شـقّ الـغَـمـام

..(٢١)..

..(٢١)..
استغفر الله العظيم واتوب اليه
.
-
<<بيت الشيخ>>
مبروكة جالسة بالصالة تتقهوى
عزيز جالس قبالها يقهويه
ام سطام جالسة على مسافة منهم بعبايتها وبحرقة بقلبها مابردت للحظة/سم ياشيخ طالبني على ذا الصبح
عزيز ابتسم بخفة/حي الله عمتي زينة ياحياها/صب فنجال ومده له/علامك ياعمة مبعدة حياك تراني ولدك وشو له هالبعد وياشيخ!!
ام سطام بمكانها/المعذرة ياشيخ وراي مريض
مبروكة ابتسمت/طلع؟
ام سطام/لو انه مشقيكم دريتوا مير الظاهر ماعاد الناس هي الناس ولا القلوب هي القلوب
عزيز كب الفنجال بالصينية قباله وقف واتجه لها يصب لها فنجال/افا ياعمة افا كل ذا علينا
ام سطام صدت تكتم مابقلبها
عزيز وقف عندها مد لها الفنجال منحني شبه راكع/سمي ياعمة
ام سطام ماردت ولا ناظرته
عزيز انحنى شبه جالس نزل الفنجال قبالها بتهديد مبطن/هذا هو الشيخ ادنى ركابه ياعمة سمي
ام سطام التفتت من حست شي من التهديد احتدت نظرتها/من حست وانا خابرة هاللمة ماهي من غلا
مبروكة بحدة/عيب عليك يازينة وش هالكلام
عزيز/الله يسامحك ياعمة مير انها من غلا ومن حاجةٍ مالها غير اهلها
ام سطام ميلت فمها للحظة/وثم
عزيز/يـقـيـن ياعمة
ام سطام/لاتنشدني عنها هالبنت اعلنت القطيعة من هاك الليلة كان تبونها تراها ببيت رجلها من اعرست ماشفتها 
عزيز/ياعمة يـقـيـن ماعادها يـقـيـن اللي نعرفها
ام سطام قطبت جبينها بلمز/مير يقين ماعادها يـقـيـن من ذيك الليلة
عزيز احتدت نظرته
مبروكة/بنتك جحدت بني سمّار كل ابوهم وحولت لبني طاهر
ام سطام/وانا وش اللي تبونه مني ذالحين
مبروكة/عقّلي بنتك وعلميها من اهلها
ام سطام ناظرتهم بصمت
مبروكة/علامك ساكتة
ام سطام/مير ياعمة الصحيح ذالحين اهلها رجلها واهله
مبروكة بحدة/زينة
ام سطام/سمي ياعمة
مبروكة/علامك شايشة
ام سطام مدت يدها للفنجال اخيرا/اللي ينشدني ماهو بأنتي ياعمة
عزيز اخذ نفس يكبح غيظه من ذكر كلام سهم(اكسب القلوب حتى لو ان قلبك يتقطع قهر)/وش يرضيك ياعمة ابشري
ام سطام ابتسمت/الحقوق تعود يم اهلها
مبروكة/وش حقوقه ان شاء الله
ام سطام نزلت الفنجال/حقوق منصور وعياله
مبروكة/عجيب هو منصور له حقوق!!
ام سطام/سطام ينكتب باسمه محلات ابوه وتعزل عن موسسات غيره
مبروكة احتدت نظرتها
ام سطام/خابرة منصور يطري ان له مؤسسة ومحلات من حر ماله من تعب واختفت هالطواري وخيرها 
مبروكة بحدة/تحاسبيني على حلال عيالي!!
ام سطام/ماحاسبتك مير الدنيا ماهي صافية لاحد
مبروكة بنبرة عالية/تقسمين الورث وولدي حي!!
ام سطام/حلاله غير حلالك ياعمة
عزيز/تم ابشري ياعمة
مبروكة سكتت بغبنة بعد كلام عزيز
عزيز/وبيتك ياعمة يحتريك أبطيتي عليه بغيبتك
مبروكة بغبنة/وش بيته!!بيتي ذا لابيتك ولا بيتها
عزيز بنبرة هادية/ياام زايد
مبروكة عضت شفتها ملتزمة الصمت
ام سطام بابتسامة/ذالحين سم ياشيخ عزيز وش بغيت امرني
عزيز بابتسامة/اللي ابيه هيّن وبالحيل ياعمة
ام سطام/مير دام يـقـيـن جحدتكم والله لو تغطسونها بما ذهب مارضت
عزيز بابتسامة/يقين غاسل يدي منها وقاضي
مبروكة عقدت حواجبها
ام سطام بابتسامة/وش اللي تبيه
عزيز/علمتك ياعمة هين وبالحيل
............................................................
.
سهم بيده المسندة لكتفه بجبيرة من النوع الخفيف يجر خطواته بثقل يتعرق بوضوح وبوجه شاحب انهكه تعب الاصابة وغلبه الشوق وفاض حتى انتهى بخطواته لهالبيت اللي فاقدة وكثير وقف على بابه يناظره بتردد اخذ نفس طارد توتره رفع يده ودق الباب ابتسم من وصله صوتها
اعتدال من ورا الباب/من؟
سهم/راعي البيت الغايب
اعتدال احتدت نظرتها/راعية البيت فيه لذالحين الله لايغيب حسّها
سهم بصوت واضح عليه/افتحي لي يااعتدال
اعتدال قطبت جبينها بتفكير ثم طردت افكارها/اصبر
سهم جلس بتعب ماله حيل للوقوف واسند ظهره للباب
سرور فتحت الباب بملامحها المحتدة وبحدة/ياوجه الشر والشرير/التفتت بحدتها ساكتة من ناظرته جالس بهدوء ساند ظهره مرتسمة عليه علامات التعب بوضوح وبنفس حدتها/علامك؟
سهم/يمه ارحمي حالي وكبيني ادخل البيت هالمرة اشتقت للبيت وكل مافيه يمه تكفين طالبك
سرور ناظرت يده بتفكير من سمعت بسالفة بـيّـن ودفاع يـقـيـن بدون تفاصيل واضحة عن دفاعها تنهدت/بنت يااعتدال
اعتدال/نعم
سرور/افرشي له بالمجلس
سهم/يمه اشتقت لغرفتي وريحتها
سرور بحدة/مايدخل البيت داخل مثله مثل الضيف سمعتي يابنت
اعتدال/طيب
سرور ناظرته بحدة/اعجل ادخل ولا هونت تراني على طريف/دخلت/
سهم ناظر اعتدال ومد يده لها
اعتدال تنهد بملامح رحمة فيه انحنت واحتضنت ذراعه الممتدة تساعده عالوقوف
سهم ارتسمت على وجهه اعذب ابتسامة ارتسمت من سنين
............................................................
.
بـيّـن خرج من دورة المياه ببنطلون اسود فضفاض طويل شوي عليه مو مناسب لمقاسه وتيشرت باللون الابيض عكس البنطلون مناسب له وقف يناظرها خارجة من المطبخ بين يديها صينية الفطور ميل فمه وارتفع حاجبه يناظرها باعجاب يخفيه لكن هالخفا كان يتهيأ لنفسه فقط،مفضوحة نظرات الاعجاب لعيونها تفحصها بنظره لاول مرة تلبس قدامه مثل هاللبس متأكد مليون بالمية هالفستان مايخصها مثل مالبسه بهاللحظة مايخصه
يـقـيـن بفستان باللون الرمادي عاري الاكتاف بقصة مربعة عالصدر كاشف عن ظهرها لاسفله مرت بخطوات سريعة بعدم راحة متجاهلة لنظراته المفضوحة سادلة شعرها عسى تغطي هالفتحة اللي مسببة لها ازمة وبينها وبين نفسها تدعي على نور اللي ورطتها بهاللبس اكيد قصدا جلست بالصالة الصغيرة المحتوية على كنبتين مفردة تتوسطهم طاولة صغيرة جلست على احد هالكنبتين واريكة صغيرة عن يسارها رامية عبايتها وطرحتها ونقابها فوقه نزلت الفطور عالطاولة ثم وقفت متجهة الاريكة نطقت مبررة/الملابس من نور وظاهر البارح من العجلة مااخذت شي/مدت يديها لطرحتها ورفعتها مغطيها نفسها/
بـيّـن وقف وراها ساحب طرحتها من على ظهرها وراميها على الكنبة المفردة القريبة لهم
يـقـيـن رفعت عيونها له تناظره بذهول من فعله
بـيّـن مد يساره ليمينها سحبها معه
يـقـيـن اخفت ألمها تحركت من سحبته
بـيّـن جلس وجلسها معه
يـقـيـن جلست من سحبته وبلعثمة بداية كلامها/وملابسي غسلتها باقي مانشفت
بـيّـن ماناظرها مد يديه للطاولة يسحبها يقربها منهم
يـقـيـن وقفت/افطر انا افطرت
بـيّـن مد يده ومسك ذراعها ساحبها بقوة بدون يناظرها/اجلسي 
يقين ارتمت عالاريكة بوسع عيونها بنبرة ارتفعت/علامك علي!!
بـيّـن دخل قطعة الخبزة بفمها يسكتها
يـقـيـن تناظره بغيظ
بـيّـن وعيونه بعيونها/ابيك بسالفة
يـقـيـن بلعت اللقمة تغير وجهها من حستها وقفت
بـيّـن اتسعت عيونه وسحب علبة الموية من عالطاولة والتف لها بجسمه كله فتحها مدها لها ورجع يساره بعفوية ملامس ظهرها وعينه عليها/بسم الله!!
يـقـيـن فزت واقفة من حست بانامله الباردة تلامس ظهرها
بـيّـن فز من فزتها وانكبت الموية على رجله وبعصبية/علامك!!
يـقـيـن عبست بوجهها/يدك باردة
بـيّـن عض طرف شفته السفلية يكبح غيظه جلس وبدون يلمسها نطق/اجلسي
يـقـيـن/ابروح المطبخ اجيب
بـيّـن مد يده ملامس يدها مقاطعها/اجلسي ابيك بسالفة
يـقـيـن جلست باهتمام/وشو
بـيّـن مد الموية لها/اشربي اول
يـقـيـن اخذتها تشرب على عجل
بـيّـن/شوي شوي السنة ثلاث شوي يابنت
يـقـيـن قفلت العلبة ونزلتها عالطاولة والتفت له رافعة رجولها متربعة باهتمام/هاه وش السالفة؟
بـيّـن/افطر اول واعين من الله خير ثم اعلمك
يـقـيـن ضاق خاطرها وارتسم على ملامحها
بـيّـن/كيف يعني؟ماافطر؟
يـقـيـن اتسعت عيونها/ماقلت شي!!
بـيّـن/وجهك ماقصر
يـقـيـن ميلت نفسها مستندة بفكها على كفها المستند ذراعه على رجلها ضيقت عيونها وزمت شفايفها/وذالحين وش يقول وجهي؟
بـيّـن مد يده للفطور واكل لقمته ناظرها كابح ضحكته/يقول انك مهبولة
يـقـيـن اعتدلت بنفسها تناظره/من المهبولة!!
بـيّـن التفت لها موقف اكله يبيها تكبر/انتي مهبولة
يقين بملامح ذهول/وتعيدها!!
بـيّـن ناظرها بتحدي/مهبولة
يـقـيـن توترت من نظراته الواضحة لها فاهمته زين ومحد يفهمه اكثر منها تراجعت بهدوء مادة يدها للاكواب تصب حليب/الحمدلله والشكر مضيّع ومهبولة وش بيطلع معنا يعني
بـيّـن ضحك
يـقـيـن ناظرت ضحكته بابتسامة تحسه صاحب ضحكات نادرة وفعلا هو صاحب ضحكة نادرة لكن اليوم امتلت نظر من هالضحكات
بـيّـن انتبه لنظراتها رفع راسه لفوق بخفة/وش؟
يـقـيـن بابتسامة/تدري ان ضحكتك تجيب الراحة 
بـيّـن رجع راسه لورا بخفة ناظرها بشك/وش وراك؟
يـقـيـن كتمت زعلها وتكتفت/ابي اذبحك
بـيّـن القاصد يغيظها/تذبحيني بوشو حددي عشان اخذ احتياطات/ضرب يديه ببعض/نسيت طرق ماجبته
يـقـيـن اتسعت عيونها وبنرفزة/مادخل ببيتك هناك حتى يدخل هينا!!
بـيّـن بزعل/تطردينه!!تراني ماارضى عليه هاه علمتك
يـقـيـن وقفت بوسع عيونها/نعم!!!
بـيّـن/ينعم بحالك
يـقـيـن بعصبية/وشلون تحطني انا وهو بمنزلة وحدة هاه
بـيّـن/استغفر الله وش هالكلام وينك ووينه
يـقـيـن وقفت بوسع عيونها/يعني هو احسن مني
بـيّـن كاتم ضحكته
يـقـيـن ناظرت ضحكته المكبوتة بغبنة مشت
بـيّـن وقف ومشى وراها/يابنت الحلال تعوذي من ابليس
يـقـيـن مكلمة بدون تناظره/ابليس مربوط بحبيبك طرق روح له وش تبي مني روح
بـيّـن انحنى ومسك يدها بنبرة رجى هادية/يـقـيـن
يـقـيـن وقفت والتفتت له/ليه تناديني رح له
بـيّـن/وانا وش قلت!
يـقـيـن بوسع عيونها/ويني ووينه!!كل ذا ووش قلت!!
بـيّـن بابتسامة/طيب والله اني صادق وينك و وينه
يـقـيـن ناظرته بتفكير
بـيّـن ترك يدها/عرفتك قبل اعرفه،تصادقنا قبل اصادقه،دخلتي بيتي قبل يدخله كل ذا وتقولين وينك ووينه فرق السما عن الارض
يـقـيـن امتلت رضا وتكتفت بابتسامة
بـيّـن كبح ضحكته من غيرتها اللي بغير محلها ابدا
يـقـيـن عقدت حواجبها من استوعبت المقارنة وبنرفزة/انت كيف تقارني فيه كيف!!
بـيّـن مد يده ليدها وسحبها له بوسط ضحكته اللي اعتلت ماقدر يحبسها اكثر واحتضنها
يـقـيـن تجمدت من توسطت حضنه
بـيّـن احتضنها بين يديه بضحكته/ياخبلة وشلون يهز قدرك شي عابر وشلون
يـقـيـن بلعت ريقها
بـيّـن تركها وناظرها وبجدية/ماودك تعرفين السالفة؟
يـقـيـن عقدت حجاجها باهتمام/اكيد ودي
بـيّـن اعتدل بوقفته وتكتف/هي خيارين ازينهم مرّ وانتي على هواك وماتحبين
.
.....................................................
              الـعـصـر
.....................................................
<<الفندق>>
مُحارب دخل للغرفة وبيده شنطة سفر/هاه جهزتي؟
ولاء الجالسة عالكنبة وقفت/انا جاهزة بس ألبس عبايتي
مُحارب انحنى شبه جالس يفتح الشنطة/شوفي اغراضك اللي طلبيتها كاملة عشان ارجع الشقة اذا فيه شي ناقصك مو اذا مسكنا الخط قلتي نسيت ترا مافيه رجعه/لامس اطراف الشنطة باطراف اصابع يديه وعينه عالاغراض/هاه كاملة؟
ولاء انحنت شبه جالسة جنبه ملاصقة له
مُحارب ابتسم من حس ملامسة جسدها لجسدها/هاه كاملة
ولاء سندت راسها على كتفه/محارب
مُحارب التفت لها يناظرها عن طرف/همممم
ولاء احتضنت ذراعه/انا اليوم عرفت وش يعني سند
مُحارب ارتجف قلبه من ثقل الكلمة ومسؤوليتها كان مقتنع انها اصبحت مسؤوليته من صارت على ذمته لكن انه يكون سند ماخطرت هالفكرة بباله ابد
ولاء برجى/الله يديمك لي يامحارب
رفع كفه ملامس لكفوفها المحتضنة لذراعه يشد عليها بتطمين لقلبها
.....................................................
<<بيت ظاهر>>
ظاهر متكتف مستند على مدخل المطبخ يناظرها
نور بالمطبخ مشغولة بتجهيز الاكل متجاهلة وجوده
ظاهر عبس بوجهه من عدم اهتمامها/نور
نور بدون تناظره/نعم
ظاهر/ابي موية
نور وقفت شغلها تناظره/من جدك!!
ظاهر هز راسه/ايه!!
نور اشرت عليه بملعقة الطبخ الخشبية/اللي ثانيهن يخدمنك!!
ظاهر جر خطواته بزعل للثلاجة فتحها واخذ علبة وقفلها بقوة
نور زمن شفايفها باستمتاع لغيظه
ظاهر ضرب بالعلبة بسلة الزبالة بكل قوته بعد ماانهاها ثم ناظرها/نور
نور مكملة شغلها بدون تناظره/نعم
ظاهر/ابي اكل
نور سحبت صحت من سلة الصحون القريبة وغرفت له من احد القدور اللي قبالها عالفرن مشت له عند المدخل ومدت له الصحن/تفضل
ظاهر اخذه بغيظ
نور رجعت تكمل شغلها
ظاهر ناظرها للحظات وبيده الصحن
نور ناظرته/ماتبي؟/مشت له حتى تاخذه منه/
ظاهر بخوف يزعلها/لا لا ابيه
نور التفت بابتسامة للحظة من جوابه ثم اخفتها مكملة شغلها
//دق الباب//
ظاهر اعتلى صوته بغيظ/مين؟
نور برضا عالي من غيظه وصلها جواب سؤالها حتى لو مانطق به حرفيا لكن مايمنع تتلاعب باعصابه شوي
غصنة فزت ورا الباب وبهمس لنفسها/يمه علامه شايش
ظاهر نزل الصحن على رخامة المطبخ واتجه للباب/مين
غصنة/انا انا غصين غصنة
ظاهر فتح وبحدة/خير
غصنة/جدي يبيك انت و بـيّـن
ظاهر/علمتي بـيّـن
غصنة/جاية من عنده لك
ظاهر/خلاص علمتيني ليش واقفة قدامي لذالحين
غصنة لفت عنه تمشي/عوذا منه عوذا
ظاهر/غصنة
غصنة وقفت والتفتت له/سم
ظاهر/مرة ثانية دقي زين ليش مزعجة انتي هاه
غصنة/ماادري عني والله اسأل نفسي واذا جاوبتني علمتك
ظاهر بحدة/وشو!!
غصنة جرت لبيت جدها/طيب طيب
نور داخل المطبخ تسمع صوته المشحون بزعل على غصنة المسكينة
ظاهر وقف على باب المطبخ وبنرفزة/انا عند جدي لاتروحين بدوني سمعتي
نور/حاضر بس ممكن تهدي نفسك شوي
ظاهر ارتفع حاجبه/ليش!!مو عاجبك يعني!!
نور تركت اللي بيدها وتقدمت لعنده/وانت مين اللي ماتعجبه
ظاهر قطب جبينه/هذا جواب ولا سؤال؟
نور ابتسمت/فسره زي ماتحب
ظاهر ناظر ابتسامتها بتفكير
نور/وين وصلت؟
ظاهر/معك مارحت مكان
نور/ولايكون بتجلس معي ترا جدي يحتريك
ظاهر اللي نسى جده فعلا لف مسرع بخطواته/يوه جدي نسيته
نور ضحكت بخفة راجعة لشغلها/ايه ياغصنة طلعتي صادقة
....................................................
<<بيت بـيّـن>>
بـيّـن الراجع من الباب بعد مافتح لغصنة وبلغته وقف يناظرها باستغراب
يـقـيـن مبعدة الطاولة لزاوية الصالة الصغيرة ومتمددة عالارض فوق فروة ابوها جفاها النوم وودعها بعد خياراته له غمضت عيونها من فتح باب الغرفة متظاهرة بالنوم
بـيّـن تنهد واتجه لها انحنى شبه جالس/بنت
يـقـيـن/هممم
بـيّـن/وراك في ذا ليه مادخلتي داخل
يـقـيـن بعبوس وجهها/من زين الريحة حتى ادخل
بـيّـن تغير وجهه بعدم رضا من كلامها واحتفظ بالرد لنفسه/قومي صلي قومي يالله
يـقـيـن جلست ومددت يديها/متى اذن
بـيّـن/خلصوا صلاة تقولين متى اذن/وقف/انا بالمجلس كان بغيتي شي
يـقـيـن/سلامتك
بـيّـن جر خطواته مبتعد
يـقـيـن ناظرته باستغراب من عدم سؤالها عن قرارها اخذت نفس ووقفت تطرد هالسالفة بكبرها من بالها
....................................................
<<بيت طاهر>>
غصنة متكتفة قبال باب البيت الرئيسي بملامح استغراب/خير
ريوف متكتفة مثلها وبغيظ/كذا تستقبلون ضيوفكم!!
غصنة/لاصرتي من قائمة الضيوف استقبلتك!!
ريوف دفت الباب ودخلت/مانزلت ضيفة عليك
غصنة ناظرتها بوسع عيونها
ريوف تمشي/جاية لخواتي/التفتت تناظرها/وين بيت يـقـيـن
غصنة/بيت بـيّـن بـيّـن سمعتي
ريوف/يوه حسيته قصر ذالحين زين ماهو بزريبة
غصنة تقدمت لها/اعلمك الزريبة انا
منيرة واقفة على مسافة بينهم حاضرة الموقف/غصنة
غصنة وقفت تناظر امها/يمه
منيرة وقفت عندهم/دامك خطيتي بهالبيت احشمي لسانك واعرفي مقامك
ريوف احتدت نظرتها/مقامي عارفته مير انتم مدري عنكم متى تعرفون
منيرة/هالمرة ضيفة يابنية المرة الجاية اربيك
ريوف بنظراتها الحادة/وين بيت يـقـيـن
منيرة اشرت بيدها عالبيت
ريوف اسرعت بخطواتها للبيت وقفت من ناظرته يخرج
بـيّـن صد بوجهه مسرع بخطواته
ريوف مانزلت نظرها من عليه على كثر ماسمعت عن هالراعي توقعت شكله منفر وجدا
غصنة وقفت بينها وبين بـيّـن قاطعه نظراتها بوسع عيونها
بـيّـن تجاوزها بسرعة وسط صدوده
غصنة/هيه استحي!!ياعيباه!!
ريوف باحراج تخفيه/الله والزين عاد خفي علي/مشت/
غصنة مشت وراها
منيرة/غصنة
غصنة التفتت لأمها بقهر/يمه
منيرة اتجهت لبيتها/الحقيني/مشت/
غصنة مشت ورا امها وعينها على ريوف بقهر
ريوف واقفة قبال الباب تدق
يـقـيـن  داخل البيت قطبت جبينها باستغراب من جايها هاللحظة رفعت صوتها وهي تلبس بنطلونها الجينز وتيشيرتها الابيض/طيب طيب/اتجهت الباب مسرعة بخطواتها من اعتلى صوت الضرب عالباب/طيب
طيب/فتحت الباب/
ريوف دخلت/سلام
يـقـيـن ناظرتها باستغراب من تواجدها/وعليكم السلام والرحمة
#شقّ_الغَمام