✍️ Unicode
" ရော့ ဒီမှာ မင်းအတွက် ဝက်အူနုသုပ်ထားတာ…… "
မောင်ကဝက်အူနုကိုပြုတ်ပြီးသုပ်ထားတဲ့ပန်းကန်ကို နေမင်းခန့်နားချပေးတော့ သားနဲ့သမီးကလှမ်းကြည့်တယ်။စားချင်နေတဲ့အရိပ်အယောင်တွေနဲ့ မျက်လုံးလေးတွေကအရောင်တောက်လို့နေကြတယ်။
စားလည်းစားချင်စရာပဲ။ကြက်သွန်နီနိုင်းချင်းမှာငရုပ်သီးစိမ်းလေးတွေလှီးထည့်ပြီး အချဉ်နဲ့သုပ်ထားတာကိုး။နံနံပင်နံ့နဲ့သံပုရာသီးအနံ့ကကိုစားချင်စိတ်ကိုထိုးဆွနေကြတော့တာမျိုး။
မောင်ကကြက်သားနဲ့ငါးကလွဲရင်မစားဘူး။ဘိုးညီလည်းဒီလိုပဲ။ကြက်သားနဲ့ငါးပဲစားတာ။နေမင်းခန့်ကတော့အသားထဲမှာဝက်သားအကြိုက်ဆုံး။ဒါပေမဲ့ မောင်မစားလို့နေမင်းခန့်လည်းဝက်သားမစားဖြစ်တာတော်တော်ကြာပါပြီ။
" ဒီမှာသားနဲ့သမီးအတွက်ကြက်သား…… "
မောင်ကကြက်သားကိုသားနဲ့သမီးရဲ့ထမင်းပန်းကန်ထဲထည့်ပေးတယ်။ဘဝကိုသုညကိုစခဲ့ရတာမို့မောင်ကအရာရာကိုစည်းစနစ်တကျရှိတယ်။
အသားဟင်းကိုစားချင်တိုင်းမစားရဘူး။ဘိုးညီအတွက် သပ်သပ်တစ်ခွက်ခူးပေးပြီး ကျန်တာကိုဝေပုံကျနဲ့ပဲစားရတယ်။တစ်မိသားစုလုံးတစ်ယောက်ကိုနှစ်တုံးဆိုနှစ်တုံးပဲ။
ဘိုးညီက သူလည်းဝေပုံကျပဲစားမယ်လို့ပြောပေမဲ့ မောင်ကမစားခိုင်းပါဘူး။ဘိုးညီအတွက်တော့ကြက်သားနဲ့ငါးကိုတစ်လှည့်စီအဆင်ပြေအောင်ချက်ပြီး ခွက်နဲ့ပဲခူးပေးတာပါ။
ဘိုးညီကလွဲရင်တော့ မောင်အပါအဝင်အားလုံးဝေပုံကျပဲ။အသားဟင်းကိုနေ့တိုင်းစားရမယ်။ဒါပေမဲ့လိုအပ်သလောက်ပဲတဲ့။ဒါကမောင့်လက်သုံးစကား။အသီးအရွက်ကိုများများစားတာကျန်းမာရေးနဲ့ညီညွတ်တယ်လို့လည်းပြောတတ်သေးတယ်။
ဘယ်သူမှအထွန့်တက်နေကြတာတော့မဟုတ်ပါဘူး။မောင်ဝေပေးတဲ့အတိုင်းစားလိုက်ကြတာပါပဲ။အသားဟင်းကလွဲရင်ကျန်တဲ့ဟင်းရံတွေကိုတော့ပိုပိုသာသာချက်ပါတယ်။အသားဟင်းကလည်းဝေပုံကျဆိုပေမဲ့အတုံးခပ်ကြီးကြီးတုံးထားတာမို့စားလောက်ပါတယ်။
YOU ARE READING
💕 မင်း ချစ်တဲ့ မောင်
Fantasyပေးဆပ်ခြင်းတွေ ရယူခြင်းတွေနဲ့အသံကောင်းဟစ်နေရင် ဒါကအချစ်စစ်မဟုတ်တော့ဘူး။အချစ်စစ်ဆိုတာ အပြန်အလှန်နားလည်ပေးတဲ့စိတ်နဲ့ တစ်ဦးကတစ်ဦးကိုစိတ်ချမ်းသာစေခြင်းပါပဲ။ yawthawemaung ေပးဆပ္ျခင္းေတြ ရယူျခင္းေတြနဲ႕အသံေကာင္းဟစ္ေနရင္ ဒါကအခ်စ္စစ္မဟုတ္ေတာ့ဘူး။အခ်စ္စစ္ဆို...
