الوقوع_قيد التعديل

البارت الثالث عشر

البارت الثالث عشر
من رواية:الوقوع

في الصباح
وقفت بسمله في المطبخ لتحضير الطعام فتقدم عمرو الى المطبخ ويقول بضحك:
وانا اللي مستني اصحى على وشك اصحى والقيكي في المطبخ
بسمله بضحك:
يسطاا دي موضه قديمه الست المصريه ملهاش غير مطبخها
فضحك عمرو وجاء واحتضنها واخفض وجه في عنقها.
وقال بصوت هامس:
صباحيه مُباركه يعروسه.
فضحكت هي وعدلت نفسها لتكون بين صدره وهي تقول:
انا بحبك اوووي يعموري
فضحك هو وقال:
وانا بحبك اوووي يعيون عمورك.
فأكمل قائلاً:
طب يلا اعملي الفطار بسرعة عشان عاوز احلي
بسمله بتعجب:
تحلي!! ...بعد الفطار!!
فقال وهو ينظر الى تفاصيلها:
اه احلي.
فقالت بسمله بضحك بعدما فهمت مراده:
عادي ما احنا مجانيين وممكن نحلي قبل الفطار.
فضحك عمرو وجذبها إليه بحب.
_______

وقف مازن كالعاده ينتظر فيروزه
جاءت بعد دقائق ونزلت معه
ركبت بجانبه وانتلقوا الي جامعتهم.

في الطريق.
قال مازن:
نمتي كويس!
فردت مبتسمه:
اه وانت؟
فقال:
اه بس محتاج فنجان قهوه
وحينها وقف بجانب كافيه ع الطريق وقال لفيروزه:
اجبلك معايا قهوه
فوافقته وهي تخرج ملزمه لها من حقيبتها:
تمام
فذهب مازن تجاه الكافيه وبعد دقائق عاد وهو يحمل القهوه
قال مبتسماً:
اتفضلي.
فردت بشكر:
شكراً.
فنظر الى تلك الملزمه التى بيدها وقال:
عندك امتحان؟
فيروزه:
اه
فابتسم وقال:
ربنا يوفقك يا لوزه.
فابتسمت بحب وصمتت.
وحينما كان يشغل السياره قال لها:
بتفضلي ساكته كدا مع الكل؟
فسألته بجهل:
يعني اي؟
فقال:
يعني انك بتفضلي ساكته معايا ومبتتكلميش كتير
فنظرت فيروزه للاسفل وابتسمت.
فنظر مازن بجانبه منتظر ردها وجد وجهها مكسو بالاحمر وتفرك في يدها.
فضحك قائلاً:
ااااه ده احنا طلعنا بنتكسف بقى.
فضحكت فيروزه ونظرت الى الطريق وهي تبعد وجهها عنه.
فضحك مازن وصمت لانه لا يريد ان يجعلها تخجل منه لدرجه الازعاج فاكتفى بالصمت واكمل طريقه.
وبعد مده وصلوا الي كلية فيروزه
فقال لها:
خلي بالك من نفسك كويس وربنا يوفقك.
فردت وهي تنزل بابتسامة:
يارب وانت كمان خلي بالك من نفسك
فأجابها:
حاضر.
فنزلت فيروزه واستكمل مازن طريقه.
_______
في جامعة مازن.
قرر مازن انه يتعامل وكأن رودينا هذه ليست موجوده وايضاً انه شخص متزوج وعندما سينظر الي فتاه غير فتاته فهذه خيانه والرجال لا تسمح بمثل هذه الكلمة
فهذا غير موجود في قانون الرجال.
دخل مازن الي قاعة المحاضرات باحثاً بعنيه على صديقه الذي تعرف عليه في الايام السابقه
والذي يسمي أدم.
وعندما وجده رحل تجاهه وجلس بجانبه.
مازن بابتسامة:
ازيك يا صاحبي.
فابتسم له أدم وقال:
الحمدلله وانت
فنظر مازن للفراغ وقال بهدوء:
بخير بخير.
أدم بتعجب
بس...
ولكن في هذا الوقت دخل دكتور المادة وبدأت المحاضره.
وبعد عدت ساعات وبعد انتهاء المحاضرات.
أدم بمزاح:
تعالي بقى اعرفك على شله انما اي هتحبها وممكن تتعرف على واحده كمان.
مازن بهدوء:
مينفعش انا متجوز
أدم بصدمه:
متجوز!!!
مازن بضحك:
اه والله متجوز
أدم:
بس ازاي..
ولكن قاطعه دخول رودينا.
رودينا لمازن:
ممكن نتكلم شوية.
فأنفجر مازن واقفاً وهو يقول بغضب:
يبت انتي اي قله الكرامة دي مبتفهميييش ليييييييي قولتلك مش عاوزك وبعدين انتي مش مخطوبه في اييي
فقال أدم محاولاً تهدأت مازن:
اهدى يبني  مينفعش...
ولكن مازن قد غادر المكان بغضب فرحل أدم خلفه سريعاً وظلت رودينا واقفه مكانها.
ذهب مازن الي الكافتريا الخاصه بالجامعة.
جلس على احدي المقاعد بغضب فجلس أدم بجانبه بهدوء.
أدم:
في اي؟؟
مازن بغضب:
مفيييششش.
أدم:
هو انا بسأل بنت خالتي هو اي اللي مفيش ما تقووول.
فصمت مازن عدة دقائق وبدأ يقص عليه جميع ما حدث معه.
واخيراً:
هو ده كل حاجه حصلت
أدم بهدوء:
تعرف اي اكتر حاجه وحشه هي فيروزه دخلت في النص من غير ما يكون ليها اي ذنب.
فصمت مازن ولم يتحدث
فأكمل أدم:
بس كدا كل حاجه بقت حلوه فخلي بالك من مراتك... وصمت وبعدها قال:
ولا هي كمان بتحب حد؟؟
فنظر له مازن ببرود ولم يتحدث
أدم:
ما تتكلم..
مازن وهو ينظر للاشي:
بتحبني..
فصمت أدم بأسف عليها واكمل بعدها وقال:
حاول تحبها وتعوضها لان هي اكيد اتوجعت اوي
فقال بصدق:
هحاول.
ومن بعدها نظر الي ساعته وقال:
انا همشي بقى.
أدم سريعاً:
طب خدني معاك عشان عربيتي لسه في الصيانه.
مازن بهدوء:
طيب يلا..
فذهبوا سوياً
_______
بعد دقائق وجد أدم مازن يغير طريقه.
فسأله:
انت رايح فين؟؟
فقال :
معلش يا أدم بس هجيب فيروزه الاول عشان متفضلش مستنياني كتير
فأبتسم أدم وصمت.
وقف امام الجامعه وهاتف فيروزه لكي تخرج.
خرجت هي بعد دقائق
سألها مازن بابتسامة:
عملتي اي؟
فأجابته قائله:
الحمدلله كان حلو ا.........  ولكنها صمتت عندما رأت أدم
فتحدث أدم سريعاً بحرج:
السلام عليكم ازيك يا دكتورة.
نظرت لمازن عدة ثواني وصمتت.. دخلت السيارة وجلست بالمقعد الخلفى وظلت صامته.
فنظر أدم لمازن بتعجب ولكن لم يتحدث احدهم..
وصل أدم الى منزله وشكر مازن وودعه وبعد ان غادر نظر مازن الي الخلف وقال:
تعالي اقعدي هنا.
فجلست فيروزه بالفعل.
قاد مازن سيارته وهو يقول:
"فيروزه"
فقالت سريعاً:
انا والله ما رضيت ارد عليه وحتي مسلمتش عليه خالص وانت كنت شايفني.
فنظر لها مازن بصدمه وقال بعدم استعاب:
اي!!! 
فيروزه وهي تبدأ بالبكاء:
انا والله مسلمتش عليه ومتكلمتش معاه.
فتذكر مازن تلك الليله التي ضربها بها وهانها بسبب مصافحتها لرجل اخر
اوقف سيارته مره اخرى والتفت اليها وقال:
بس خلاص اهدى وبعدين انا مقولتش حاجه انا كنت هعزمك نتغدى بره اصلا.
فنظرت له فيروزه بصمت
فقال مازن بهدوء:
مش عاوزك تخافي مني يا لوزه وافهمي ان كل ده لمصلحتك.
فيروزه بأستفهام:
مصلحتي ازاي؟
فقال بابتسامة:
هبقى اقولك بعدين المهم دلوقتي نروح ناكل لأني بموت من الجوع.
فضحكت فيروزه بخفه وقالت:
ماشي يلا.
فقاد مازن سيارته متجهاً الى احدي المطاعم.
___
عند بسمله وعمرو.
يلا قومي بقى كل ده نوووم.
بسمله بأرهاق:
تعبانه بقى والله سبني شويه بس.
عمرو بإبتسامة:
يروحي يلا بقى قومي.
فنهضت بسمله وجلست نصف جالسه:
حاااضر حاااضر اهو.
عمرو بضحك:
قومي بقى حضري الاكل بجد عشان جوعت اوي.
بسمله:
عمرو
فانصت لها عمرو فقالت هي سريعاً:
مش احنا هنروح شهر العسل بعد بكرة.
عمرو بحب:
اه يروحي
فقالت سريعاً:
خلينا ناخد مازن وفيروزه معانا.
فجلس مازن صامتاً عدت ثواني وقال مبتسماً:
حاضر.
بسمله بفرحه:
عرفت اختاااار والله.
فضحك عمرو وقال بمرح:
طب يلااا قومي اعمليلي اكل.
فخرجت بسمله سريعاً بفرحه.

___
عوده الي مازن وفيروزه.
انهت فيروزه طعامها وقالت:
الحمدلله شكراً يمازن.
مازن متعجباً:
انتي بتكلمي واحد صحبك!
فيروزه بجهل:
يعني اي؟
فقال:
اي شكراً دي!
فضحكت بخفه وقالت:
اومال اشكرك ازاي؟
فقال بضحك:
تعمليلي اكله بحبها.
فضحكت فيروزه وقالت بحماس:
هو انا اكلي حلو اصلاً!!
مازن سريعاً:
والله ده تحفه وجميل... بعدها اخفض صوتها ولكنه جعلها تسمعه وقال:
ذيك كدا..
فمال رأسها على الفور من خجلها..
فضحك هو وقال:
بجد والله!
فيروزه باهتمام:
اي!
مازن وهو ينظر اليها:
مكنتش ملاحظ ان عندي بنت عم قمر كدا
فابتسمت فيروزه بخجل
فقال هو في تردد:
لسه بتحبيني!
فأنزعجت فيروزه وقالت له سريعاً:
وانت لسه بتحبها!
فصمت مازن ولم يقوي على الحديث..
تحدث اخيراً بعد عدت دقائق  وهو يضع النقود على الطاوله وقال:
يلا نروح.
فوقفت فيروزه فوراً واتجهت بخطوات بطيئه من جانب المقعد خاصتها.
فصار هو امامها وهي خلفه.
___

تابع
المصابه بالكتابة🦋