شروط البارت: ٢٠٠ كونت ٤٠ فوت
قراءة ممتعة
•••••••••••
رفعت عيوني لكن سرعان ما تجمدت حركتي وتوسعت عيوني بصدمة وانا اشوف الشخص الي واقف امامي !!
تراجعت خطوات وانا منصدم ! وش جابه عند رايد !!
-" هلا والله ، ذكرني وش كان اسمك ؟ "
قال ببرود ، ثبت مكاني ونطقت
-" ماجد وش الي جابك انت ! "
قلت ولازلت منصدم ! لايكون شك برايد وجاي يتمشكل معه ! وش ذا المباحث الي طلعلي فجاءة مابقى غير يخش بحلمي بعد ! والله ليسبب لي ازمة
-" ماجد ! "
سمعت صوت رايد وهو يطل راسه من ورا المباحث ذا ، ماني فاهم اي حاجة ، اشرت عليه وعلى الرجال بأستغراب تام شوي ونطق رايد
-" هذا خالي عساف "
صعقت ثاني مرة ! خاله !! كيف اجتمعوا ذولي ! تجاهلت وجوده نهائياً وانا امسك يد رايد وجيت انطق بس ناظرت للعساف ذا الي كان يناظرنا ومتكتف وقلت وانا ارفع حاجبي
-" يالطيب وش فيك نشبت ؟ ابعد بكلمه شوي "
وقف بأعتدال ودخل داخل الشقة !؟ غريبة ! توقعته بيستقعد لي ..دقيقة هو للحين يتذكرني ؟ يعني كل ماشاف وجهي بيتذكر موقفي البايخ ذاك !
قلعته عن افكاري وانا ارجع اناظر لرايد وتفاجأت من وجهه الي شحب اكثر ورجع لنفس نحافته !
-" وينك ما عاد تنشاف ! وش فيك رايد مختفي عسى ماشر !؟ "
-" مافيني شي "
قال ببرود ونبرته متغيرة ! ايش فيه ؟ قربت منه اكثر ومديت يدي لوجهه اشوف شحوبة بس صدمني يوم صفق يدي مبعدني عنه !
-" رح لبيتك الوقت متأخر الحين "
يستهبل ؟ الوقت توه ! لف وعطاني ظهره وجاء يسكر الباب بس مسكت يده ولف لي بسرعة وسحب يده مني بقوة ونطق بصراخ فاجأني فيه !
-" ياخي وش فيك انت نشبة كذا ! خلاص ياخوي روح بطريقك لاتقعد ناشب بحلقي ! "
وقفت منصدم منه وضحكت بصدمة وانا ارفع حواجبي لفوق بتفاجأء منه ! وش فيه قلب !
-" رايد وش فيـ.."
-" ماتفهم انت ! مافيني شيء خلاص !"
وثاني مرة يصارخ ! وش مشكلته ! رديت بصراخ منصدم
-" كل زق وش الي مافيني شي ! شايف وجهك انت ! وش فيك عصبت وقاعد تصارخ عشان سألتك كم سؤال احمد ربك اني جاي اسأل عنك ايش فيه ! متعاطي شيء !؟ بعقلك؟ "
قلتها دفعة وحدة وعلى اخر كلمة قلتها كا ردة فعل طبيعية بس صدمني لما هجم علي قابض على ياقتي و ملصقني بالجدار وراي وقرب معصب وصار يتكلم بغضب لدرجة انفاسه الحارة صارت تلفح بوجهي !!
أنت تقرأ
' نِـسْيـان '
Teen Fiction« شَتات من كُل جهة ..يتخبط في قاع الضَياع » . . ماهي نهاية قصتك لو يرحلون هذي نهاية دورهم في قصتك. ..... عامية 'سعودية ' بدأت: 2023/11/5 انتهت:
