' نِـسْيـان '

شَكُوك

•••••••••••••

-"محسن !!"

قال صالح متفاجئ ورد محسن بعصبية

-" عموا عينك توك تتذكرني الحين !"

وقرب من صالح أكثر..والله ناويها بيقبعها هوشة ! وقف قدامه وقال بنظرات حادة

-" وش عندك تفرد عضلاتك عليه هاا؟"

ضحك صالح بسخرية وقال وهو يرفع حاجبه

-"اها اتاري السالفة كذا ! الرخمه موكل محامي عندي هنا ؟!"

كل زق ! يقلعك يامحسن خليت شكلي كأني زوجة منحاشة من زوجها ومناديه اخوها يصفق زوجها ! والله لو اني داري انه كان يخطط على كذا كان هجدته وانا اخذي حقي بيدي بس الكلب يبقى كلب !

احتدت عيون محسن وهو يقرب من صالح اكثر شوي ويلصق وجهه بوجه صالح الي يناظره بأستصغار وقال بنبرة عالية حادة

-" اذا تبيها من الله علمني عشان امسح وجهك بالبلاط !"

ضحك صالح ثاني مرة بستهزاء وقام يضرب كتف محسن بخفة وقال

-" اقول تبي تسوي فيها قوي عندي هنا تحسبني اسكت لا يالطيب اجلدك في ثواني "

توسعت عيون محسن ومسك يد صالح ثم لوها مبعدها عنه بجفاء ثم تكلم والشرار يظهر من عيونه!

-" نزل يدك ولا تمدها لي عشان ماعطبها لك! "

ابتسم صالح يقهره زود وعاد الحركة وهو يرفع اصبعه وينقره على راس محسن من الجنب ! وقال

-" هااا هااا وش بتسوي يعني؟ خايف منك ؟ ياشيخ روقنا بس بوقت كرامة الرجال مافي شيء اسمه احترام"

قالها ثم تفاجئ لما محسن دفعه بقوة وهو يتقرب منه ولما صالح استوعب تقرب منه هو بعد وقال بعصبية هالمرة لما شاف الوضع جد

-" اقول اذلف لاخليك تسبح بدمك وتلحق اخوك "

الله ياخذه يقصد ابوي !! قرب منه محسن وصار يضرب على صدر صالح وهو يتراجع بس مسك يد محسن ولوها ورا ظهره نفس ماسوا فيني لكن محسن رفع ساقه وعطاه رفسة قوية ببطنه خلته تتوسع عيونه بألم !

كفوو ابي اعزز!!

وبسرعة هجم صالح على محسن وبدأت بينهم الحرب العالمية الثالثة ! صراحة توقعت صالح يسدح محسن مع انهم بنفس الطول بس صالح اعرض منه بس انصدمت طلعوا كل واحد اقوى من الثاني ! وبقوس قوية عنيفة خفت منها حتى اصواتها واصلة لعندي ! فجاءة ابتعد صالح وطلع من جيبه شيء اسود يتلامع !