✍️ Unicode
ထန်းရေအခါးဆိုတာက ချိုနေတဲ့ထန်းရေကိုတမင်ခါးသွားအောင်လုပ်ယူရတာ။အပင်ကထွက်လာတဲ့ထန်းရေကချိုချိုလေးရယ်။
အဲဒီချိုနေတဲ့ထန်းရေကမမူးဘူး။ဒီတော့မူးသွားအောင်ထန်းရေကိုခါးအောင်ဖောက်ယူရတယ်။ခက်ခက်ခဲခဲတော့မဟုတ်ပါဘူး။မုန်ပင်ကအခေါက်ကိုခွာပြီးထည့်လိုက်ရုံပါပဲ။
မုန်ပင်ကရတဲ့မုန်ခေါက်ကအပြာနဲ့အဖြူဆိုပြီးနှစ်မျိုးရှိတယ်။အဖြူကိုအသုံးနည်းပြီးအပြာကိုသုံးကြတာများတယ်။အဲဒီမုန်ခေါက်ကိုတစ်ချို့ကတော့မီးကင်ရုံကင်ပြီး တချို့ကတော့မီးထဲထည့်ဖုတ်လိုက်ကြတယ်။
မီးကင်တာပဲဖြစ်ဖြစ်၊မီးဖုတ်တာပဲဖြစ်ဖြစ် အဲလိုလုပ်ထားပြီးသားမုန်ခေါက်ကိုလက်နှစ်သစ်လောက်အတုံးလေးတွေတုံးပြီး လက်တစ်ဆစ်စာလောက်စီပိုင်းဖြတ်ရတယ်။
ပြီးတော့မှထန်းရေအခါးဖောက်မဲ့အိုးထဲကိုတစ်ပိုင်းစီထည့်ရတယ်။တစ်ပိုင်းထက်ပိုထည့်ရင်ထန်းရေကပျက်သွားတယ်။ထန်းရေအနံ့မရတော့ဘဲ သစ်ခေါက်ရေလိုလိုဘာလိုလိုဖြစ်သွားတတ်တယ်။
ဒါတင်ပဲလားဆိုရင်တော့မဟုတ်သေးဘူး။မုန်ခေါက်ထည့်ပြီးသားအိုးထဲကိုအရည်လင်ဆိုတာထပ်ထည့်ရသေးတယ်။အရည်လင်ဆိုတာကတော့ သူများအခါးဖောက်ပြီးသားထန်းရေကိုအနည်ထိုင်အောင်လုပ်ထားတဲ့အရည်ပါ။
အနည်ထိုင်သွားတဲ့အခါ ကြည်လင်သွားတာမို့ အရည်လင်လို့ခေါ်တာထင်ပါရဲ့။အဲဒီလိုမုန်ခေါက်ရောအရည်လင်ပါထည့်ထားတဲ့မြူအိုးနဲ့ထန်းရေခံလိုက်တဲ့အခါ ထန်းရေအချိုကနေအခါးဖြစ်သွားတယ်။
တချို့ကတော့လည်းမုန်ခေါက်အစားသစ်ရာခေါက်ထည့်ကြသတဲ့။အရည်လင်အစားအရက်ထည့်ကြတယ်ပြောတာပဲ။အုန်းကြီးသာကျောပြောတာတွေကိုကြားဖူးတာပါ။
အဲဒီထည့်ရာကရလာတဲ့ထန်းရေအခါးကမှမူးတော့တာ။အခုလည်းထန်းရေအခါးကိုနေမင်းခန့်သောက်နေတာထန်းမှုတ်နဲ့သုံးလေးငါးမှုတ်လောက်ရှိနေပြီ။သောက်နေကြမဟုတ်တာရောမို့တော်တော့်ကိုရီဝေဝေဖြစ်နေခဲ့ပြီ။
YOU ARE READING
💕 မင်း ချစ်တဲ့ မောင်
Fantasyပေးဆပ်ခြင်းတွေ ရယူခြင်းတွေနဲ့အသံကောင်းဟစ်နေရင် ဒါကအချစ်စစ်မဟုတ်တော့ဘူး။အချစ်စစ်ဆိုတာ အပြန်အလှန်နားလည်ပေးတဲ့စိတ်နဲ့ တစ်ဦးကတစ်ဦးကိုစိတ်ချမ်းသာစေခြင်းပါပဲ။ yawthawemaung ေပးဆပ္ျခင္းေတြ ရယူျခင္းေတြနဲ႕အသံေကာင္းဟစ္ေနရင္ ဒါကအခ်စ္စစ္မဟုတ္ေတာ့ဘူး။အခ်စ္စစ္ဆို...
