ညကတိတ်တိတ်ဆိတ်ဆိတ်နဲ့မို့ချောက်ချားစရာတောင်ကောင်းနေသလားပဲ။မှောင်မဲလွန်းတဲ့ကောင်းကင်ဟာ လကိုတောင်ကိုယ်ရောင်ဖျောက်ထားနိုင်တယ်။
ပြိုးပြိုးပျက်ပျက်ကြယ်ရောင်တွေရှိနေကြပေမဲ့ ညအမှောင်ကိုမထိုးဖောက်နိုင်ကြဘူး။မှိတ်တုတ်မှိတ်တုတ်အလင်းရောင်လေးတွေနဲ့သာ ညအမှောင်ကိုကျားကန်ပြီးအန်တုနေကြရှာလေရဲ့။
စိုးစိုးစီစီမြည်နေတဲ့ပုဇဉ်းအော်သံတချို့ကစိတ်ပျက်စရာကောင်းပေမဲ့နေမင်းခန့်ဘာမှမတတ်နိုင်ပြန်ဘူး။တစ်ချက်တစ်ချက်မှကြားရတဲ့ငှက်စုန်းအော်သံကလည်းကြောက်တတ်သူတွေအတွက်တော့ကျောချမ်းစရာကြီး။
ငှက်စုန်းအော်သံကိုတော့လူတွေကသိပ်မကြိုက်ကြဘူး။နိမိတ်မကောင်းဘူးတဲ့။နေမင်းခန့်ကတော့ဒီလိုအယူတွေမရှိပါဘူး။
ညနက်မှထွက်လာပြီး စူးစူးရှရှအော်တတ်လို့ငှက်စုန်းလို့ခေါ်ကြဟန်တူပါရဲ့။ငှက်အော်သံကြောင့်နိမိတ်မကောင်းဘူးပြောကြတာထက် ငှက်နာမည်မှာစုန်းပါလို့နိမိတ်မကောင်းဘူးပြောကြတဲ့ပုံပါပဲ။
ငှက်ပဲ။သူ့သဘာဝအလိုက်အော်မြည်မှာပေါ့။လူတွေကပေးချင်သလိုပေးထားတဲ့နာမည်နဲ့ပဲ ဒီငှက်အော်သံကြားရတိုင်းနိမိတ်မကောင်းဘူးဖြစ်ရတော့မလား။
ဒါပေမဲ့အခုတော့ ဒီငှက်အော်သံကြားရင်နိမိတ်မကောင်းဘူးဆိုတာကို နေမင်းခန့်ကိုယ်တိုင်တောင်လက်ခံရမလားမသိတော့ပါဘူး။
ဟုတ်မှာပါလေ။မောင်နဲ့ခွဲအိပ်နေရတဲ့ဒီညမှကြားရတဲ့ငှက်စုန်းအော်သံကနေမင်းခန့်အတွက်တော့နိမိတ်မကောင်းခဲ့ဖူးပဲ။ဆရာဝန်တွေနားတဲ့အခန်းထဲကအိပ်ရာပေါ်မှာဘယ်လိုမှအိပ်မပျော်နိုင်ဘဲ မောင့်ကိုလွမ်းနေခဲ့ရတာကိုး။
မောင့်ကိုလွမ်းလိုက်တာ။တစ်နယ်စီဝေးနေရင်တောင်ခံသာဦးမလားမသိပေမဲ့ တစ်ရွာတည်းနေပြီးဝေးနေရတာကတော့နေမင်းခန့်ရင်ထဲခိုးလုခိုးလုနဲ့။
ညအိပ်ကြပါတော့မယ်ဆိုမှအရေးပေါ်လူနာရောက်လာလို့ဆိုပြီး ဆရာဝန်မလေးကိုလာခေါ်လို့ဆရာဝန်မလေးကိုလိုက်ပို့ရင်းနေမင်းခန့်ကိုယ်တိုင်ဆေးရုံရောက်နေခဲ့ရတာဆိုပါတော့။
YOU ARE READING
💕 " မင်း " ချစ်တဲ့ " မောင် "
Fantasíaပေးဆပ်ခြင်းတွေ ရယူခြင်းတွေနဲ့အသံကောင်းဟစ်နေရင် ဒါကအချစ်စစ်မဟုတ်တော့ဘူး။အချစ်စစ်ဆိုတာ အပြန်အလှန်နားလည်ပေးတဲ့စိတ်နဲ့ တစ်ဦးကတစ်ဦးကိုစိတ်ချမ်းသာစေခြင်းပါပဲ။ yawthawemaung ေပးဆပ္ျခင္းေတြ ရယူျခင္းေတြနဲ႕အသံေကာင္းဟစ္ေနရင္ ဒါကအခ်စ္စစ္မဟုတ္ေတာ့ဘူး။အခ်စ္စစ္ဆို...
