' نِـسْيـان '

أَنِيس

شروط البارت: ٢٠٠ كومنت ٤٠ فوت
قراءة ممتعة

•••••••••••

٢:٤٣
مساء

-" اسألك بالله تعلمني !"

وقف عند باب غرفة يوسف اتشحذ منه السالفة ..ماني مستوعب شيء كيف صالح كان مخطوف !؟ يستهبل على راسي ؟ ناظرته بحزم يعني ناشب له الا يعلمني غصب ، تنهد بعمق ثم وقف من على سريره لما يأس اني بروح عنه ، مشى بأتجاهي ثم وقف مقابلي ، قلت

-" مافيه والله لتقول "

اول ما قلتها رفع يده ثم شد قذلتي ودفعني على ورا وقفل الباب بوجهي !! ضربت الباب بقبضتي بقوة وانا اصارخ احاول فيه يفتح

-" يوسف بذمتك علمني وش السالفة !! افتتح الله يصيبك "

ضربت الباب اقوى وتوقعته يفتح ويعطيني مخمس بس انه مطنشني ! يوسف صعب استفزه ! فيه برود العالمين !! اكره ، تنفست بقوة ومسحت يدي بكف يدي الثانية لانها حمرت حيل من كثر الضرب ! ناظرت للسيب الثاني ، اكيد بدر يعرف ! صح كيف نسيت ! رحت ركض بسرعة لغرفته ، فتحت الباب وشفته نايم ! يليله! مالي دخل والله ليقول

مشيت لين وقفت عند راسه ، كنت ابهبده عشان يصحى بس فجأة تكلم وهو نايم

-" امانه..تـ..كفين لا..تخليني "

ابطرش ! الله يسد نفسك ! قربت منه وهمست له يمكن يجاوب

-" منهي ؟ "

ماتكلم ..لف جسمه للجهة الثانية وفجأة تغير صوته ! وتكلم بخمول

-" اوري..امه ..وجه.. الخنزير "

يافقع مرارتي ، طلع يهذر في نومه ! حمدلله ماني زيه كان قدني كاب العفش ، سحبت عليه بس مستحيل اطلع بهدوئي ، التفت لوجه ..والله ما اخليها بخاطري ، رفعت كفي وتفلت فيه هواء ، رفعت يدي فوق لفووق ثم هويت فيه على وجهه ..وبسرعة انحشت مقفل غرفته وراي

وجهه مهيئ للكفوف ماهيب مشكلتي..

مشيت لغرفة صالح بس وقفت متفاجئ لما لاحظت انه ماهو موجود !؟ وين راح ؟ طلعت ادوره بالغرف الثانية لكن ماهوب فيه !؟ طلعت برا للشارع والتفت للجهة الثانية ولمحته اخيراً ، كان جالس بالسيارة !؟ مسدح المرتبة على ورا وما اشوف غير راسه اللي سانده على الدركسون !؟

عرفت انه متضايق ..ليش ؟ لانه هذا طبعه ! سبحان الله نسى كل شيش الا عادته هذي ! ابتسمت بسخرية وهمست