شروط البارت: ٢٠٠ كومنت ٤٠ فوت
قراءة ممتعة.
••••••••••
بالطريق والناس نايمة ، رحنا للمستشفى بعد معاناة عزام وهو يحاول يعدل جلسته بالسيارة بس ماقدر والالم زاد عليه ، ما كان مني الا اني افزع له هالمرة بس ..ابد خليته يتكي بحظني لين وصلنا للمستشفى الي كان اخر الدنيا
-" ياعيال والله ماقدر اتحرك ! "
قال بتوجع ، اول مرة اشوفه كذا بالعادة يستهبل !
-" احسن محد قالك تسوي الولد الزحيف وتطامر يافله "
قال ثامر وهو يلف اللفة حقت المستشفى ، ناظرت لعزام لما ناظر فيني وقال بترجي
-" تكفى خله ياكل زق "
-" طيب خلاص يا بابا ياشطوري "
-" ماجد والله مب وقت مزح ظهري ماقدر اتحرك احسه متجمد !"
والله شكله بيقعد استغفر الله ، وصلنا للبوابة ونزلت ونزل سيف ..التفت حولي وشفت كرسي متحرك ، اخذته واتجهت للسيارة ولبقته عند الباب
-" بيبيب اركب يله "
قلت وشفته يحاول يتحرك وهو يمسك ظهره بس ماقدر ! جيت اساعده بس ثامر شاله بيديه كأنه ساندريلا ! جلسه على الكرسي واستلمت امشي فيه
-" عنن عنن الطريق ياولد "
قلت بصوت عالي وانا ادخله للبوابة والكل تلفت علينا ..ضحكت وقلت للممرض الي شفته يمشي
-" لو سمحت وين مكتب استاذ حمد ؟"
ناظرني مستغرب وضحكنا كلنا
-" امزح وين الطرارئ لاهنت "
-" هناك "
قال وهو يأشر على بوابة ثانية ..دعست بالكرسي وبالغلط لحّمت بالجدار من الجنب !
-" ماجد الله ياخذك ظهري يوجعني!!"
-" اوبس اسف والله "
وكملت مشي بهدوء لين وصلته للممرضين يشوفون حالته ، دخلت عندهم بالغرفة وشفت الطبيب قاعد يكشف عليه
-" ها بشر ولد ولا بنت ؟"
قلت وضحكت بقوة وسمعت ضحك ثامر وراي بس سيف صفق فمي بقوة وقال وهو متفشل
-" سلاماتت وين حنا فيه !! اهجد وش فيك !"
-" شتبي ؟ "
وعطيته ضربة على راسه وانا امسك فمي ! والله سدد لي وحدة الحيوان!
-" ياولدي شلت شيء ثقيل على عاتقك؟ "
سأل الطبيب وجاوبه عزام وهو يسند ظهره على السرير
أنت تقرأ
' نِـسْيـان '
Teen Fiction« شَتات من كُل جهة ..يتخبط في قاع الضَياع » . . ماهي نهاية قصتك لو يرحلون هذي نهاية دورهم في قصتك. ..... عامية 'سعودية ' بدأت: 2023/11/5 انتهت:
