شروط البارت: ١٢٠ كومنت ٤٠ فوت
قراءة ممتعة.
••••••••••
١٢:٣٨
ظهراً
تجمعنا انا والعيال بعد صلاة الضهر عند بيت سعود ونركب شناطنا بسيارته التاهو حقه ، رايد كان معنا ويضحك على عزام الان الاخ جاب اكبر شنطة على وجهة التاريخ ! تحمس يحسب انه بيعيش هناك للابد ، ضبطنا امورنا وكل شيء تمام وجيت بسرعة اركب قدام بس سبقني حاتم وهو يبي يركب قدام !
-" نلعب حجرة ورقة والي يخسر يركب ورا "
قلت لحاتم وهو اقتنع وانا احلف من داخلي انها بس مرة وحده سواء خسرت ولا فزت ..وبس لعبناها وفعلاً فزت عليه وركبت قدام تحت سبه لي ومنطنشه في اعلا قمة الروقان ! التفت ورا وشفت سيف ينطنط عشان يبي يرمي شنطته مع الشناط ورا بس ماقدر لانه اقصرنا كلنا وكل مارماها جته معودة ! جاء رايد وساعده وركب الشنطة عدل ثم سكر دبة السيارة زين ونفض كفيه ..مشى لاتجاه سعود ووقف عند الدريشة وتكئ عليها وهو مبتسم
-" توصي شيء؟"
قال سعود وجاوبه رايد وعو يدق له تحية
-" ابد استودعكم الله توصلون بالسلامة "
ولوح بيده وحرك سعود قلت بسرعة وانا اشوف رايد من المراية ..وجتني ضيقة نطقت قبل يحرك
-" دقيقة وقف وقف خلاص ماني رايح "
-" تستهبل انت !!"
قال سعود ونزلت مطنشة لدبة السيارة ناوي انزل شنطتي بس مسك رايد يدي بسرعة وقال بنظرة جادة
-" والله ماتنزلها وش قلت لك ماجد ! والله بزعلة !"
-" ياخي شلون تبيني انبسط وانت منت معي !"
ابتسم ونطق
-" ماعليك ابنشب لكم بالاتصالات بعدين سعادتي من سعادتك "
ووخر عني ثم سحب يدي وقبل ما اركب ضمني بقوة وتراجع خطوات عن السيارة ! وفعلاً حرك سعود ..ناظرت لرايد من المرايا وشفته يلوح من بعيد ثم راح بطريقه ، احسني ضايق !
طبعاً بعد ساعات قليلة بسبب الزحمات خرجنا من الرياض اخيراً ومسكنا الخط ، وقفنا عند محطة نجمع صلاة المغرب والعشاء ثم رحنا كلنا للمحطة نشتري مفرحات وسناكات كل مالذ وماطاب ..والحساب صك ٥٠٠ مالخلينا شيء بخاطرنا
رجعنا نركب السيارة وكملنا الطريق ، التفت ورا وشفت عزام فاتح بث مايشوفه غير اهله وشغالتهم وحاتم قاعد يرقص مشغلين شيلاتهم الخايسة ، ثامر ساكت وساج بالخط وسيف يقول وقفوا ابطرش ' مسكين فيه دوار السيارة !
اكلنا من الي شريناه لين قلنا بس وضحكنا على عزام الي من يوم مامسكنا الخط مشغل دبكات اردنية وجاه فرط حركة مب طبيعية ! الين مامرت اربع ساعات وحنا بالطريق والكل هجد ..حماسهم بس في بداية السفرة الطقوعين
أنت تقرأ
' نِـسْيـان '
Teen Fiction« شَتات من كُل جهة ..يتخبط في قاع الضَياع » . . ماهي نهاية قصتك لو يرحلون هذي نهاية دورهم في قصتك. ..... عامية 'سعودية ' بدأت: 2023/11/5 انتهت:
