အခုမှအသစ်လုပ်ထားတဲ့ရေသွယ်မြောင်းထဲမှာနွားစာခေါင်းကိုစီးပြီး စိုက်ခင်းတွေကိုလျှောက်ကြည့်ရင်း နေမင်းခန့်ကျေနပ်နေမိတယ်။
ဘုရားဖူးခရီးကအပြန် နေမင်းခန့်စိတ်ထဲမှာအတွေးတစ်ခုပါလာခဲ့တယ်။အဲဒီအတွေးက ဟိုအရင်ကတည်းကရှိပြီးသား။ဒါပေမဲ့ မန္တလေးနန်းမြို့ရိုးပတ်လည်တူးထားတဲ့ ကျုံးကြီးကိုမြင်ပြီးတော့မှ ပိုသေချာသွားတာ။
အဲဒီအတွေးကို အကောင်အထည်ဖော်ရမလားလို့ မောင့်ကိုမေးတော့ လုပ်ချင်လုပ်တဲ့။ဒါနဲ့ပဲ သင်္ကြန်ပြီးသွားတော့နေမင်းခန့်လုပ်ချင်တာကိုအကောင်အထည်စဖော်ဖြစ်တယ်။
တခြားတော့မဟုတ်ပါဘူး။နေမင်းခန့်တို့အိမ်အနောက်ဘက်က နေမင်းခန့်တို့ပိုင်တဲ့လယ်ကွက်တွေကိုဝိုက်ပြီးရေသွယ်မြောင်းတူးပစ်လိုက်တာ။
နေမင်းခန့်တို့အိမ်ရဲ့အနောက်ဘက်မှာ ဟိုးအရင်ကစ ရေသွယ်မြောင်းရှိပြီးသား။ခါးသာသာရင်ဘတ်မရောက်တရောက်လောက်ရေနက်တာမို့ ရေသွယ်မြောင်းကတော်တော်ကြီးတယ်ပဲပြောရမှာ။
ဒီရေသွယ်မြောင်းကနေပဲ လယ်တွေကိုရေယူကြတာ။ချောင်းကိုပိတ် ဆည်လုပ်ပြီးသွယ်ယူထားတဲ့ရေမို့ ရေကလည်းသန့်တယ်။ချောင်းရေအတိုင်းပဲကြည်လင်စိမ်းမြလို့။
မြေတွေက သဲဆန်ဆန်မြေတွေမို့ ရေသွယ်မြောင်းအောက်ခြေမှာ နွံတွေလည်းမရှိဘူး။အိမ်တော်တော်များများကတော့ ချောင်းထဲကိုရေချိုးမသွားကြတော့ဘဲ ဒီရေသွယ်မြောင်းထဲပဲဆင်းချိုးလိုက်ကြတော့တာ။
ဘိုးညီတောင်ဒီထဲပဲဆင်းချိုးနေကြ။ခွက်နဲ့ခပ်ပြီးလောင်းချိုးရတာအားမရလို့တဲ့။အိမ်အနောက်မှာရေသွယ်မြောင်းလေးရှိတော့ အိမ်ဝင်းထဲမှာအသီးအနှံ စိုက်ခင်းလေးဘာလေးလုပ်ရတာလည်း အဆင်ပြေတယ်။
နေမင်းခန့်တို့ရောက်ကာစကတောင် ဒီအိမ်ဝင်းထဲမှာစိုက်ခင်းလေးရှိသေးတာ။အဲဒီစိုက်ခင်းလေးကို ဘိုးညီကရေသွယ်မြောင်းကနေ ရေခပ်လောင်းတာမြင်ဘူးတယ်။
နေမင်းခန့်တို့လယ်တွေပတ်လည်ကို ရေသွယ်မြောင်းဖောက်တာက ရေသွယ်ရုံတင်မကဘူး။နွားစာခေါင်းပါချစီးလို့ရအောင်ခပ်ကျယ်ကျယ်ဖောက်ပစ်လိုက်တာ။
YOU ARE READING
💕 " မင်း " ချစ်တဲ့ " မောင် "
Fantastikပေးဆပ်ခြင်းတွေ ရယူခြင်းတွေနဲ့အသံကောင်းဟစ်နေရင် ဒါကအချစ်စစ်မဟုတ်တော့ဘူး။အချစ်စစ်ဆိုတာ အပြန်အလှန်နားလည်ပေးတဲ့စိတ်နဲ့ တစ်ဦးကတစ်ဦးကိုစိတ်ချမ်းသာစေခြင်းပါပဲ။ yawthawemaung ေပးဆပ္ျခင္းေတြ ရယူျခင္းေတြနဲ႕အသံေကာင္းဟစ္ေနရင္ ဒါကအခ်စ္စစ္မဟုတ္ေတာ့ဘူး။အခ်စ္စစ္ဆို...
