت نيته وجرت مبتعدة عن السيارة
بـيّـن كمل طريقه يجري مار من فوق السيارة(التندة)ثم الكبوت ثم نط عالارض يلحقها
يقين صرخت/يمممممهههه لحقني
بـيّـن لحقها وحاوط خصرها بيديه ودار بها
يقين صرخت من حست بنفسها ارتفعت بالهوا
بـيّـن تهادى بخطواته وسط انفاسه السريعة/هاتيها
يقين ضمت السبحة بين كفوفها/انا غطست الوجهية
بـيّـن/لا والله انا الغشيم مااعرف اسوق غطستها ولا انتي غزالٍ يتهادى من خفته
يقين ناظرته عن طرف/احسها ماهي من قلب
بـيّـن/تبيني ارقى بك الضلع حتى تعرفين هي من قلب او لا؟
يقين/لا عطني وزن الغزال ذهبان
بـيّـن/بالجنة ان شاء الله
يقين فكت يديه عن خصرها بزعل/وليه
بـيّـن/اقصاي راعي والله لو اني وزير ذهبان بوزن غزال قولي ارنب بلكن لاصرت وزير اقدر عليه
يقين/ماتعرف تكذب انت!!داري الخاطر لو بكذبة
بـيّـن/اسمي بـيّـن مااعرف للكذب مسلك!!
يقين ابتسمت/مير انا شاريه بـيّـن البـيّـن بكنوز الارض مل ابوها/رفعت كف يمينها مسدلة السبحة تتدلى/
بـيّـن ناظرها يتأملها مد يده الراجفة بحنين لصاحب السبحة احتوته الغصة من تزاحمت الذكريات بباله وهي بين يدين ابوه وانتهت بيوم سلّمها له من كثر فرحته بنجاحه نتظرها بين يديه وسحبها
يقين شدت عليها برفض تسلمها له
بـيّـن ناظرها
يقين/اول هدية صدقية منك تسوى الذهبان تبيني اعطيك اياها لا
بـيّـن بنظرات كلها رجى
يقين تنهدت وتركتها
بـيّـن بنظرات كلها رجى
يقين تنهدت وتركتها
بـيّـن تفحصها بين يديه غلبه الشوق وتمنى لو رجوعها لصاحبها يرجعه لفوق الارض ويضمه ضمة تحيي قلبه المجروح من فراقه تنهد بحزن واتسعت عيونه من انسحبت من يديه
يقين الكارهة للحظات الحزن تمنت تشوف فرحته لاشاف السبحة لكن صدمها بعمق حزنه وماتلومه وهي اللي لازالت عايشة على أمل اشبه بالمستحيل لكن ماعلى الله مستحيل وبيصحى ابوها بيوم وتزهر الدنيا من جديد بعيونها بوجوده وعلى حسه التفتت تناظره من حست بكفه تضم كفها
بـيّـن ضم كفها المحتفظ بالسبحة بين انامله بكفه ودخله بجيب ثوبه/ كلك من اعلاك لاصغر اصبع برجلك ملكي يعني السبحة ملكي
يقين ناظرته بغيظ
بـيّـن/وانتي ملكة تربعت على صاحب المُلك عاد الشكوى لله مانقدر نقول شي دامها ملكك
يقين ابتسمت برضا/اخاف يموت صاحب الملك لاتربعت فوقه
بـيّـن ناظرها بغيظ/عاد زلة انتي كريمة وانا استاهل
يقين/ياكبر زلتك
بـيّـن شالها بين يديه/والله ارقى بك الضلع حتى تصدقيني
يقين اتسعت عيونها/صدقت صدقت
بـيّـن/لا مابتصدقين الا وانتي على راسه
يقين/صدقتك بـيّـن نزلني مو تطيح وتنكسر وانكسر معك ونبلش بذا الخلا
بـيّـن هز راسه بلا/لا ماتصدقين انتي  اخبرك بتمسكينها علي ولاتفكيني منها دهر/جرى/
يقين صرخت/بـيّـن والله صدقت تكفى نزلني صدقتك بـيّـن صدقت
............................................................
            العـصـر
............................................................
<<بيت سطام>>
سطام المنهك بعد شغله بتعبية الوايت وتوصيله دخل لبيته ناوي يتغدا وبعدها يتجه لمجلسه يشوف امور قبيلته جر خطواته لداخل البيت/السلام عليكم
ام سطام بوجه متغير/علامك ابطيت قلت ساعة وجاي
سطام بدون يناظرها/الشغل ماهو بعلى الكيف!!
مبروكة يدها بيد ريوف وبعصبية/اجل جدعتك لولد عمك بالحبوس هي اللي على الكيف ياسطام!!
سطام قرب منها حتى يسلم عليها/حياك ياجدة
مبروكة تراجعت لورا من حست بقربه/طسّ عني
ريوف ناظرته بقهر
سطام/ياجدة دام وصلك علم الحبس وصلك علومه الشينة
مبروكة/ماالشين الا انت انتفخ راسك بالشيخة توك مالك الا يوم وعثيت بولد عمك اجل وش بتعمل بي لا كملت الشهر!!
سطام ارتفع صوته/ياجدة اللي سواه ماهو ببسيط ذي ارواح ويستاهل ماجاه كود يتودب شوي
مبروكة/تقوم توز الخليقة عليه وتطشه بالحبس بدل ماتفزع له الله اكبر عليك ياسطام
سطام/ياجدة
مبروكة بعصبية/وجدجد يطير بك ماتقر عقبه ولاتذوق الراحة يالمعفن
سطام عض شفته السفلية يكبح غيظه
ام سطام/ياعمة
مبروكة/وعمى انطمي انتي لااسمع لك حس صحيح كبر راسك ياولد منصور كبر راسك وبالحيل ياسطام ياولد منصور
سطام كبح غيظه باخذه لنفس وناظر جدته/ايه انا سطام سطام ولد منصور سطام الشيخ اللي يقضي بالحق باذن الله وكلمته مسموعة وتمشي حتى لو هي على سحاب الديرة حقوق الناس مابها لعب وكلن يتحمل فعل يديه
#شقّ_الغَمام