✍️ Unicode
" ငရဲကြီးရှစ်ထပ်မှာ ပထမဆုံးငရဲကသိဉ္ဇိုးငရဲတဲ့… သူ့ရဲ့သက်တမ်းကနှစ်ပေါင်းငါးရာတဲ့… သိဉ္ဇိုးငရဲတစ်ရက်ကိုလူသက်နဲ့တွက်ရင်အနှစ်ကိုးသန်းကြာတယ်တဲ့…… "
" နင့်ဟာကဟုတ်ကောဟုတ်ရဲ့လားဟယ်…… "
မောင်ပြောနေတဲ့ငရဲအကြောင်းကို အရီးထွေးညိုကကြားဖြတ်မေးတယ်။မယုံလို့မေးတဲ့အသံမဟုတ်ပါဘူး။တစ်ခါမှမကြားဖူးလို့သေချာချင်တဲ့စိတ်နဲ့မေးတဲ့အသံမျိုးပါ။
" ဟုတ်ပါတယ်အရီးထွေးညိုရဲ့… ပဲခူးဆရာတော်ဦးတေဇောသာရကိုယ်တိုင်ဟောထားတာပါဗျ… အဲဒီငရဲကျခံရတဲ့ငရဲသားတွေဟာငရဲထိန်းတွေက ဓားတွေ၊သံလျက်တွေ၊ရဲတင်းတွေ၊ပုဆိန်တွေနဲ့နုပ်နုပ်ပါအောင်စင်းပစ်တာကိုခံကြရတယ်တဲ့… "
" ဒါဆိုတစ်ခါတည်းသေသွားမှာပေါ့နော်ဖေဖေ…… "
" အေးပေါ့သားငယ်ရဲ့… တစ်ခါတည်းသေသွားတာပေါ့… ဒါပေမဲ့ အကုသိုလ်ကံမကုန်သေးတဲ့အခါ နောက်တစ်ကြိမ်ငရဲသားပြန်ဖြစ်ပြီး ငရဲထိန်းတွေကနုပ်နုပ်စင်းတာကိုနောက်တစ်ခါပြန်ခံကြရတာပေါ့…… "
" အမလေး ကြောက်စရာကြီးဟယ်… "
အရီးထွေးညိုဆီကအသံဟာတကယ်တုန်လှုပ်သွားတဲ့အသံပါ။အမှန်ကတော့ဒီငရဲတရားကိုမောင်ကနေမင်းခန့်ကိုဟောချင်နေမှန်းသိသားပဲ။
ငရဲတရားစဟောဖြစ်ပုံရဲ့အစကဒီလို။တစ်နေ့ရွာထဲမှာအလှူရှိတယ်။အလှူမှာငါးနှပ်ကျွေးမယ်ဆိုပြီးအလှူရှင်ကမြို့နဲ့အဆက်အသွယ်ရှိတဲ့နေမင်းခန့်ကိုငါးမှာခိုင်းတယ်။
ဒီတော့နေမင်းခန့်က ကားဆရာနဲ့ဆက်သွယ်ပြီးငါးမှာပေးလိုက်တယ်။အဲဒီမှာကားဆရာက ငါးတွေကိုမှာတာထက်ပိုပါလာခဲ့ပါလေရော။ငါးရောင်းတဲ့ဆိုင်ရှင်ကအရမ်းရောင်းချင်တော့အတင်းတွေရော၊ဇွတ်တွေရောထည့်ပေးတာတဲ့လေ။
ကားဆရာနဲ့ဆိုင်ရှင်ကလည်းအရမ်းခင်နေတော့ မငြင်းသာလို့ပါဆိုပြီး ငါးတွေကမှာတဲ့အချိန်ထက်ပိုပါလာခဲ့ပါလေရော။ကားဆရာကတော့တောင်းပန်ပါတယ်။ဘယ်လိုမှအဆင်မပြေရင်လည်းသူပဲယူသွားလိုက်ပါ့မယ်တဲ့။
YOU ARE READING
💕 မင်း ချစ်တဲ့ မောင်
Fantasyပေးဆပ်ခြင်းတွေ ရယူခြင်းတွေနဲ့အသံကောင်းဟစ်နေရင် ဒါကအချစ်စစ်မဟုတ်တော့ဘူး။အချစ်စစ်ဆိုတာ အပြန်အလှန်နားလည်ပေးတဲ့စိတ်နဲ့ တစ်ဦးကတစ်ဦးကိုစိတ်ချမ်းသာစေခြင်းပါပဲ။ yawthawemaung ေပးဆပ္ျခင္းေတြ ရယူျခင္းေတြနဲ႕အသံေကာင္းဟစ္ေနရင္ ဒါကအခ်စ္စစ္မဟုတ္ေတာ့ဘူး။အခ်စ္စစ္ဆို...
