شروط البارت: ٢٠٠ كومنت ٤٠ فوت
قراءة ممتعة
•••••••••••
٣:١٩
فجراً
-" الله يشغلك ماهي معي كم مرة اعلمك !! "
ابد ..نشبت لبدر يقولي مكان الوصية ، من اليوم اتشحذه ينطق ويعلمني !
-" طيب علمني من اخذها ؟ "
تنهد بقوة وناظرني بطفش واخيراً نطق
-" مع صالح "
-" احلف !!!"
انصدمت !! مع صالح ! ليش اخذها !! قلت بأنفعال
-" طيب ليش ماتقول من اليوم ياكريه ! بعدين وش يبي منها !؟ "
رفع اصبعه السبابة وحطه جنب راسه ونطق
-" لعانة "
الله ياخذك
-" كل زق يامريض ! كان قلت وريحتني !"
تجاهلني وهو يمدد سيقانه بأتجاه وجهي بالعاني ! جعلها للبتر
سحبت عليه ورجعت انسدح ، ناظرت للسقف وفكرت ، صالح ماخذها طيب ليش ؟ وليش توه يتذكرها وياخذها الحين يعني ؟ فيه مليون فكرة تحوم براسي ! اخر شيء قررت انام واترك الموضوع لما يخرج الزفت صالح من التوقيف واتكلم معه بموضع هالوصية ذي ياتجي بالطيب يا انقز عيونه من مكانها
وهي وحدة من الثنتين يا انا ياهو..
١٠:٣٩
صباحاً
صحيت باليوم الثاني وأول مافتحت عيوني شفت محسن واقف عند راسي ويتأملني !!
-" وش بأبكم انتم اصحى من النوم القى زقاً مسنتر عند راسي !! "
قلت بتثاقل وانا ابعد الفراش عني ، لابوها من نومة كسرت عظامي ! ناظرت لمحسن وشفته يجلس بالكرسي ويأشر على يوسف
-" الحين ذا ما وده يصحى ؟ "
التفت ليوسف وفعلاً للحين خامدها !؟ زودها عاد
-" شكله صاحي بس يوم جيت سوا نفسه ميت "
قال بدر ورد محسن
-" يعني ما مات الا يوم جيت ؟ "
ضحكت بشماتة والتفت ليوسف الصدق احسني مشتاق له ! ودي اتهاوش معه
أنت تقرأ
' نِـسْيـان '
Teen Fiction« شَتات من كُل جهة ..يتخبط في قاع الضَياع » . . ماهي نهاية قصتك لو يرحلون هذي نهاية دورهم في قصتك. ..... عامية 'سعودية ' بدأت: 2023/11/5 انتهت:
