✍️ Unicode
" အောင်သွယ်တော် ဖိုးရွှေလမင်းရယ်… တိမ်ကြားကိုဝင်ကာမပုန်းနဲ့တောင်းပန်တယ်… ချစ်သူ့အဖြေစကားအပြုံးရိပ်ကလေးများလမင်းမှာရှိတယ်… တွေးရင်းဖွေရှာမောရပါတယ်အချစ်ရယ်… ဒီတစ်ခါလမင်းတွေ့ရင်ပြုံးဖြစ်အောင်ပြုံးပြလိုက်ပါကွယ်…… "
ထန်းပင်ပေါ်ကနေထန်းလှီးရင်းသီချင်းအော်ဆိုနေတဲ့အရီးထွေးညိုရဲ့မောင်အုန်းကြီးသာကျောရဲ့အသံက ထန်းတောတခိုကိုလွင့်ဝဲလို့နေတယ်။
အုန်းကြီးဆိုတာအမေ့ရဲ့မောင်ကိုခေါ်တာလို့ဆိုကြပေမဲ့ နေမင်းခန့်တို့ကတော့အရီးထွေးညိုလို့ခေါ်ကြတာမို့ အရီးထွေးညိုမောင်ဦးသာကျောကိုလည်း အုန်းကြီးသာကျောလို့ခေါ်လိုက်ကြတာပါပဲ။
ထန်းလှီးရင်းသီချင်းဆိုနေတဲ့အုန်းကြီးသာကျောအသံကတွံတေးသိန်းတန်လိုမကောင်းပါဘူး။ဒါပေမဲ့လည်းတောသူတောင်သားတို့ရဲ့ ရိုးသားပွင့်လင်းတဲ့အရိုးခံစိတ်ကသီချင်းသံထဲမှာပါလာတာမို့ နားထောင်လို့ကောင်းနေပြန်ပါရောလား။
နားထောင်လို့ကောင်းရုံမကပါဘူး။အုန်းကြီးသာကျောရဲ့ပျော်ရွှင်တဲ့စိတ်ကတခြားသူတွေဆီကိုပါကူးစက်လာတာမို့ နေမင်းခန့်တောင်သီချင်းကိုခပ်တိုးတိုးလိုက်ဆိုညည်းလို့နေမိပါသေးတယ်။
ထန်းလှီးတယ်ဆိုတာက ထန်းရေထွက်တဲ့ထန်းစကိုဓားနဲ့လှီးပေးရတာကိုပြောတာပါ။ပြောပြရဦးမယ်။ထန်းပင်ကအဖိုပင်နဲ့အမပင်ဆိုပြီးနှစ်မျိုးရှိတာ။
နေမင်းခန့်ကတော့ထန်းပင်ဆိုတစ်မျိုးတည်းလို့ထင်ခဲ့တာကိုး။အဲဒီထန်းပင်တွေကနေနွေရာသီပိုင်းကိုရောက်လာတဲ့အခါ ထန်းဖူးတွေထွက်လာတယ်။
အဖိုပင်ကထန်းဖူးကိုနို့ရစ်ဆိုပြီးအရင်ဆုံးထန်းရေခံကြတယ်။ဝန်ကြီးပဒေသရာဇာကတော့ နွေဦးကာလမြူထသောအခါကဗျာထဲမှာ နုမျစ်ကယ်ထန်းဦးရေလို့ဖွဲ့ဆိုခဲ့ပေမဲ့ ယောအခေါ်တော့နို့ရစ်လို့ပဲခေါ်ကြတာ။
အဖိုပင်ရဲ့ထန်းဖူးကလက်ချောင်းလေးတွေလိုအချောင်းလေးတွေ။အဲဒီအချောင်းလေးတွေကိုတော့ထန်းနို့ချောင်းတဲ့။အဲဒီထန်းနို့ချောင်းလေးတွေအကုန်လုံးကိုနှီးပြားနဲ့တင်းကျပ်နေအောင်စုချည်ထားပြီးထန်းရေထွက်ဖို့လုပ်ကြတာ။
YOU ARE READING
💕 မင်း ချစ်တဲ့ မောင်
Fantasyပေးဆပ်ခြင်းတွေ ရယူခြင်းတွေနဲ့အသံကောင်းဟစ်နေရင် ဒါကအချစ်စစ်မဟုတ်တော့ဘူး။အချစ်စစ်ဆိုတာ အပြန်အလှန်နားလည်ပေးတဲ့စိတ်နဲ့ တစ်ဦးကတစ်ဦးကိုစိတ်ချမ်းသာစေခြင်းပါပဲ။ yawthawemaung ေပးဆပ္ျခင္းေတြ ရယူျခင္းေတြနဲ႕အသံေကာင္းဟစ္ေနရင္ ဒါကအခ်စ္စစ္မဟုတ္ေတာ့ဘူး။အခ်စ္စစ္ဆို...
