' نِـسْيـان '

بُغْض

•••••••••••••

الي واقف قدامي كان صالح اخوي الكبير!

مشيت من قدامه ساحب عليه بدون اي كلمة الا انه مسك يدي مرجعني لمكاني !

-" وش جابك وش تبي ؟! "

قال وانا حسيت ودي اتفل في وجهه قلت ببرود

-" اسأل ابوك "

رفع حاجبه ونظرة الكره يرميها اتجاهي ، ترا حتى انا والله ما ابلعك شوي سمعت صوت اخوي الثاني وكان بدر

-" صالح من عند الباب ؟ "

وشفته جاي واقف قدام اخوه الاول ..اول ماشفتهم حامت كبدي ! تقدم بدر لي وفتح الباب على مصرعه واول ما شافني بدون مقدمات ضرب ظهري بأقوى ماعطاه الله حتى حسيت بقلبي بيوقف الله ياخذه ناظرته موسع عيوني بعصبة وهو نطق بأبتسامة مستفزة لابعد حد

-" هلا هلا بأخونا الصغير "

الله يمحيك وخرت يده عني بجفاء وسحبت عليهم الاثنين وراي الا ان صالح وقفني وهو يلفني بقبضته على كتفي بقوة وقال

-" ترا من يوم ورايح بتمشي على اوامري سمعت ؟ وغصب عن خشمك دام انك انت الحين تحت سقف بيتي "

رفعت حاجبي وفلتت مني ضحكة ساخرة من كلامه الي زي وجهه ابتسمت بأستفزاز وبنظرات تستصغره

-" بيتك؟ اوامر ؟ اول شيء متى صار بيتك ؟ مضيع ولا شارب شيء ؟ بعدين خف علينا ياهرون الرشيد دزها بس مصدق نفسك وبقوة.. مب انت الي تجي وتتأمر علي واعرف وحطها في بالك دايم قوتك الي على الفاضي الي تتكبر عشانها تراها ولا شيء عندي لا تحسب ولاتظن ولا تحاول اني بهابك يوم من الايام لا بالله عز الله انك تمطي عظم "

وسع عيونه بصدمة كأنه ماتوقع اني برد كذا ..صح اكيد بيتفاجئ اخر مرة شافني قدني بزر ، جاء لعندي بخطوات سريعة ووقف قدامي وانا ماتحركت سانتي واحد واقف مقابله وعيوني مثبته على عيونه بكل برود ..مسكني مع ياقتي وقال بأنفاس حارة

-" قد كلمتك ياورع ! تبي افرك وجهك بالقاع؟ انت تعرف مع من تتكلم اصلاً ياولد الـعـ******"

توسعت عيوني من وقع الكلمة الي قالها ولا شعورياً اوصالي صارت ترتجف بغضب غضب شديد وبدون تفكير زايد بقست وجهه بقوة لدرجة انه لف جسمه عني بالكامل وانا اتنفس بسرعة وحسيت بعروق رقبتي تبرز !

-" ماسمح لك تسبها لسانك ذا عساه للقص لايجيب طاريها تفهم !"

قلتها بكل نبرة حادة وعالية وناظرني صالح بعصبية وحقد وبدر واقف بالزاوية يتفرج بس ، ناظرت صالح وهو جاي لعندي ومسكني مع شعري ثم بسرعة هوى راسي بساقه على وجهي ! حسيت بدوخه قوية ! مسكت خشمي الي صار ينزف وانا اتراجع خطوتين خافض راسي لتحت ..حسيت بأختلال توازني من قوة الضربة الله لايوفقه لكن راحت بسرعة وقدرت استعين تركيزي وناظرته بحقد كره عظيم له