' نِـسْيـان '

مَجْهُولُ

شروط البارت: ١٠٠ كومنت ٤٠ فوت
قراءة ممتعة.

•••••••••••

التفت وراي وتصنمت مكاني وانا اشوف المنظر الي قدامي !

كان دريشة سيارتي الخلفية متكسرة ولا فيه اي اثار لاي شخص !! كيف ! ركضت للقزاز المتناثر والتفت حولي لكن اول مالفيت راسي لورا وبسرعة فيه يد ظهرت وسكرت فمي بقوة ثم سحبني شخص لورا دون اشوف ملامحة لانه متلثم ! رفعت يديني وحاولت انه يفكني الا انه صامل يسحبني مدري لوين ! فتحت فمي بصعوبة وعضيت اصابعه بكل قوتي وفعلاً فك يده عني وماصدقت التفت له ورفسته بسرعة ونطقت بحدة

-" من انت !! وش تبي مني !!"

كان رجال كبير واضح عليه حتى جسمه كبير وماهو حق مزح ! تقدم لي ودخل يده بجيب ثوبه وثواني طلع منها سكينة ! ركض بأتجاهي وما مالحقت استوعب الا الكلب ثبتني من عضدي على الكبوت ورفع يده لفوق الي فيها السكينة ثم هواء فيها بأتجاه قلبي !! ماقدرت اتحرك ! كل ذرة خلية بجسمي تصنمت ! لكن فجاءة وبوسط صدمتي ابتعد عني او بالاحرى شخص بعده عني وما كان الا بدر !!

ناظر الرجال الغريب بحدة ونطق وهو يأشر علي

-" توكل لاوطئ ببطنك مايذبحه الا انا !"

مجنون مريض سافل ! قسم اشك انه بعقله ! التفت على الرجال لما جاء ركض بأتجهي متجاهل بدر وبسرعة رفع السكينة ولا قدرت اصدها الا انه غرزها بكتفي !!! صرخت بصوت مكتوم وعيوني تتوسع بألم وبحرقة حسيت فيها ! سحب السكين مني بعنف وتناثر دمي ! تراجعت خطواتي لورا وانا امسك كتفي !

-" يالررخمة دافع عن نفسك "

قال بدر بصوت عالي وهو يبتسم بسخرية ! الله ياخذك يارب ، ثواني وخرج يوسف من البيت واول ماشافني توسعت عيونه بصدمة ثم ناظر للرجال وللسكين الي بيده وبسرعة جنونية هجم على الرجال الغريب ! حرفياً كلهم يتقاتلون بشراسة برعب رغم ان يوسف لازالت فيه الحرارة الا انه صامد وقوي !

عقدت حواجبي بألم فضيع وانا احس كتفي ينزف ! تراجعت لورا وتكيت على الكبوت وماسك كتفي بينما يدي كلها تغرقت دم ! حسيت بالدوار وحسيت بوهن عجيب ! جلست على الارض وكتفي ماوقف نزيف ! الطعنة واضح عميقة ! رفعت عيني للرجال وشفت كيف انه ماسك يوسف يبي يبقسه لكن يوسف ماعطاه فرصة وهو يسدد له لكمة ببطنه ! لفيت عيني لبدر وشفت انه يفزع مع اخوه وكل واحد يستلمه لكن الرجال قووي بشكل مهول !

فجاءة شفت سيارة مسرعة تجاهنا وماكانت الا سيارة صالح ! وقف بسرعة ونزل ونظرات التعجب تحوم حوله ، ناظره الرجال واول ماشافه ضحك بصوت عالي وبضحكة تخرش بصوته الثقيل !

-" ابو صلوح !! اثاريه اخوك ! "

قال الرجال وهو يأشر علي ! يعرف صالح ! الله ياخذك ولا يوفقك كانك جبت لي مثل اشكالك وردها ! تقدم صالح من الرجال واول ماتقدم فك الرجال اللطمة ، ركزت في ملامحه ولا عمري شفته او اعرفه ولا قد قابلته ! وش يبي مني ؟! وش مسوي له جعله يتشلوط بجهنم !